அது உங்க பேத்தி மாதிரி... 600 மார்க் எடுத்த மாணவியை இப்படி சொல்லலாமா! வைரமுத்துவை ட்ரோல் செய்யும் நெட்டிசன்ஸ்

தமிழ் சினிமாவில் முன்னணி பாடலாசிரியராக வலம் வந்தவர் வைரமுத்து. இவர் கடந்த சில ஆண்டுகளுக்கு முன் மீடூ சர்ச்சையில் சிக்கினார். அவர் மீது பாடகி சின்மயி மீடூ புகார் கொடுத்தது பெரும் பரபரப்பை ஏற்படுத்தியது. மீடூ புகாரில் சிக்கிய பின்னர் வைரமுத்துவுக்கு சினிமாவில் வாய்ப்புகளும் குறைந்துவிட்டன. மணிரத்னத்தின் நெருங்கிய நண்பரான இயக்குனர் மணிரத்னமும் அவருக்கு பொன்னியின் செல்வன் படத்தில் வாய்ப்பளிக்கவில்லை.

சினிமாவில் வாய்ப்புகள் குறைந்துவிட்டாலும் டுவிட்டரில் படு ஆக்டிவாக இருந்து வருகிறார் வைரமுத்து. அந்த வகையில் சமீபத்தில் வெளியான ப்ளஸ் 2 பொதுத்தேர்வில் 600-க்கு 600 மதிப்பெண் பெற்று சாதனை படைத்த திண்டுக்கல்லை சேர்ந்த நந்தினி என்கிற அரசுப்பள்ளி மாணவியை டுவிட்டரில் பாராட்டி பதிவிட்டிருந்த வைரமுத்து, அவருக்கு தங்கப்பேனாவை பரிசாக வழங்குவதாகவும் குறிப்பிட்டு இருந்தார்.

இதையும் படியுங்கள்... காசுக்காக இப்படியா வாய்கூசாம பொய் சொல்லுவீங்க... நடிகை ராஷ்மிகாவை வறுத்தெடுக்கும் நெட்டிசன்கள் - காரணம் என்ன?

அந்த டுவிட்டில், 
“ஒரு 
தச்சுத் தொழிலாளியின் மகள்
மாநிலத் தேர்வில்
உச்சம் தொட்டிருப்பது
பெண்குலத்தின் பெருமை
சொல்கிறது

எப்படிப் பாராட்டுவது?

அண்மையில் நான்பெற்ற
தங்கப் பேனாவைத்
தங்கை நந்தினிக்குப்
பரிசளிக்கிறேன்

திண்டுக்கல் வருகிறேன்;
நேரில் தருகிறேன்

உன் கனவு 
மெய்ப்படவேண்டும் பெண்ணே!” என குறிப்பிட்டு இருந்தார்.

பிளஸ் 2 மாணவியை பாராட்டிய வைரமுத்துவை நெட்டிசன்கள் கடுமையாக ட்ரோல் செய்து வருகின்றனர். இதற்கு காரணம் அவர் அந்த டுவிட்டில் மாணவி நந்தினியை தங்கை என குறிப்பிட்டு இருந்தது தான். உங்கள் பேத்தி வயது இருக்கும் பெண்ணை நீங்கள் இப்படி தங்கை என சொல்லலாமா, பேத்தி என பதிவிட்டு இருந்தால் சரியாக இருந்திருக்கும் என கமெண்ட் செய்து வருகின்றனர். அதுமட்டுமின்றி அவர் தங்க பேனாவை நேரில் வந்து தருகிறேன் என சொன்னதற்கு, தயவு செய்து கொரியரில் அனுப்பி விடுங்கள் எனவும் நெட்டிசன்கள் கிண்டலடித்து வருகின்றனர்.

இதையும் படியுங்கள்... திரிஷாவின் மாஜி காதலனுடன் டேட்டிங் சென்ற பிக்பாஸ் நடிகை... நெருக்கமாக இருக்கும் போட்டோவால் வெளிவந்த உண்மை