அடுத்த அதிரடிக்கு தயாரான கமல் - லோகேஷ் கூட்டணி! பிரம்மாண்டமாக நடக்கும் விக்ரம் 100-வது நாள் விழா - முழு விவரம்

கமல்ஹாசன் தயாரித்து, நடித்த விக்ரம் படம் பிளாக்பஸ்டர் ஹிட் ஆனதை கொண்டாடும் விதமாக பிரம்மாண்ட விழா ஒன்றை படக்குழு ஏற்பாடு செய்து இருக்கிறது.

கமல்ஹாசன் நடிப்பில் கடந்த ஜூன் மாதம் வெளியாகி பிளாக்பஸ்டர் ஹிட்டான படம் விக்ரம். லோகேஷ் கனகராஜ் இயக்கிய இப்படத்தில் விஜய் சேதுபதி, சூர்யா, பகத் பாசில், செம்பன் வினோத் என மிகப்பெரிய நட்சத்திர பட்டாளமே நடித்திருந்தது. பான் இந்தியா படமாக வெளியானது இது பாக்ஸ் ஆபிஸில் ரூ.420 கோடிக்கு மேல் வசூலித்து பிரம்மாண்ட வசூல் சாதனை படைத்தது.

அதுமட்டுமின்றி திரையரங்குகளில் 100 நாட்களுக்கு மேல் ஓடி சாதனை படைத்த விக்ரம் படத்தை கொண்டாடும் விதமாக நடிகர் கமல்ஹாசன் ஏற்கனவே பல்வேறு சக்சஸ் பார்ட்டிகளை கொடுத்தாலும், தற்போது இப்படத்தின் 100-வது நாள் விழாவை பிரம்மாண்டமாக கொண்டாட திட்டமிட்டுள்ளார். இதற்கான அறிவிப்பும் வெளியாகி உள்ளது. 

இதையும் படியுங்கள்... பணத்துக்காக வாடகைத் தாயாக மாறும் சமந்தா... surrogacy முறையில் நடக்கும் மோசடிகளை தோலுரிக்கும் யசோதா டிரைலர் இதோ

அதில் குறிப்பிடப்பட்டுள்ளதாவது : “உலகநாயகன் கமல்ஹாசனின் விக்ரம் திரைப்படத்தின் 100வது நாள் வெற்றி விழாவை ராஜ்கமல் பிலிம்ஸ் இண்டர்நேசனல் நிறுவனம் வெகுவிமர்சையாக கொண்டாடத் திட்டமிட்டுள்ளது. லோகேஷ் கனகராஜ் இயக்கத்தில் மாபெரும் வெற்றி பெற்ற விக்ரம் திரைப்படத்தின் 100-வது நாள் வெற்றி விழா நவம்பர் 7-ஆம் தேதி கலைவாணர் அரங்கில் நடைபெறுகிறது.

விக்ரம் படத்தின் தயாரிப்பாளர்களான கமல்ஹாசன் மற்றும் ஆர். மகேந்திரன் ஆகியோர் ஒருங்கிணைந்து நடத்தும் இந்த வெற்றிவிழாவில், விக்ரம் படத்தில் பங்களிப்பாற்றிய நடிகர்கள், தொழில்நுட்பக் கலைஞர்கள், வினியோகஸ்தர்கள், தியேட்டர் உரிமையாளர்கள் உள்பட அனைவரும் கௌரவிக்கப்பட இருக்கின்றனர்.” என அந்த அறிக்கையில் குறிப்பிடப்பட்டு உள்ளது. கமல்ஹாசனின் பிறந்தநாளன்று இந்த விழா நடைபெற உள்ளது குறிப்பிடத்தக்கது.

இதையும் படியுங்கள்...  போர்வைக்குள் கிஸ் அடித்துக்கொண்ட ‘பிக்பாஸ் 6’ போட்டியாளர்கள்... அசல் கோளாரை மிஞ்சிய அந்த இருவர் யார் தெரியுமா?