நயன்தாரா இல்லையாம்; ஷாருக்கானின் கிங் பட ஹீரோயின் அதிரடியாக மாற்றம்

சித்தார்த் ஆனந்த் இயக்கத்தில் ஷாருக்கான் நடிக்க உள்ள கிங் திரைப்படத்தில் ஹீரோயினாக நடிக்க பிரபல பாலிவுட் நடிகை கமிட்டாகி இருக்கிறாராம்.

Shah Rukh Khan King Movie Heroine Update : 'ஜவான்', 'பதான்' மற்றும் 'டங்கி' படங்களைத் தொடர்ந்து, ரசிகர்கள் ஷாருக்கானின் 'கிங்' படத்திற்காகக் காத்திருக்கின்றனர். இருப்பினும், ரசிகர்களின் காத்திருப்பு அவ்வளவு சீக்கிரம் முடிவடையப் போவதில்லை. படத்தின் நட்சத்திரப் பட்டாளம் குறித்து அவ்வப்போது சின்ன சின்ன அப்டேட் வெளியாகி வந்த நிலையில், தற்போது 'கிங்' படம் குறித்த ஒரு பெரிய அப்டேட் வெளியாகியுள்ளது. அதன்படி இயக்குனர் சித்தார்த் ஆனந்த், படத்தின் நாயகி யார் என்பதை உறுதிப்படுத்தியுள்ளார். 

ஷாருக்கான், தீபிகா படுகோனே

ஷாருக்கானின் 'கிங்' பட ஹீரோயின் யார்?

அதன்படி நடிகை தீபிகா படுகோனே தான் கிங் படத்தில் ஹீரோயினாக நடிக்க உள்ளாராம். ஷாருக்கானுக்கும் 'கிங்' படத்தில் ஹீரோயினாக நடிக்க தீபிகா தான் பர்ஸ்ட் சாய்ஸ் ஆக இருந்தாராம். ஆனால் அவருக்கு குழந்தை பிறந்ததால் அவருக்கு முதலில் இப்படத்திற்கு தேதி ஒதுக்க முடியாமல் போனது. இதனால் நயன்தாரா இப்படத்தில் நாயகியாக நடிக்க வாய்ப்பு இருப்பதாக கூறப்பட்டது. ஆனால் 'கிங்' படத்தின் பணிகள் தாமதம் ஆனதால், தற்போது தீபிகாவையே ஹீரோயினாக கமிட் செய்துள்ளனர்.

ஷாருக்கான் ஜோடியாக நடிக்கும் தீபிகா

கிங் பட ஷூட்டிங் எப்போது?

'கிங்' படத்தின் படப்பிடிப்பு வருகிற மே 18ந் தேதி தொடங்க உள்ளது. இப்படத்தின் முதல் கட்டப் படப்பிடிப்பு மும்பையில் நடைபெறும் என்று கூறப்படுகிறது. மும்பையைத் தொடர்ந்து, படத்தின் படப்பிடிப்பு பல்வேறு நாடுகளில் நடைபெறும் என்று கூறப்படுகிறது. படத்தில் ஷாருக்கான் அற்புதமான ஆக்‌ஷன் காட்சிகளில் நடிப்பார் எனவும் இப்படம் ரசிகர்களுக்கு ஒரு ஆக்‌ஷன் விருந்தாக இருக்கும் என்றும் தகவல்கள் தெரிவிக்கின்றன.

ஷாருக்கானின் அடுத்த படம் கிங்

ஷாருக்கானின் கிங் படத்தின் நட்சத்திரப் பட்டாளம்

ஷாருக்கானின் 'கிங்' படத்தின் நட்சத்திரப் பட்டாளத்தைப் பற்றிப் பேசுகையில், சுகானா கான், அபய் வர்மா, அர்ஷத் வார்சி, ஜெய்தீப் அஹ்லாவத் ஆகியோர் முக்கிய வேடங்களில் நடிக்கின்றனர். அபிஷேக் பச்சன் படத்தில் வில்லனாக நடிக்கிறார். இந்தப் படம் 2026 இல் உலகம் முழுவதும் வெளியாகும். ஷாருக்கான் கடைசியாக 2023 இல் வெளியான மூன்று படங்களான 'பதான்', 'ஜவான்' மற்றும் 'டங்கி' ஆகியவற்றில் நடித்திருந்தார். இந்த மூன்று படங்களும் வெற்றி பெற்றன. 'பதான்' மற்றும் 'ஜவான்' படங்கள் வசூல் சாதனை படைத்தன. இரண்டு படங்களும் 1000 கோடிக்கும் மேல் வசூலித்தன. இருப்பினும், 2024 இல் ஷாருக்கானின் எந்தப் படமும் வெளியாகவில்லை, இதனால் அவரது ரசிகர்கள் ஏமாற்றமடைந்தனர்.