Leader Day 3 Box Office : லட்சங்களில் இருந்து கோடிகளுக்கு தாவிய லீடர்... வசூலில் தூள் கிளப்பிய அண்ணாச்சி..!

துரை செந்தில்குமார் இயக்கத்தில் லெஜண்ட் சரவணன் ஹீரோவாக நடித்த லீடர் திரைப்படம் திரையரங்குகளில் வெற்றிநடை போட்டு வரும் நிலையில், அதன் 3ம் நாள் வசூல் நிலவரத்தை பார்க்கலாம்.

Image Credit : X/@yoursthelegend

Leader Movie Day 3 Box Office

தமிழ்நாட்டில் மிகப்பெரிய பிசினஸ் மேனாக வலம் வருபவர் லெஜண்ட் சரவணன். இவரை இன்று பட்டி தொட்டியெங்கும் பேமஸ் ஆக்கியது இவருடைய நடிப்பு தான். ஆரம்பத்தில் தன்னுடைய கடை விளம்பரங்களில் முன்னணி நாயகிகளோடு ஜோடி சேர்ந்து நடித்து ஒரு டிரெண்ட் செட்டராக மாறினார். அதன்பின்னர் சினிமாவுக்குள் காலடி எடுத்து வைத்த அண்ணாச்சி, கடந்த 2022-ம் ஆண்டு வெளிவந்த லெஜண்ட் படம் மூலம் ஹீரோவாக அறிமுகமானார். அப்படத்தை ஜேடி மற்றும் ஜெர்ரி இயக்கி இருந்தனர். அப்படம் பான் இந்தியா அளவில் பிரம்மாண்டமாக வெளியிடப்பட்டது.

Image Credit : X/@yoursthelegend

கம்பேக் கொடுத்த லெஜண்ட்

மிகப்பெரிய எதிர்பார்ப்புக்கு மத்தியில் ரிலீஸ் ஆன லெஜண்ட் படம் படுதோல்வி அடைந்தது. அப்படத்தை கடுமையாக டிரோலும் செய்து வந்தனர். அப்படத்தை பார்த்த பலரும் தயவு செஞ்சு நடிக்காதீங்க என லெஜண்ட் சரவணனை கூறி வந்தனர். ஆனால் அதையெல்லாம் காதில் வாங்கிக் கொள்ளாத அவர், எப்படியாவது கம்பேக் கொடுக்க வேண்டும் என்கிற முனைப்போடு, தன்னுடைய இரண்டாவது படத்தை தேர்வு செய்தார். முதல் படத்தில் கண்டண்ட் சரியில்லாததாலும் சொதப்பலான திரைக்கதையாலும் சோபிக்க முடியாமல் போனது. இதனால் இம்முறை நல்ல கதையை தேர்வு செய்து நடிக்க முடிவெடுத்தார்.

Image Credit : X

லெஜண்டின் லீடர்

இதற்காக சுந்தர் சி உள்பட பல முன்னணி இயக்குனர்களிடம் பேச்சுவார்த்தை நடத்திய அண்ணாச்சி, இறுதியாக துரை செந்தில்குமாரை கமிட் செய்தார். அதிகளவில் சம்பளம் கொடுத்ததால், அவரும் லெஜண்ட் சரவணனை வைத்து படம் இயக்க சம்மதித்தார். அவருக்காக ஒரு தரமான ஸ்கிரிப்டை ரெடி செய்து, அதை தன்னுடைய ஸ்டைலில் இயக்கியும் இருந்தார். அந்த படம் தான் லீடர். அப்படத்தின் டீசர் வெளியானபோதே படத்தின் மீதான எதிர்பார்ப்பு உச்சத்துக்கு சென்றது. அதில் லெஜண்ட் சரவணின் ஆக்‌ஷன் காட்சிகளை பார்த்து ரசிகர்கள் வாயடைத்துப் போயினர்.

Image Credit : X/@yoursthelegend

செம ரெஸ்பான்ஸ்

லீடர் திரைப்படத்தில் லெஜண்ட் சரவணனுக்கு ஜோடியாக பாயல் ராஜ்புட் நடித்திருந்தார். மேலும் ஆண்ட்ரியா, விடிவி கணேஷ், ஷியாம், அறந்தாங்கி நிஷா, மதுரை முத்து என மிகப்பெரிய நட்சத்திர படையையே இப்படத்தில் நடிக்க வைத்திருந்த துரை செந்தில்குமார், முதல் பாதியை சற்று மெதுவாகவே நகர்த்திச் சென்றிருந்தாலும், இண்டர்வெல் காட்சியில் இருந்து டாப் கியருக்கு கொண்டு சென்று, இரண்டாம் பாதியை செம விறுவிறுப்பாக பல்வேறு ட்விஸ்ட் உடன் அமைத்து ரசிகர்களிடம் பாராட்டுக்களை பெற்றார். இப்படம் லெஜண்ட் சரவணனுக்கு தரமான கம்பேக் படமாக அமைந்துள்ளது.

Image Credit : X

லீடர் பட வசூல் நிலவரம்

லீடர் திரைப்படம் ரிலீஸ் ஆன முதல் நாளில் இருந்தே பாசிடிவ் ரெஸ்பான்ஸ் பெற்றாலும் வசூலில் மந்தமாகவே இருந்து வந்தது. இப்படம் முதல் நாளில் வெறும் ரூ.83 லட்சம் மட்டுமே வசூலித்து இருந்தது. பின்னர் இரண்டாவது நாளில் சற்று பிக் அப் ஆகி ரூ.1 கோடிக்கு மேல் வசூலித்த இப்படம் மூன்றாவது நாளில் 1.22 கோடி வசூலித்து மாஸ் காட்டி உள்ளது. இப்படம் அதிகப்படியாக வசூலித்தது நேற்று தான். இதுவரை லீடர் திரைப்படம் இந்தியாவில் மட்டும் ரூ.3.53 கோடி வசூலை வாரிக்குவித்து உள்ளது. வெளிநாட்டிலும் இப்படத்திற்கு நல்ல வரவேற்பு கிடைத்து வருவதால், இதன் வசூல் அங்கும் படிப்படியாக உயர்ந்து வருவது குறிப்பிடத்தக்கது.