ஓடிடியிலும் காந்தாரா ராஜ்ஜியம்... அதிக வியூஸ்களை வாரிசுருட்டிய டாப் 5 மூவீஸ் மற்றும் வெப் சீரிஸ் இதோ

ஓடிடி தளங்களில் வெளியாகும் படங்கள் மற்றும் வெப் தொடர்களுக்கு நவம்பர் 3 முதல் 9 வரை எந்த அளவுக்கு ரெஸ்பான்ஸ் இருக்கிறது என்பதை ஓர்மேக்ஸ் தளம் வெளியிட்டு இருக்கிறது.

Image Credit : X

Top 5 Most Watched Movies and Web Series on OTT

திரையரங்குகளுக்கு அப்பாற்பட்ட பெரிய வாய்ப்புகளை ஓடிடி தளங்கள் இப்போது திறந்து வைத்துள்ளன. மொழி எல்லைகளைக் கடந்து பான்-இந்தியன் ரீச் பெற திரைப்படங்களுக்கு ஓடிடி ஸ்ட்ரீமிங் உதவுகிறது. பான்-இந்தியன் படங்களும் இப்போது ஓடிடியில் பெரிய அளவில் வரவேற்கப்படுகின்றன. நவம்பர் 3 முதல் 9 வரை ஓடிடியில் அதிகம் பார்க்கப்பட்ட இந்தியப் படங்களின் பட்டியலை பிரபல மீடியா கன்சல்டிங் நிறுவனமான ஓர்மக்ஸ் மீடியா வெளியிட்டுள்ளது.

Image Credit : Getty, Hombale Films

கெத்துகாட்டும் காந்தாரா

இந்தியாவில் அதிக வசூல் செய்த படமான காந்தாரா, இந்த காலகட்டத்தில் ஓடிடியிலும் அதிகம் பார்க்கப்பட்டுள்ளது. 41 லட்சம் பார்வையாளர்கள் காந்தாராவை ஓடிடியில் பார்த்துள்ளனர். அமேசான் பிரைம் வீடியோவில் காந்தாரா ஸ்ட்ரீம் செய்யப்படுகிறது. தற்போது காந்தாராவின் இந்தி பதிப்பு ஓடிடியில் வெளியாகவில்லை. தென்னிந்திய மொழி பதிப்புகள் மட்டுமே அக்டோபர் 31 அன்று வெளியாகின. உலகளவில் காந்தாரா இதுவரை ரூ.827.75 கோடி வசூலித்துள்ளது.

வெளிநாடுகளில் இருந்து மட்டும் காந்தாரா சுமார் ரூ.110.4 கோடி வசூலித்தது. காந்தாராவின் இந்தி பதிப்பு ரூ.204 கோடி வசூலித்தது பாலிவுட் சூப்பர் ஸ்டார்களையே அதிர்ச்சியில் ஆழ்த்தியுள்ளது. ரிஷப் ஷெட்டி எழுதி இயக்கிய 'காந்தாரா'வின் ப்ரீக்வலான 'காந்தாரா: எ லெஜண்ட் - சாப்டர் 1' அக்டோபர் 2 அன்று திரையரங்குகளில் வெளியானது.

Image Credit : instagram

அதிக வியூஸ் அள்ளிய படங்கள்

இந்தி, மராத்தி, பெங்காலி உட்பட ஏழு மொழிகளில் ஸ்ட்ரீமிங் செய்யப்பட்ட 'லோகா', சிறிய வித்தியாசத்தில் காந்தாராவிற்குப் பின்தங்கியது. கடந்த வாரம் ஓடிடி பார்வையாளர்களின் எண்ணிக்கையில் இந்தியப் படங்களில் 'லோகா' இரண்டாம் இடத்தைப் பிடித்துள்ளது. கடந்த வாரம் ஓடிடியில் இந்தப் படத்திற்கு 40 லட்சம் பார்வையாளர்கள் கிடைத்துள்ளனர். டோமினிக் அருண் இயக்கிய இந்தப் படத்தில் கல்யாணி பிரியதர்ஷன் கதாநாயகியாக நடித்திருந்தார்.

ஓடிடியில் மூன்றாவது இடத்தை 'மிராய்' பிடித்துள்ளது. இந்தப் படத்திற்கு ஓடிடியில் 31 லட்சம் பார்வையாளர்கள் கிடைத்துள்ளனர். தேஜா சஜ்ஜா 'மிராய்' படத்தின் நாயகன். ஜியோ ஹாட்ஸ்டாரில் 'மிராய்' ஸ்ட்ரீம் செய்யப்படுகிறது. நான்காவது இடத்தில் 'இட்லி கடை' உள்ளது. நெட்ஃபிளிக்ஸில் 24 லட்சம் பார்வையாளர்களைப் பெற்ற 'இட்லி கடை' படத்தை தனுஷ் எழுதி, இயக்கி, கதாநாயகனாக நடித்துள்ளார். 'பாகி 4' ஐந்தாவது இடத்தைப் பிடித்தது, அமேசான் பிரைம் வீடியோ மூலம் 20 லட்சம் பார்வையாளர்களைப் பெற்றுள்ளது.

Image Credit : jio hotstar

ஓடிடியில் அதிக வியூஸ் அள்ளிய வெப் சீரிஸ்

அமேசான் பிரைமில் உள்ள ஃபர்ஸ்ட் காப்பி என்கிற வெப் தொடரின் இரண்டாவது சீசன் 28 லட்சம் வியூஸ் உடன் முதலிடத்தில் உள்ளது. சோனி லிவ்வில் ஸ்ட்ரீம் ஆகும் மகாராணி என்கிற வெப் சீரிஸின் 4வது சீசன் 26 லட்சம் வியூஸ் பெற்று இரண்டாம் இடத்தில் உள்ளது. மூன்றாவது இடத்தில் உள்ள Mahabharat: Ek Dharmayudh என்கிற வெப் தொடருக்கு ஜியோ ஹாட்ஸ்டாரில் 17 லட்சம் வியூஸ் கிடைத்துள்ளது. தி விட்சர் வெப் சீரிஸில் நான்காவது சீசன் 14 லட்சம் பார்வைகளுடன் நான்காம் இடத்தை பிடித்துள்ளது. இது நெட்பிளிக்ஸில் ஸ்ட்ரீம் ஆகிறது. Thode Door Thode Paas என்கிற இந்தி வெப் தொடர் ஜீ5-ல் ஸ்ட்ரீம் ஆகிறது. இந்த வெப் தொடர் 13 லட்சம் வியூஸ் உடன் ஐந்தாம் இடத்தில் உள்ளது.