மினி பிக்பாஸ் வீட்டுல் இருந்து தான் வருகிறேன்! பாட்டோடு என்ட்ரி கொடுத்த பவித்ரா ஜனனி!

விஜய் டிவி-யில் ஏராளமான சீரியல்களில் நடித்து பிரபலமான நடிகை பவித்ரா ஜனனி தற்போது பிக்பாஸ் வீட்டுக்குள் போட்டியாளராக என்ட்ரி கொடுத்துள்ளார். இவர் தன்னை பற்றி கூறிய தகவல்கள் இதோ. 

Pavithra Janani:

பவித்ரா ஜனனி, விஜய் டிவியின் ஒளிபரப்பான 'ஆபீஸ்' சீரியலில், ஒரு சிறு கதாபாத்திரத்தில் நடித்த இவர், இதை தொடர்ந்து மெல்ல திறந்தது கதவு, லட்சுமி வந்தாச்சு, ராஜா ராணி, சரவணன் மீனாட்சி போன்ற சீரியல்களில் நடித்தார். ஆனால் இவருக்கு  சீரியலில் கதாநாயகியாக நடிக்கும் வாய்ப்பு பல வருடங்கள் கழித்து, 'ஈரமான ரோஜாவே' சீரியலில் தான் கிடைத்தது. இந்த சீரியலில் இவரது எதார்த்தமான நடிப்பு பல ரசிகர்களை கவர்ந்தது.

கடைசியாக விஜய் டிவியில் முடிவடைந்த , 'தென்றல் வந்து என்னைத் தொடும்' என்ற சீரியல் நடித்திருந்தார். மேலும் ரசிகர்கள் விரும்பும் ஒரு கதாபாத்திரமாகவும் இவருடைய ரோல்கள் இருந்துள்ளது. தற்போது தன்னுடைய அடுத்த கட்ட, வாய்ப்புக்காக பிக்பாஸ் சீசன் 8 நிகழ்ச்சிக்கு நுழைந்துள்ளதாக பவித்ரா ஜனனி கூறியுள்ளார்.

பிக்பாஸ் செட்டுக்கு வரும் போதே... விஜய் சேதுபதியின் செல்லமே உன்ன தான் தேடி வந்தேன் நானே பாடலை பாடிக்கொண்டே என்ட்ரி கொடுத்த பவித்ரா ஜனனி, தன்னை சீரியல் ரசிகர்கள் பவித்ரா என்பதை விட, மலர், அபி, போன்ற கதாபாத்திரமாக தான் பார்க்கிறார்கள். 10 வருஷமாக சினிமாவில் இருந்திருக்கிறேன். தற்போது தன்னுடைய கேரியரில் வளர்ச்சிக்காக பிக்பாஸ் வீட்டுக்குள் செல்கிறேன் என கூறியுள்ளார்.

தன்னுடைய குடும்பம் பற்றி பேசிய பவித்ரா, மினி பிக்பாஸ் வீட்டில் இருந்து தான் செல்ல போகிறேன். என்னுடைய வீட்டில் பட்டி, அம்மா, சித்தி, இரண்டு தம்பிகள், என.  என்னை மிகவும் அன்பாக பார்த்து கொள்வார்கள். சொல்ல போனால், என்னுடையது லவ் டார்ச்சர் ஃபேமிலி. என்னுடைய குடும்பத்தை தாண்டி எனக்கு எதுவுமே இல்லை. என கூறி... விஜய் சேதுபதியின் வாழ்த்துக்களுடன் பிக்பாஸ் வீட்டுக்கு சென்றுள்ளார்.