அள்ளிக் கொடுத்த அட்லீ; முதல் பாலிவுட் படத்திலேயே கீர்த்தி சுரேஷுக்கு இத்தனை கோடி சம்பளமா?

தமிழ், தெலுங்கு, மலையாளம் என தென்னிந்திய மொழிகளில் கலக்கி வந்த நடிகை கீர்த்தி சுரேஷ், தற்போது பாலிவுட்டில் ஹீரோயினாக எண்ட்ரி கொடுத்துள்ளார். இந்தியில் அவர் நடித்துள்ள முதல் படம் பேபி ஜான். இப்படத்தை அட்லீ தயாரித்துள்ளார். இப்படத்தில் பாலிவுட் நடிகர் வருண் தவானுக்கு ஜோடியாக நடித்துள்ளார் கீர்த்தி சுரேஷ். பேபி ஜான் திரைப்படத்தின் படப்பிடிப்பு முடிந்து தற்போது ரிலீசுக்கு தயாராக உள்ளது. வருகிற டிசம்பர் 25-ந் தேதி இப்படம் திரைக்கு வர உள்ளது.

பேபி ஜான் திரைப்படம் தமிழில் விஜய் நடிப்பில் வெளியாகி பிளாக்பஸ்டர் ஹிட்டான தெறி படத்தின் இந்தி ரீமேக் ஆகும். தமிழில் சமந்தா நடிக்க கேரக்டரில் தான் கீர்த்தி சுரேஷ் இந்தியில் நடித்திருக்கிறார். இப்படத்திற்கு தமன் இசையமைத்துள்ளார். பேபி ஜான் படத்தின் புரமோஷன் பணிகள் தற்போது முழுவீச்சில் நடைபெற்று வருகின்றன. இதனால் தயாரிப்பாளர் அட்லீ, நடிகர் வருண் தவான் உள்பட படக்குழுவினர் வட இந்தியா முழுவதும் சுற்றுப்பயணம் மேற்கொண்டு படத்தை புரமோட் செய்து வருகின்றனர்.

இதையும் படியுங்கள்... கீர்த்தி சுரேஷ் கல்யாணத்தில் விஜய்! வெளிவந்த அடிபொலி போட்டோஸ்

பேபி ஜான் படத்தின் நாயகி கீர்த்தி சுரேஷுக்கு கடந்த வாரம் திருமணம் நடைபெற்றதால் ஆவர் பேபி ஜான் படத்தின் புரமோஷனில் கலந்துகொள்ளாமல் இருந்து வந்தார். இந்நிலையில், திருமணம் முடிந்த கையோடு, நேற்று மும்பையில் நடைபெற்ற பேபி ஜான் படத்தின் புரமோஷனில் நடிகை கீர்த்தி சுரேஷ் கலந்துகொண்டார். கழுத்தில் தாலியோடு, சிகப்பு நிற கவர்ச்சி உடையில் வந்த கீர்த்திக்கு உற்சாக வரவேற்பு அளிக்கப்பட்டது.

இந்த நிலையில் பேபி ஜான் படத்திற்காக நடிகை கீர்த்தி சுரேஷ் வாங்கிய சம்பள விவரம் வெளியாகி உள்ளது. அதன்படி தமிழ் படங்களில் நடிக்க 2 முதல் 3 கோடி வரை சம்பளம் வாங்கி வந்த கீர்த்தி, பாலிவுட் போனதும் தன் முதல் படத்திலேயே ரூ.4 கோடி சம்பளம் வாங்கி இருக்கிறார். இதைப்பார்த்த நெட்டிசன்கள் பாலிவுட் போனதும் சம்பளத்தை ஏற்றிவிட்டாரா என கேள்வி எழுப்பி வருகின்றனர். இப்படம் கீர்த்திக்கு வெற்றியை தேடித்தருமா என்பதை பொறுத்திருந்து பார்க்கலாம்.

இதையும் படியுங்கள்... ஷாலினியை போல்; திருமணத்துக்கு பின் சினிமாவை விட்டு விலகுகிறாரா கீர்த்தி சுரேஷ்?