ஐஸ்வர்யா ரஜினிகாந்த் போட்ட புது பிளான்..! 25 வருடங்களுக்கு ரீ என்ட்ரி கொடுப்பதை உறுதி செய்த ஜீவிதா..!

சூப்பர் ஸ்டார் ரஜினிகாந்த், தன்னுடைய மகள் ஐஸ்வர்யா இயக்கத்தில் நடிக்கும் 'லால் சலாம்' படத்தில் பிரபல நடிகர் ராஜசேகரின் மனைவி ஜீவிதா நடிக்க உள்ள தகவலை அவரே உறுதி செய்துள்ளார். 

நடிகர் தனுஷிடம் இருந்து விவாகரத்து பெற்ற பின்னர், ஐஸ்வர்யா ரஜினிகாந்த் மீண்டும் திரையுலகில் கவனம் செலுத்த துவங்கியுள்ளார். ஐஸ்வர்யா கிரிக்கெட் விளையாட்டை மையமாக வைத்து இயக்க உள்ள 'லால் சலாம்' படத்தில் விஷ்ணு விஷால் மற்றும் விக்ராந்த் ஆகியோர் முன்னணி வேடத்தில் நடிக்க, சூப்பர் ஸ்டார் ரஜினிகாந்த் சிறப்பு வேடத்தில் நடிக்க உள்ளதாக கூறப்பட்டது.

இவரை தொடர்ந்து பிரபல நடிகையும், தெலுங்கு நடிகர்.. டாக்டர் ராஜசேகரின் மனைவியுமான ஜீவிதா,  25 வருடங்களுக்குப் பின் இப்படத்தின் மூலம் திரையுலகில் ரீ -என்ட்ரி கொடுக்க உள்ளதாக தகவல் வெளியான நிலையில், இது குறித்து ஜீவிதா சமீபத்தில் ஆங்கில ஊடகம் ஒன்றிக்கு கொடுத்த பேட்டியில் உறுதி செய்துள்ளார்.

இந்த பேட்டியில், நடிகை ஜீவிதா கூறியுள்ளதாவது... சூப்பர் ஸ்டார் ரஜினிகாந்த் உடன் இணைந்து நடித்த உள்ளது உண்மைதான். மார்ச் 7ஆம் தேதி முதல், ஆரம்பமாகவுள்ள 'லால் சலாம்' படத்தில் நானும் இணைகிறேன். நானும் ரஜினிகாந்த் சாரும் நடிக்க உள்ள முக்கிய காட்சிகள், திருவண்ணாமலையில் முதல் கட்டமாக பணமாக்கப்பட உள்ளது. குறிப்பாக ரஜினிகாந்த் சாருடன் எனக்கு நிறைய காம்பினேஷன் சீன்கள் உள்ளது. 

அவருக்கு தங்கையாக நான் நடிப்பதாக பல தகவல்கள் வெளியாகியது. கிட்டத்தட்ட அந்த மாதிரி ஒரு கதாபாத்திரம் தான் எனக் கூறிய ஜீவிதா, இதற்கு மேல் எந்த தகவலையும் கூற முடியாது என தெரிவித்துள்ளார்.

மேலும் ரஜினிகாந்த் சாரின் மகள் ஐஸ்வர்யா தனக்கு நீண்ட நாட்களாக தோழி என்றும், அவருடன் இணைந்து பணியாற்ற வேண்டும் என இருவரும் ஆலோசித்து வந்த நிலையில், இறுதியாக அவருடன் இப்படத்தில் இணைவது மிகவும் மகிழ்ச்சி என தெரிவித்துள்ளார். என் குடும்பத்தினர் ஆதரவு இல்லாமல் இது சாத்தியமல்ல. எனினும் இப்படத்தை நான் ஏற்றுக்கொள்ள சில நாட்கள் தேவைப்பட்டது.

பல ஆண்டுகளாக மக்கள் என்னை படங்களில் பார்க்காததால், அவர்களுக்கு நான் இப்படத்தில் நடித்தால் மிகவும் புதிதாக இருக்கும் என ஐஸ்வர்யா வலியுறுத்தினார். நானும் இதுவரை எந்த படத்திலும் ரஜினிகாந்த் சார் அவர்களுடன்  இணைந்து நடித்ததில்லை என்பதால் இப்படத்தில் நடிக்க ஒப்புக்கொண்டதாக தெரிவித்துள்ளார்.