அறிவிப்போடு நின்ற ராகவா லாரன்ஸின் அதிகாரம், பென்ஸ், காஞ்சனா 4... அதே வரிசையில் 'மஹாவீர் கர்ணா'? - நெட்டிசன்கள் காட்டம்!

ராகவா லாரன்ஸ் நடிப்பில் ‘மஹாவீர் கர்ணா’ போஸ்டர் வந்துள்ளது. ஆனால், 'காலா பைரவா', 'அதிகாரம்', 'துர்கா', 'பென்ஸ்', 'காஞ்சனா 4' என அறிவிப்போடு நின்ற படங்களின் வரிசையில் இதுவும் வெறும் 'Announcement Scam' தானா என நெட்டிசன்கள் விளாசுகின்றனர்.

Image Credit : x

பிரம்மாண்ட செட், உலகத்தரம் வாய்ந்த VFX... மகாபாரத களத்தில் லாரன்ஸ்!

மகாபாரதப் போர்க்களத்தின் ஈடு இணையற்ற நாயகன் கர்ணனின் வீர வரலாற்றை அடிப்படையாகக் கொண்டு, ரூ.150 கோடி பிரம்மாண்ட பட்ஜெட்டில் உருவாகிறது ‘மஹாவீர் கர்ணா’.

கௌரவம், மாறாத விசுவாசம், எல்லை கடந்த தியாகம் என முரண்களின் காவிய நாயகனான கர்ணனாக ராகவா லாரன்ஸ் முதன்மைக் கதாபாத்திரத்தில் நடிக்கிறார். இப்படத்தை இயக்குநர் ரமேஷ் வர்மா இயக்குகிறார். பென் மூவீஸ் (PEN MOVIES) ஜெயந்திலால் கடா வழங்க, ஆர்வி ஸ்டூடியோஸ் மற்றும் ஸ்ரீ நீலாத்ரி புரொடக்‌ஷன்ஸ் (RV STUDIOS & SRI NEELADRI PRODUCTIONS) இணைந்து இப்படத்தைத் தயாரிக்கின்றன.

Image Credit : x

கொண்டாட்டத்திற்கு நடுவே எழுந்த கடுமையான விமர்சனம்!

ரூ.150 கோடி பொருட்செலவில் உருவாகும் இப்படம் தமிழ், தெலுங்கு, மலையாளம், இந்தி மற்றும் கன்னடம் ஆகிய 5 மொழிகளில் ஒரே நேரத்தில் படமாக்கப்படுகிறது. புராண காலத்தை கண்முன் நிறுத்தும் பிரம்மாண்ட அரங்குகள், உலகத்தரத்திலான VFX தொழில்நுட்பம், இதுவரை பார்த்திராத அதிரடிப் போர்க்காட்சிகள் இவை அனைத்தும் இணைந்து ரசிகர்களுக்கு ஒரு பிரமிக்க வைக்கும் திரை அனுபவத்தைத் தரும் வகையில் வடிவமைக்கப்பட்டு வருகின்றன.

படத்தின் மற்ற முன்னணி நட்சத்திரங்கள் மற்றும் தொழில்நுட்பக் கலைஞர்கள் பற்றிய அறிவிப்புகள் விரைவில் அடுத்தடுத்து வெளியாகவுள்ளன. இப்படம் 2027-ல் உலகமெங்கும் திரையரங்குகளில் வெளியாகிறது.

Image Credit : x

அறிவிப்போடு நின்ற அதிகாரம், காஞ்சனா 4... அதே வரிசையில் 'மஹாவீர் கர்ணா'?

படத்தின் அதிகாரப்பூர்வ அறிவிப்பு மற்றும் போஸ்டர் வெளியானதைத் தொடர்ந்து, ரசிகர்களிடையே பல்வேறு விமர்சனங்களும் விவாதங்களும் எழுந்துள்ளன. ராகவா லாரன்ஸ் மற்றும் ரமேஷ் வர்மா கூட்டணியில் இதற்கு முன் பேசப்பட்ட ‘காலா பைரவா’ (Kala Bhairava), வெற்றிமாறன் கதையில் ‘அதிகாரம்’ (Adhigaaram), லாரன்ஸின் ‘துர்கா’ (Durga), வெங்கட் மோகனின் ‘ஹண்டர்’ (Hunter), லோகேஷ் கனகராஜ் இயக்கத்தில் பேசப்பட்ட ‘பென்ஸ்’ (BENZ), ‘புல்லட்’ (Bullet - Cameo) மற்றும் ‘காஞ்சனா 4’ (Kanchana 4) எனப் பல படங்கள் அறிவிப்புகளோடு நிற்பதைச் சுட்டிக்காட்டி, சமூக வலைத்தளங்களில் 'Announcement Scam' என்ற விமர்சனமும் எழுந்துள்ளது.

Image Credit : x

இணையத்தை ஆளும் காரசார விவாதம்!

போஸ்டர் விஷுவலாகப் பிரம்மாண்டமாக அமைந்திருந்தாலும், அதில் இயல்பான உணர்வு (natural feel) சற்றுக் குறைவாக இருந்து, முழுமையாக AI தொழில்நுட்பத்தால் உருவாக்கப்பட்ட (AI-generated) தோற்றம் தருவதாக இணையவாசிகள் கருத்து தெரிவித்து வருகின்றனர்.