தமிழ்நாட்டு அரசியல்வாதி மகனுடன் காதல் மலர்ந்தது எப்படி? மேகா ஆகாஷின் 6 வருட லவ் ஸ்டோரி

தமிழ் படங்களில் நடித்து பிரபலமான நடிகை மேகா ஆகாஷ், தமிழ்நாட்டு அரசியல்வாதியின் மகனை காதல் திருமணம் செய்துகொள்ள உள்ளார்.

Megha Akash

கெளதம் மேனன் இயக்கிய எனை நோக்கி பாயும் தோட்டா படம் மூலம் ஹீரோயினாக அறிமுகமானவர் மேகா ஆகாஷ். அப்படம் ரிலீஸ் ஆகும் முன்னரே அவர் நடித்த பேட்ட படம் ரிலீஸ் ஆனதால் அதுவே மேகாவின் முதல் படமாக அமைந்தது. பின்னர் பூமரேங், விஜய் சேதுபதி ஜோடியாக யாதும் ஊரே யாவரும் கேளிர் போன்ற படங்களில் நடித்த மேகா ஆகாஷ் கடைசியாக விஜய் ஆண்டனி ஜோடியாக மழை பிடிக்காத மனிதன் படத்தில் நடித்திருந்தார்.

Megha Akash Engagement

இதனிடையே கடந்த சில தினங்களுக்கு முன்னர் தனக்கு திருமணம் நிச்சயமாகிவிட்டதாக குறிப்பிட்டு இன்ஸ்டாவில் நிச்சயதார்த்த புகைப்படங்களை பதிவிட்டு இருந்தார் மேகா ஆகாஷ். அதுமட்டுமின்றி தன்னுடைய காதலன் பெயர் சாய் விஷ்ணு என குறிப்பிட்டு அவரையும் அறிமுகப்படுத்தி இருந்தார் மேகா ஆகாஷ். அந்த சாய் விஷ்ணு யார், இருவருக்கும் இடையே காதல் மலர்ந்தது எப்படி என்பது பற்றி இந்த தொகுப்பில் பார்க்கலாம்.

இதையும் படியுங்கள்... ஒரு முறை கூட அமெரிக்கா போனதில்ல... ஆனாலும் நியூயார்க் நகரத்தை வர்ணித்து வாலி பாடல் எழுதியது எப்படி?

Megha Akash, Saai Vishnu

மேகாவின் வருங்கால கணவர் சாய் விஷ்ணு வேறுயாருமில்லை. தமிழ்நாட்டு அரசியல்வாதி, முன்னாள் தமிழ்நாடு காங்கிரஸ் கட்சியின் தலைவர் திருநாவுக்கரசரின் மகன் தான் இந்த சாய் விஷ்ணு. மேகா ஆகாஷுக்கு அவரை 9 வருடங்களாக தெரியுமாம். கடந்த ஆறு ஆண்டுகளாக இருவரும் காதலித்து வருகிறார்களாம். சாய் விஷ்ணு தமிழ் சினிமாவில் உதவி இயக்குனராக பணியாற்றி உள்ளாராம். அமெரிக்காவில் பிலிம் மேக்கிங் படித்த இவர், காலா, கபாலி போன்ற படங்களில் இயக்குனர் பா.இரஞ்சித்திடம் உதவி இயக்குனராக பணியாற்றி இருக்கிறார்.

Megha Akash Love Story

அதன்பின்னர் சினிமாவில் இருந்து விலகிய அவர் தற்போது பிசினஸை கவனித்து வருகிறார். சென்னையில் சாய் விஷ்ணு - மேகா ஆகாஷ் ஜோடியின் நிச்சயதார்த்தம் நடந்து முடிந்த நிலையில், வருகிற செப்டம்பர் 14 மற்றும் 15 ஆகிய தேதிகளில் அவர்களது திருமணம் நடைபெற உள்ளதாம். திருமணத்துக்கு பின்னரும் சினிமாவில் தொடர்ந்து நல்ல நல்ல கதைகளாக தேர்ந்தெடுத்து நடிப்பேன் என்று நடிகை மேகா ஆகாஷ் கூறி உள்ளார்.

இதையும் படியுங்கள்... கலெக்‌ஷன் அள்ளுது... பாக்ஸ் ஆபிஸில் வசூல் வேட்டை நடத்தும் வாழை - 2ம் நாள் நிலவரம் இதோ