தொலைக்காட்சிக்கும் ப்ரோமோஷன் செய்த போனி கபூர்...என்ன விஷயம் தெரியுமா?

ஹிட் நாயகன் அஜித் குமாரின் பிறந்தநாள் இன்று அவரது பிறந்த நாளை ரசிகர்கள் ஒரு வாரத்திற்கு முன்பிருந்தே கொண்டாடி வருகின்றனர். அவரது பிறந்தநாளை முன்னிட்டு ரத்த தானம், ஏழைகளுக்கு உதவி என பல நல்ல விஷயங்களை செய்து ரசிகர்கள் மக்களைக் கவர்ந்து வருகின்றனர்

இதற்கிடையே சமீபத்தில் வெளியான அஜித்தின் ஹிட் படமான வலிமை தொலைக்காட்சியில் இன்று ஒளிபரப்பாகும் என ஏற்கனவே அறிவிக்கப்பட்டிருந்தது

கடந்த பிப்ரவரி 24ஆம் தேதி வெளியான வலிமை படத்தை இயக்கியிருந்தார். இந்த கூட்டணியில் ஏற்கனவே நேர்கொண்டபார்வை வெளியாகியிருந்த நிலையில் மீண்டும் போனிகபூர், அஜித் கூட்டணி வலிமை உருவாகியுள்ளது.

யுவன் சங்கர் ராஜா இசையமைத்துள்ள இந்த படத்திற்கு ஜிப்ரான் பின்னணி இசை அமைத்திருந்தார். அதோடு காலா பட நாயகி ஹீமா குரேஷி அஜித்தின் தோழியாக  நடித்திருந்தார்.

அதிரடி போலீஸ் அதிகாரியாக வரும் அஜித்குமாரின் குடும்ப சென்டிமென்ட் ரசிகர்களை வெகுவாக கவர்ந்திருந்தது. அதோடு அஜீத்தின் பைக் ஸ்டன்ட் ரியல் பைக் ஸ்டன்ட் ரசிகர்களிடம் ஒரு குதூகலத்தை ஏற்படுத்திவிட்டது.

சமீபகாலமாக பைக் ஸ்டண்ட் மூலம் நடந்து வரும் சமூக சீர்கேடுகளை மையமாகக் கொண்ட இந்தப் படத்தின் சண்டைக்காட்சிகள், பைக் ரேஸ்கள் என அதிரடியை  திரையரங்குகளில் காட்டியிருந்தது வலிமை.

முன்னதாக இரண்டரை வருட காத்திருப்புக்கு பிறகு தமிழ், தெலுங்கு, இந்தி, கன்னடம் என நான்கு மொழிகளில் உலகமெங்கும் வெளியாகியிருந்த வலிமை 235 கோடி பாக்ஸ் ஆபீஸ் வசூல் பெற்றதை தொடர்ந்து மார்ச் மாதம் ஓடிடிக்கு வந்தது. 

இந்நிலைகள் அஜித் பிறந்தநாளை முன்னிட்டு ஜீ தமிழில் இன்று மாலை 6.30 க்கு ஒளிபரப்பாக உள்ள வலிமை குறித்து அதன் தயாரிப்பாளர் போனி கபூர் தனது ட்விட்டர் பக்கத்தில் பதிவிட்டுள்ளார்.