25 ஆண்டுகளுக்கு பின் அதே நாள்... 'இந்தியன் 2' கெட்டப்பில் கமல் பகிர்ந்த அரிய புகைப்படம் வைரல்!

இயக்குனர் ஷங்கர் இயக்கத்தில், நடிகர் கமல் ஹாசன் நடித்து வரும் திரைப்படம் 'இந்தியன் 2'. இந்த படத்தின் முதல் பாகம், மிகப்பெரிய வெற்றி பெற்றதை தொடர்ந்து இந்த படத்தின் இரண்டாம் பாகம், எடுக்கப்பட உள்ளதாக கடந்த நான்கு வருடத்திற்கு முன்பு அறிவிக்கப்பட்டது.

இதை தொடர்ந்து படப்பிடிப்பு பணிகள் துவங்கப்பட்டு நடந்து வந்த நிலையில்,  திடீரென பட பிடிப்பில் கிரேன் விழுந்து விபத்துக்குளானது, மற்றும் நடிகர் கமலஹாசனுக்கு மேக்கப் அலர்ஜி போன்ற காரணங்களால் இந்த படத்தின் படப்பிடிப்பு தாமதமாகி கொண்டே சென்றது. ஒரு நிலையில் கடுப்பான இயக்குனர் ஷங்கர் இந்த படத்தை அப்படியே விட்டுவிட்டு, ராம் சரணுக்கு கதையை கூறி ஓகே செய்து, திரைப்படம் இயக்க துவங்கினார்.

டெரர் போலீஸ்... மீண்டும் வில்லன் அவதாரம் எடுக்கும் நடிகர் சத்யராஜ்.? வெளியான லேட்டஸ்ட் தகவல்!

பின்னர் இந்தியன் 2 படத்தை இயக்கி வந்த லைகா நிறுவனம், இயக்குனர் சங்கர் மீது வழக்கு தொடர்ந்து நிலையில்.. ஒரு வழியாக தற்போது அந்த வழக்கு சுமூகமான நிலையை எட்டிய பின் மீண்டும் இயக்குனர் ஷங்கர் இந்த படத்தை இயக்க ஒப்புக் கொண்டார். அதன்படி ராம்சரண் நடிக்கும் படத்தையும் கமல்ஹாசன் நடிக்கும் படத்தையும் ஒரே நேரத்தில் இயக்கி வருகிறார்.

ராம் சரணை வைத்து, வெளிநாட்டில் பாடல் காட்சியை இயக்கி முடித்த ஷங்கர், மீண்டும் கமலஹாசன் நடித்து வரும் 'இந்தியன் 2' படப்பிடிப்பில் கவனம் செலுத்த துவங்கி உள்ளார். அந்த வகையில் இந்த படத்தின் படப்பிடிப்பு தளத்தில் இருந்து கமலஹாசன் வெளியிட்டுள்ள புகைப்படம் சமூக வலைதளத்தில் வைரலாகி வருகிறது.

திருமணமானவருடன் தகாத உறவு... உடல் அளவில் காயப்படுத்தினார்! முதல் முறையாக பிரபலம் மீது ஆண்ட்ரியா குற்றசாட்டு!
 

இந்திய சுதந்திரத்திற்காக பாடுபட்ட வீரர் நேதாஜி சுபாஷ் சந்திரபோஸ்  சிலைக்கு கீழே நின்று கமலஹாசன் புகைப்படம் எடுப்பது போல்... ஒரு புகைப்படத்தை அவர் தனது ட்விட்டர் பக்கத்தில் வெளியிட்டுள்ளார். இந்த சிலை மறைந்த முதலமைச்சர் கலைஞர் கருணாநிதி அவர்களால் 1997 ஆம் ஆண்டு திறக்கப்பட்டதாகும். இந்த சிலை திறக்கப்பட்டு 25 ஆண்டுகள் ஆகும் நிலையில், கலைஞர், மாவீரர் நேதாஜிக்கு சிலை திறக்கப்பட்ட அதே நாளில், அந்த சிலையின் கீழ் இந்தியன் 2 படப்பிடிப்பிற்காக  நிற்கிறேன். மகத்தான மனிதர், மகத்தான நினைவுகள், என பதிவித்துள்ளார். மேலும் இவர் வெளியிட்டுள்ள இந்த புகைப்படம் வைரலாக பார்க்கப்பட்டு வருகிறது.

இந்த படத்தில், நடிகர் கமலஹாசன் 90 வயது முதியவராக நடித்து வருகிறார். பல்வேறு எதிர்பார்ப்புகளுக்கு மத்தியில் இந்த படம் உருவாகி வருகிறது. இந்த படத்தை மிக பிரமாண்டமாக தயாரித்து வருகிறது லைகா நிறுவனம். காஜல் அகர்வால் கதாநாயகியாக நடிக்கும் இந்த படத்தில், ரகுல் ப்ரீத் சிங், சித்தார்த், பிரியா பவானி ஷங்கர் உள்ளிட்ட பலர் முக்கிய கதாபாத்திரத்தில் நடித்து வருகிறார்கள் என்பது குறிப்பிடத்தக்கது.

பிரபல நடிகரை திருமணம் செய்து கொண்ட விஜய் டிவி சீரியல் ஹீரோயின்..! குவியும் ரசிகர்கள் வாழ்த்து..!