ஓடிடியில் கூலியை காலி பண்ணிய சிறு பட்ஜெட் படங்கள்... அதிக வியூஸ் அள்ளிட டாப் 5 மூவீஸ் லிஸ்ட் இதோ

ஓடிடி தளங்களில் அதிக வியூஸ் அள்ளிய டாப் 5 திரைப்படங்கள் மற்றும் வெப் தொடர்களின் பட்டியலை ஓர்மேக்ஸ் தளம் வெளியிட்டுள்ளது. அதன் பட்டியலை இந்த தொகுப்பில் பார்க்கலாம்.

Image Credit : Google

Top 5 Most Watched Movies and Web Series on OTT

ஓடிடி தளங்களின் வளர்ச்சியால் தற்போது தியேட்டருக்கு சென்று படம் பார்ப்பவர்களின் எண்ணிக்கை கணிசமாக குறைந்துள்ளது. அதே நேரத்தில் உலகளவில் எந்த மொழியில் வெளியாகும் படங்களாக இருந்தாலும் சரி அதை வீட்டில் இருந்தபடியே பார்க்கும் வசதி ஓடிடி மூலம் கிடைத்துள்ளது. தியேட்டரில் ரிலீஸ் ஆகும் படங்களே ஒரு மாதத்தில் ஓடிடி தளங்களில் ரிலீஸ் ஆகிவிடுகின்றன. அந்த வகையில் செப்டம்பர் 22ந் தேதி முதல் 28-ந் தேதி வரை ஓடிடி தளங்களில் அதிக பார்வைகளை பெற்ற திரைப்படங்கள் மற்றும் வெப் தொடர்கள் என்னென்ன என்பதை இந்த தொகுப்பில் விரிவாக பார்க்கலாம்.

Image Credit : instagram

சரிவை சந்தித்த கூலி

ஓடிடியில் அதிக வியூஸ் அள்ளிய படங்கள் பட்டியலில் சன் ஆஃப் சர்தார் 2 திரைப்படம் ஐந்தாம் இடத்தில் உள்ளது. நெட்பிளிக்ஸில் ஸ்ட்ரீம் ஆகி வரும் இந்த படத்திற்கு 19 லட்சம் வியூஸ் கிடைத்துள்ளது. கடந்த இரண்டு வாரங்களாக இந்த பட்டியலில் இரண்டாம் இடத்தில் இருந்த சூப்பர்ஸ்டார் ரஜினிகாந்தின் கூலி திரைப்படம் இந்த வாரம் நான்காம் இடத்துக்கு தள்ளப்பட்டு உள்ளது. அமேசான் பிரைம் ஓடிடி தளத்தில் ரிலீஸ் ஆன இப்படத்திற்கு கடந்த வாரம் மட்டும் 30 லட்சம் வியூஸ் கிடைத்துள்ளன. லோகேஷ் கனகராஜ் இயக்கிய இப்படம் கடந்த செப்டம்பர் 11ந் தேதி ஓடிடியில் ரிலீஸ் ஆனது.

Image Credit : Social Media

டாப் 3 படங்கள் என்னென்ன?

இந்த பட்டியலில் மூன்றாம் இடத்தை மலையாள சூப்பர்ஸ்டார் மோகன்லாலின் ஹிருதயபூர்வம் திரைப்படம் பிடித்துள்ளது. மோகன்லால் உடன் மாளவிகா மோகனன் நடித்த இப்படம் தற்போது ஜியோ ஹாட்ஸ்டாரில் ஸ்ட்ரீம் ஆகி வருகிறது. இதற்கு 34 லட்சம் வியூஸ் கிடைத்திருக்கிறது. கடந்த வாரம் வரை முதலிடத்தில் இருந்த சையாரா என்கிற இந்தி திரைப்படம். இந்த வாரம் 2ம் இடத்தை பிடித்துள்ளது. நெட்பிளிக்ஸில் ஸ்ட்ரீம் ஆகும் அப்படத்திற்கு 45 லட்சம் வியூஸ் கிடைத்துள்ளது. இந்த பட்டியலில் முதலிடத்தை மகாவதார் நரசிம்மா திரைப்படம் பிடித்துள்ளது. நெட்பிளிக்ஸில் ஸ்ட்ரீம் ஆகி வரும் இப்படத்திற்கு 57 லட்சம் வியூஸ் கிடைத்திருக்கிறது.

Image Credit : Instagram

அதிக வியூஸ் அள்ளிய டாப் 5 வெப் சீரிஸ்

ஓடிடியில் அதிக வியூஸ் அள்ளிய வெப் தொடர்கள் பட்டியலில், வெட்னஸ்டே என்கிற வெப் தொடரின் 2வது சீசன் 5வது இடத்தில் உள்ளது. நெட்பிளிக்ஸில் ஸ்ட்ரீம் ஆகும் இந்த வெப் சீரிஸுக்கு 8 லட்சம் வியூஸ் கிடைத்துள்ளது. இந்த பட்டியலில் இரண்டாம் இடத்தில் தமன்னா நடித்த Do You Wanna Partner என்கிற வெப் சீரிஸ் உள்ளது. அமேசான் பிரைமில் ஸ்ட்ரீம் ஆகும் இந்த தொடருக்கு 13 லட்சம் வியூஸ் கிடைத்துள்ளது. அமேசான் எம்.எக்ஸ் பிளேயரில் 18 லட்சம் வியூஸ் உடன் சிக்சஸ் சீசன் 2 வெப் தொடர் 3ம் இடத்தை பிடித்துள்ளது. இரண்டாம் இடத்தில் தி டிரெயல் சீசன் 2 வெப் தொடர் உள்ளது. ஜியோ ஹாட்ஸ்டாரில் உள்ள இந்த வெப் தொடர் 28 லட்சம் வியூஸ் பெற்றுள்ளது. முதலிடத்தில் ஷாருக்கான் மகன் ஆர்யன் கான் இயக்கிய The Bads of Bollywood என்கிற வெப் தொடர் உள்ளது. நெட்பிளிக்ஸில் ஸ்ட்ரீம் ஆகும் இந்த வெப் தொடருக்கு 57 லட்சம் வியூஸ் கிடைத்துள்ளது.