விஜய் டிவி 'மகாநதி' சீரியல் ஹீரோ ருத்ரன் பிரவீனுக்கு குழந்தை பிறந்தது! குவியும் வாழ்த்து!

'மகாநதி'  சீரியலில் ஹீரோக்களில் ஒருவராக நடித்து வரும் ருத்ரன் பிரவீனுக்கு குழந்தை பிறந்ததை தொடர்ந்து, ரசிகர்கள் தங்களின் வாழ்த்துக்களை தெரிவித்து வருகின்றனர். 

Rudran Praveen Serial

விஜய் டிவி தொலைக்காட்சியில் ஒளிபரப்பாகி வரும் முக்கிய சீரியல்களில் ஒன்று 'மகாநதி'. இந்த தொடரை ராஜா ராணி,  பாரதி கண்ணம்மா, போன்ற சூப்பர் ஹிட் சீரியல்களை இயக்கிய பிரவீன் பெனன்ட் இயக்கி வருகிறார். இந்த சீரியலில் சுஜாதா சிவக்குமார், லட்சுமி பிரியா, சாமிநாதன், அனந்தராமன், ருத்ரன் பிரவீன், தாரணி, குமருதீன், பேபி காவியா, போன்ற பலர் முக்கிய கதாபாத்திரத்தில் நடிக்க, பிரபல நடிகர் சரவணன்  சிறப்பு தோற்றத்தில் நடித்திருந்தார்.

Mahanathi Serial

ரசிகர்கள் மத்தியில் நல்ல வரவேற்பை பெற்று வரும் இந்த தொடர், கடந்த ஆண்டு ஜனவரி மாதம் துவங்கப்பட்டது. ஒரு வருடத்தை கடந்து தற்போது வரை ரசிகர்களின் மிகப்பெரிய ஆதரவுடன் ஒளிபரப்பாகி வருகிறது. எதிர்பாராத திருப்பு முனைகளுடன் ஒளிபரப்பாகி வரும் இந்த சீரியலில், காவேரி - நிவின் காதல் காட்சிகளுக்கு என மிகப்பெரிய ரசிகர்கள் கூட்டம் இருந்தது.

Rudran and Laxmi Priya Pair

காவேரி, விஜய்யை திருமணம் செய்தது.. ரசிகர்கள் சற்றும் எதிர்பாராத ஒன்று என்றாலும் கூட இவர்கள் இருவரின் காம்போவும் ரசிக்கும் படியாக உள்ளது. அதே சமயம் நிவின் காவேரிக்காக காத்திருக்க போகிறாரா? அல்லது காவேரியின் தங்கை யமுனாவின் காதலை ஏற்று கொள்ள போகிறாரா? என்கிற எதிர்பார்ப்பும் எழுந்துள்ளது.

Rudran Praveen Married to Pavithra

'மகாநதி' சீரியல் மூலம் ஏராளமான ரசிகர்கள் மனதை கவர்ந்துள்ள, நிவினுக்கு கடந்த 2 வருடங்களுக்கு முன்பு பவித்ரா என்கிற பெண்ணுடன் திருமணம் நடந்து முடிந்த நிலையில்.. தற்போது இவருக்கு அழகிய பெண் குழந்தை பிறந்துள்ள தகவல் வெளியாகியுள்ளது. இதை தொடர்ந்து ருத்ரன் பிரவீனுக்கு ரசிகர்கள் தங்களின் வாழ்த்துக்களை தெரிவித்து வருகிறார்கள்.

Rudran Praveen blessed Girl baby

ருத்ரன் பிரவீன், ஏராளமான குறும்படங்களில் நடித்து பிரபலமானவர். கிரிக்கெட்டில் சாதிக்க வேண்டும் என நினைத்த இவருக்கு... உயிரே போகும் அளவுக்கு ஒரு விபத்து ஏற்பட்டதால், தன்னுடைய கவனத்தை சினிமா மீது திருப்பினார். இந்த சீரியல் வாய்ப்பும் இவருக்கு எளிதில் கிடைத்துவிடவில்லை. 50 மேற்பட்ட ஆடிஷன்களில் கலந்து கொண்டு.. பல துணை கதாபாத்திரங்களில் நடித்து பின்னரே பிரவீன் பெனென்ட் கொடுத்த வாய்ப்பால் இந்த சீரியலில் நடிக்கும் வாய்ப்பு கிடைத்தது.