ஓடிடியில் கெத்து காட்டும் தமிழ் சினிமா... அதிக வியூஸ் அள்ளி அசால்ட் பண்ணிய டாப் 5 படங்கள் இதோ

ஓடிடியில் அதிக பார்வைகளை பெற்ற டாப் 5 படங்களின் பட்டியலை ஓர்மேக்ஸ் தளம் வெளியிட்டுள்ள நிலையில், அதில் 3 இடங்களை தமிழ் படங்கள் பிடித்துள்ளன.

Image Credit : instagram

Top 5 Most Watched Movies on OTT

தியேட்டரில் ஹிட்டானால் மட்டுமே படம் வெற்றி என்கிற நிலை மாறி உள்ளது. இதற்கு காரணம் ஓடிடி தளங்கள் தான். தற்போதைய காலகட்டத்தில் தியேட்டரில் சரியான தியேட்டர்கள் கிடைக்காமல் தோல்வியை சந்திக்கும் படங்கள், ஓடிடியில் ரிலீஸ் ஆன பின்னர் கொண்டாடப்படுவதுண்டு. அதனால் படத்தின் வெற்றி, தோல்வியை தீர்மானிப்பதில் ஓடிடி தளங்களும் முக்கிய பங்காற்றி வருகின்றன. அதன்படி ஓடிடி தளங்களில் வார வாரம் ரிலீஸ் ஆகும் படங்களில் அதிக வியூஸ் அள்ளிய டாப் 5 படங்களின் பட்டியலை ஓர்மேக்ஸ் தளம் வெளியிட்டு வருகிறது. அந்த வகையில் கடந்த வாரம் அதிக வியூஸ் அள்ளிய படங்கள் என்னென்ன என்பதை இந்த தொகுப்பில் பார்க்கலாம்.

Image Credit : x/production house

அதிக வியூஸ் அள்ளிய டாப் 5 படங்கள்

ஓடிடியில் அதிகம் பார்க்கப்பட்ட படங்களின் பட்டியலில் ஐந்தாவது இடத்தை 3 பிஹெச்கே திரைப்படம் பிடித்துள்ளது. ஸ்ரீகணேஷ் இயக்கத்தில் சித்தார்த், சரத்குமார், தேவையானி, யோகிபாபு ஆகியோர் நடித்துள்ள இப்படம் தற்போது அமேசான் பிரைம் ஓடிடி தளத்தில் ஸ்ட்ரீம் ஆகி வருகிறது. இப்படம் கடந்த வாரம் மட்டும் 13 லட்சம் பார்வைகளை பெற்றிருக்கிறது. இதற்கு அடுத்தபடியாக நான்காவது இடத்தில் டெஹ்ரான் என்கிற இந்திப் படம் உள்ளது. ஜீ5 ஓடிடி தளத்தில் ஸ்ட்ரீம் ஆகி வரும் இப்படத்தில் ஜான் ஆபிரஹாம் ஹீரோவாக நடித்துள்ளார். இப்படத்திற்கு கடந்த வாரத்தில் 17 லட்சம் வியூஸ் கிடைத்துள்ளது.

Image Credit : X/TheVishnuVishal

ஓடிடியில் ஹிட் அடித்த ஓஹோ எந்தன் பேபி

தியேட்டரில் பெரியளவில் வசூலிக்காமல், ஓடிடியில் ஹிட் அடித்துள்ள திரைப்படம் தான் ஓஹோ எந்தன் பேபி. இப்படத்தை விஷ்ணு விஷாலின் விவி ஸ்டூடியோஸ் நிறுவனம் தான் தயாரித்திருந்தது. இப்படத்தின் மூலம் விஷ்ணு விஷாலின் தம்பி ருத்ரா ஹீரோவாக அறிமுகமாகி இருக்கிறார். இப்படத்தை கிருஷ்ணகுமார் இயக்கி இருந்தார். ரொமாண்டிக் கதையம்சம் கொண்ட நகைச்சுவை திரைப்படமான இதில் நடிகர் விஷ்ணு விஷாலும் கேமியோ ரோலில் நடித்திருந்தார். இப்படம் கடந்த வாரம் ஓடிடியில் ரிலீஸ் ஆனது. நெட்பிளிக்ஸ் ஓடிடி தளத்தில் வெளியான இப்படம் கடந்த வாரத்தில் மட்டும் 20 லட்சம் வியூஸ் அள்ளி இந்த பட்டியலில் மூன்றாம் இடத்தை பிடித்துள்ளது.

Image Credit : X

ஓடிடியில் மாஸ் வெற்றி பெற்ற பறந்து போ

இந்த பட்டியலில் அகில உலக சூப்பர்ஸ்டார் சிவா நடித்த பறந்து போ திரைப்படம் இரண்டாம் இடத்தில் உள்ளது. இப்படத்தை ராம் இயக்கி இருந்தார். இப்படத்தில் அஞ்சலி, விஜய் யேசுதாஸ் ஆகியோரும் முக்கிய கதாபாத்திரத்தில் நடித்திருந்தனர். இப்படம் ஜியோ ஹாட்ஸ்டார் ஓடிடி தளத்தில் வெளியாகி அமோக வரவேற்பை பெற்று வருகிறது. கடந்த வாரத்தை போல் இந்த வாரமும் இரண்டாம் இடத்தை பிடித்து அசத்தி உள்ள பறந்து போ திரைப்படத்திற்கு 26 லட்சம் வியூஸ் கிடைத்துள்ளது. இந்த பட்டியலில் முதலிடத்தை ஹவுஸ்ஃபுல் என்கிற பாலிவுட் படம் பிடித்துள்ளது. அமேசான் பிரைமில் ஸ்ட்ரீம் ஆகும் இப்படம் 34 லட்சம் வியூஸ் அள்ளி உள்ளது.