அவதார் 2 கிளிம்ப்ஸ்கே இவ்வளவு கூட்டமா? பிரமிக்க வைக்கும் போட்டோக்களை பகிர்ந்த தயாரிப்பாளர்

ரசிகர்களின் 13 ஆண்டு கால எதிர்பார்ப்பாக இருக்கும் அவதார் 2 குறித்து அப்டேட்டுகள் அடுத்தடுத்து வெளியாகிய வண்ணம் இருக்கின்றன. அந்த வகையில் தற்போது அதன் தயாரிப்பாளர் வெளியிட்டுள்ள 2 புகைப்படங்கள் பிரமிப்பில் ஆழ்த்தியுள்ளது.

avatar 2

கடந்த 2009ஆம் ஆண்டு வெளியாகி ரசிகர்களை பிரமிப்பில் ஆழ்த்தி வேறொரு உலகத்திற்கு இட்டு சென்ற படம் அவதார். இந்த படத்தை ஜேம்ஸ் கேமரூன் என்பவர் இயக்கியிருந்தார். பிரம்மாண்டத்தின் உச்சமாக பார்க்கப்பட்ட இந்த படம் உலக சினிமாவில் ஒரு வரலாற்றை ஏற்படுத்தி இருந்தது.

அது மட்டுமின்றி பாக்ஸ் ஆபிஸிலும் 2,500 அமெரிக்க டாலருக்கு மேல் வசூல் செய்து சாதனை படைத்தது. இந்த முதல் பாகத்தின் வெற்றி இரண்டாம் பாகம் குறித்த எதிர்பார்ப்பை எகிற வைத்து இருந்தது.

முதல் படத்தின் மூலம் உலகறிந்த இயக்குனரான ஜேம்ஸ் கேமரூன் இரண்டாம் பாகத்தின் உருவாக்கம் குறித்தும் அறிவித்திருந்தார். படத்திற்கான பணிகளையும் விறுவிறுப்பாக செய்து வந்தார் இயக்குனர்.

மேலும் செய்திகளுக்கு...சிரஞ்சீவியுடன் தெலுங்கில் ரீ - என்ட்ரி கொடுக்கும் ராதிகா சரத்குமார்..இந்த முறை வேறமாறி..

மிகப்பெரிய பட்ஜெட்டில் பிரம்மாண்டமான அனிமேஷன் உடன் உருவாகியுள்ள அவதார் 2 படத்தை கடந்த 2020ஆம் ஆண்டு ரிலீஸ் செய்ய திட்டமிட்டிருந்தனர் ஆனால் கொரோனா ஊரடங்கால் இப்படத்தின் ரிலீஸ் தள்ளிப்போனது.

அதோடு பின்னணி பணிகளும் தாமதமானதால் இப்படத்தை தயாரித்துள்ள  டுவெண்டியத் செஞ்சுரி நிறுவனம் இந்த ஆண்டு ரிலீஸ் ஆகும் என்பதை கடந்த சில மாதங்களுக்கு முன்னர் அறிவித்திருந்தது.

இதற்கிடையே அவதார் 2 படத்தின் ரிலீஸ் அப்டேட் வெளியாகி இருந்தது. அந்த அப்டேட் உடன் மாஸ் கிளிப்ஸ் வீடியோவும் வெளியானது. கிட்டத்தட்ட 160 க்கும் மேற்பட்ட மொழிகளில் வரும் டிசம்பர் மாதம் 16ஆம் தேதி உலகமெங்கும் இப்படம் வெளியாகும் என தயாரிப்பு நிறுவனம் அறிவித்துள்ளது.

மேலும் செய்திகளுக்கு...தொலைக்காட்சிக்கும் ப்ரோமோஷன் செய்த போனி கபூர்...என்ன விஷயம் தெரியுமா?

3டி தொழில்நுட்பத்தில் உருவாகியுள்ள இந்த படம் குறித்த ஆச்சரியமான பதிவை அதன் தயாரிப்பாளர் வெளியிட்டுள்ளார். அவரது பதிவில் 2 புகைப்படங்கள் இடம்பெற்றுள்ளன.

மிகவும் ரகசியமாக இருந்த அவதார் 2 காட்சிகள் சில சமீபத்தில் திரையிடப்பட்டுள்ளன. கிட்டத்தட்ட 20 நிமிடங்கள் ஒளிபரப்பான இந்த காட்சியை ஒரு பெரும் கூட்டமே பார்த்துள்ளது. இது குறித்த புகைப்படத்தை தான் தயாரிப்பாளர் ஜான் லாண்டாவ் வெளியிட்டுள்ளார்.