எங்களுக்கு ‘துணிவு’ ஜாஸ்தி.. ‘வாரிசு’வை அழிச்சிடுவோம்- போஸ்டர் ஒட்டி அலப்பறை செய்யும் விஜய்-அஜித் ரசிகர்கள்

தமிழ் சினிமாவில் முன்னணி நடிகர்களாக வலம் வரும் விஜய்க்கும், அஜித்துக்கு தமிழ்நாட்டில் ஏராளமான ரசிகர்கள் உள்ளனர். இவர்கள் இருவரும் நண்பர்களாக இருந்தாலும், இவர்களது ரசிகர்கள் எலியும், பூனையுமாகத் தான் இருந்து வருகின்றனர். இருதரப்பினரும் அடிக்கடி டுவிட்டரில் மோதிக்கொள்வது உண்டு. அந்த மோதல் தற்போது போஸ்டர் வரை சென்றுவிட்டது.

மதுரையைச் சேர்ந்த விஜய் - அஜித் ரசிகர்கள் போஸ்டர் மோதலில் ஈடுபட்ட சம்பவம் பரபரப்பை ஏற்படுத்தி உள்ளது. நடிகர் விஜய் நடித்துள்ள வாரிசு திரைப்படம் பொங்கலுக்கு திரையரங்குகளில் ரிலீசாகும் என கடந்த ஜூன் மாதமே அறிவிப்பு வெளியாகிவிட்டது. இதனிடையே அஜித் நடித்து வரும் துணிவு படத்தையும் அதே தினத்தில் ரிலீஸ் செய்ய படக்குழு திட்டமிட்டுள்ளதாக கூறப்பட்டு வந்தது.

இதையும் படியுங்கள்.... 'புஷ்பா 2' படத்தில் சமந்தா வாய்ப்பை தட்டி தூக்கிய 48 வயது கவர்ச்சி புயல்! காத்திருக்கும் கவர்ச்சி விருந்து!

இதனை விமர்சிக்கும் விதமாக மதுரையைச் சேர்ந்த விஜய் ரசிகர்கள், துணிவாக இருந்தாலும் சரி... யாராக இருந்தாலும் சரி, பர்ஸ்ட் தளபதி எண்ட்ரி தான் ‘வாரிசு பொங்கல் 2023 வெளியீடு’ என குறிப்பிட்டு போஸ்டர் ஒன்றை ஒட்டி இருந்தனர். இதற்கு பதிலடி கொடுக்கும் விதமாக மதுரையில் அஜித் ரசிகர்கள் ஒட்டியுள்ள போஸ்டர் பரபரப்பை ஏற்படுத்தி உள்ளது.

அந்த போஸ்டரில், “எங்களுக்கு எதிரியா இருக்கனும்னு நினைக்காத, ஏன்னா எங்களுக்கு துணிவு ஜாஸ்தி, மீறி நினைச்சா உன் வாரிசுவையே அழிச்சுடுவோம். தேசிய நாயகன் அஜித் ஃபேன்ஸ் மதுரை” என எழுதப்பட்டுள்ள அந்த போஸ்டரில் அஜித்தின் துணிவு படத்தின் போஸ்டரும் இடம்பெற்று உள்ளது. இவ்வாறு இருதரப்பு ரசிகர்களும் திடீரென போஸ்டர் மோதலில் ஈடுபட்டுள்ள சம்பவம் சமூக வலைதளத்தில் பேசு பொருள் ஆகி உள்ளது.

இதையும் படியுங்கள்.... ரிலீசுக்கு தயாரானது சமந்தாவின் சரித்திர படம்... மாஸான பிஜிஎம் உடன் வந்த ‘சாகுந்தலம்’ மோஷன் போஸ்டர் வீடியோ இதோ