கென் செய்த மாயம்.! ஃபீல் குட் மூவியா யூத்? குடும்பத்துடன் ரசிக்க இதுதான் காரணமா?
அறிமுக இயக்குநர் கென் கருணாஸ் இயக்கிய 'யூத்' திரைப்படம், பள்ளிப் பருவத்தின் குறும்புகள், முதல் காதல், மற்றும் குடும்ப உறவுகளை மையமாகக் கொண்ட ஒரு இலகுவான கதை மட்டுமல்ல கருத்து சொல்லும் காவியமும் கூட.!
மீண்டும் பள்ளிக்கு செல்லலாம்
பள்ளி பருவத்தின் குறும்புகள், முதல் காதலின் துள்ளல், குடும்பத்தின் எதிர்பார்ப்பு—இவை மூன்றையும் கலந்த ஒரு இலகுவான கதையாக ‘யூத்’ திரைப்படம் உருவாகியுள்ளது. அறிமுக இயக்குநர் கென் கருணாஸ், இளைஞர்களின் மனநிலையை சிரிப்போடும் உணர்ச்சியோடும் காட்ட முயன்றிருக்கிறார்.
பிரவினாக மனதை மயக்கும் கென் கருணாஸ்
படத்தின் மையத்தில் இருக்கும் பிரவீன் என்ற மாணவன், படிப்பை விட காதலிலேயே அதிக கவனம் செலுத்தும் ஒரு சாதாரண இளைஞன். அவன் வாழ்க்கையில் ஏற்படும் காதல் அனுபவங்களும், அதனால் உருவாகும் குடும்பச் சிக்கல்களும் கதையை முன்னோக்கி நகர்த்துகின்றன. இந்த பயணத்தில், ஒரு இளைஞன் எப்படிப் பருவ மாற்றங்களை எதிர்கொள்கிறான் என்பதையும் படம் சொல்ல முயல்கிறது.
அப்பாடி என்னம்மா கலக்குறீங்க
நாயகனாக நடித்திருக்கும் கென் கருணாஸ், தனது உடல் மொழி மற்றும் இயல்பான நடிப்பால் பதின்ம வயதின் குழப்பங்களையும் சந்தோஷங்களையும் நன்றாக வெளிப்படுத்துகிறார். அவருடன் அம்மாவாக வரும் தேவதர்ஷினி பாசத்தையும் உணர்ச்சியையும் இணைத்து மனதை வருடுகிறார். கடுமையான தந்தை வேடத்தில் சுராஜ் வெஞ்சாரமூடு தனது அனுபவத்தால் கதாபாத்திரத்திற்கு நிறைவு சேர்க்கிறார்.
நம்ம வீட்டு பையனான ஹீரோ
படத்தின் முதல் பாதி முழுக்க பள்ளி குறும்புகள் மற்றும் நண்பர்கள் சுற்றியுள்ள காட்சிகளால் நகர்கிறது. இவை சிலருக்கு சிரிப்பைத் தரினாலும், நீளமாகும் போது சலிப்பையும் தரக்கூடும். ஆனால் இரண்டாம் பாதியில் குடும்ப உணர்வுகள் மையமாக வரும்போது படம் ஒரு நல்ல மாற்றத்தை காண்கிறது.
பக்க பலமான ஜி.வி.பி இசை
இசையில் ஜி.வி.பிரகாஷ் குமார் காதல் மற்றும் உணர்ச்சிகளை மென்மையாக கொண்டு வந்திருக்கிறார். மேலும், 2014 காலகட்டத்தை நினைவூட்டும் காட்சிகள் மற்றும் அமைப்புகள் படத்திற்கு ஒரு நிஜத் தன்மையை வழங்குகின்றன.
இதையெல்லாம் கண்டுக்காதீங்க மக்களே
அதே நேரத்தில், இன்றைய இளைஞர்களின் மனநிலையை முழுமையாகப் பதிவு செய்யாத சில குறைகள் தெரிகின்றன. குறிப்பாக காதல் பற்றிய பெண்களின் பார்வை குறைவாக இருப்பது படத்தின் பலவீனமாக தோன்றுகிறது. சில இடங்களில் கதை சிறுபிள்ளைத்தனமாக மாறுகிறது.
இளமை நினைவுகளை கிளறும் ஃபீல் குட் அனுபவம்
மொத்தத்தில், ‘யூத்’ ஒரு ஆழமான சினிமா அல்ல. ஆனால் இளமை நினைவுகளை கிளறும் ஒரு லைட்-ஹார்ட்டட் ஃபீல் குட் அனுபவம். குடும்பத்துடன் சேர்ந்து பார்க்கக்கூடிய சின்ன சின்ன உணர்வுகள் நிறைந்த படம் என்பதால், ஒருமுறை கண்டிப்பாக ரசிக்கலாம்.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
