இது நம்ப லிஸ்டுலையே இல்லையே! லியோ படத்தில் இணைந்த தனுஷ் பட ஹீரோயின்? வெளியான ஆச்சர்ய தகவல்!

தளபதி விஜய் நடித்து வரும் 'லியோ' படத்தில், பிரபல இளம் நடிகை ஒருவர் இணைந்துள்ளதாக வெளியாகியுள்ள தகவல் ரசிகர்களை ஆச்சர்யத்தில் ஆழ்த்தியுள்ளது. 

இயக்குனர் லோகேஷ் கனகராஜ் 'விக்ரம்' படத்தின் வெற்றிக்கு பிறகு, தளபதி விஜய்யை வைத்து 'லியோ' படத்தை இயக்கி வருகிறார். ஏற்கனவே லோகேஷ், தளபதியை வைத்து, இவர் இயக்கிய 'மாஸ்டர்' திரைப்படம் நல்ல வரவேற்பை பெற்ற நிலையில், 'லியோ' படத்தின் மீதான எதிர்பார்க்கும் ரசிகர்கள் மத்தியில் எக்கச்சக்கமாக எகிறியுள்ளது. 

இந்த படத்தில் தளபதிக்கு ஜோடியாக, பொன்னியின் செல்வன் குந்தவையான, த்ரிஷா நடிக்கிறார். மேலும் சஞ்சய் தத், கவுதம் மேனன், பிரியா ஆனந்த், மன்சூர் அலிகான், மிஷ்கின், மனோ பாலா உள்ளிட்ட பலர் முக்கிய வேடங்களில் நடித்துள்ளனர்.

தீபாவளியை குறிவைத்து ரிலீசாக உள்ள 'லியோ' திரைப்படம், ரிலீஸுக்கு முன்பே ஓடிடி, இசை உரிமம் மற்றும் விநியோக உரிமம் என இதுவரை சுமார், ரூ.350 கோடிக்கு மேல் வசூலித்துள்ளதாக கூறப்படுகிறது.

இந்நிலையில் 'லியோ' படத்தில் தனுஷ், விஜய் சேதுபதி உள்ளிட்ட முன்னணி நடிகர்களுக்கு ஜோடியாக நடித்து பிரபலமான மடோனா செபாஸ்டியன் நடிக்க உள்ளதாக புதிய தகவல் ஒன்று வெளியாகியுள்ளது. 

இவர் 2015 ஆம் ஆண்டு, மலையாள படமான 'பிரேமம்' படத்தின் மூலம் அறிமுகமானார். இதை தொடர்ந்து தமிழிலும் அறிமுகமாகி சில படங்களில் நடித்துள்ள மடோனா செபாஸ்டியன் விஜய்யுடன் லியோ படத்தில்  நடித்து வருவதாக கூறப்படுகிறது.

குறிப்பாக ஒரு பாடல் காட்சியில் விஜய்யுடன் சேர்ந்து இவர் நடனமாடி உள்ளது மட்டும் இன்றி அந்த பாடலையும் இவர் தான் பாடியுள்ளாராம். இந்த தகவல் சமூக வலைதளங்களில் பரவி வருகிறது. இந்த தகவலை அறிந்த ரசிகர்கள்... இது நம்ப லிஸ்டுலையே இல்லையே என கமெண்ட் செய்து வருகிறார்கள். மடோனா செபாஸ்டியன் கதாபாத்திரம் குறித்து, இதுவரை படக்குழு அதிகார பூர்வ தகவலை வெளியிடவில்லை என்றாலும், விரைவில் வெளியாகலாம் என எதிர்பார்க்கப்படுகிறது.