ஜாய் கிரிசில்டா என்னை மிரட்டி கல்யாணம் பண்ணிட்டாங்க... அந்தர் பல்டி அடித்த மாதம்பட்டி ரங்கராஜ்..!

மகளிர் ஆணையத்தில் ஜாய் கிரிசில்டாவின் குழந்தைக்கு தான் அப்பா என்பதை மாதம்பட்டி ரங்கராஜ் ஒப்புக்கொண்டதாக ஜாய் கூறி வந்த நிலையில், அதற்கு அவர் பதிலடி கொடுத்துள்ளார்.

Image Credit : @Madhampatty Rangaraj

Madhampatty Rangaraj Allegation over Joy Crizildaa

மாதம்பட்டி ரங்கராஜ் தன்னை ஏமாற்றிவிட்டதாக கூறி ஆடை வடிவமைப்பாளர் ஜாய் கிரிசில்டா, மகளிர் ஆணையத்தில் புகார் அளித்திருந்ததை அடுத்து, அவர் கடந்த மாதம் விசாரணைக்கு ஆஜர் ஆனார். இதையடுத்து, மகளிர் ஆணையத்தில் மாதம்பட்டி ரங்கராஜ், என்னை காதலித்து திருமணம் செய்துகொண்டதையும், தான் அந்தக் குழந்தையின் தந்தை என ஒப்புக் கொண்டதாகவும் கூறி ஜாய் கிரிசில்டா தன்னுடைய இன்ஸ்டா பக்கத்தில் பதிவிட்டு இருந்தார். இந்த நிலையில், மாதம்பட்டி ரங்கராஜ், ஜாய் கிரிசில்டாவின் அந்த கருத்தை திட்டவட்டமாக மறுத்து அறிக்கை வெளியிட்டுள்ளார்.

Image Credit : instagram

மாதம்பட்டி ரங்கராஜ் அறிக்கை

அந்த அறிக்கையில், “மகளிர் ஆணையத்தில் குறிப்பிடப்பட்டுள்ளபடி நான் எந்த ஒப்புதலையும் கொடுக்கவில்லை. நான் ஜாய்யை தன்னிச்சையாக (under free will) திருமணம் செய்து கொண்டதாக ஒருபோதும் ஒப்புக்கொள்ளவில்லை என்பதை நான் திட்டவட்டமாக கூறுகிறேன். ஜாய் என்னை அவதூறு செய்வதற்காக தனிப்பட்ட புகைப்படங்கள் மற்றும் வீடியோக்களை வெளியிடுவதாக பலமுறை மிரட்டியதால், இந்த திருமணம் மிரட்டலின் பேரில் நடந்தது.

செப்டம்பர் 2025 இல், ஆயிரம் விளக்குகள், மகளிர் காவல் நிலையத்தின் புலனாய்வு அதிகாரி முன்பும், மாண்புமிகு சென்னை உயர் நீதிமன்றத்திலும் விரிவான வாக்குமூலங்களை நான் ஏற்கனவே அளித்துள்ளேன், இந்தத் திருமணம் மிரட்டலின் பேரில் கட்டாயப்படுத்தப்பட்டு, என்னிடமிருந்து பணம் பறிக்கும் ஒரே நோக்கத்துடன் செய்யப்பட்டது என்பதை தெளிவாகக் குறிப்பிட்டுள்ளேன்.

Image Credit : instagram

டிஎன்ஏ பரிசோதனைக்கு தயார்

கமிஷனின் முன் நடந்த அடுத்தடுத்த நடவடிக்கைகளின் போது, ஜாய் எனக்கு மாதத்திற்கு ரூ. 1,50,000/-பராமரிப்புத் தொகையாகவும், தனது BMW காருக்கு ரூ.1.25 லட்சம் மாதாந்திர EMI-யையும் செலுத்த வேண்டும் என்றும் கோரினார், நான் அந்த கோரிக்கையை மறுத்துவிட்டேன். நான் ஒருபோதும் டிஎன்ஏ பரிசோதனையை மறுத்ததில்லை, மேலும் அந்தக் குழந்தை என்னுடையது என்று அறிவியல் பூர்வமாக நிரூபிக்கப்பட்டால் (DNA Test), அந்தக் குழந்தையை வாழ்நாள் முழுவதும் கவனித்துக்கொள்வேன் என்றும் கூறியுள்ளேன்.

Image Credit : youtube

நீதிமன்றத்தை நாட முடிவு

இந்த வாக்குமூலம் ஏற்கனவே ஆயிரம் விளக்கு மகளிர் காவல் நிலைய விசாரணை அதிகாரி முன் செப்டம்பர் 2025 அன்றே பதிவுசெய்யப்பட்டுள்ளது.மகளிர் ஆணையத்தின் பரிந்துரை உத்தரவில் குறிப்பிடப்பட்டுள்ளபடி நான் எந்த வாக்குமூலத்தையும் அளிக்கவில்லை. அந்த பரிந்துரை உத்தரவை எதிர்த்து நீதிமன்றத்தில் மேல்முறையீடு செய்வேன், மேலும் உண்மையை நிறுவ அனைத்து ஆதாரங்களையும் சமர்ப்பிப்பேன். ஆணையத்தின் முன் நடந்த அனைத்தும் சட்டத்தின்படி நீதிமன்றத்தில் முறையாக சமர்ப்பிக்கப்படும்” என குறிப்பிட்டுள்ளார்.