ஜெயம் ரவி மனைவி பிறந்தநாள் பார்ட்டியில் கீர்த்தி சுரேஷ்..! வைரலாகும் பிறந்தநாள் கொண்டாட்ட புகைப்படங்கள்!

நடிகர் ஜெயம் ரவி தன்னுடைய மனைவியின் பிறந்தநாளை பிரபலங்களுக்கு பார்ட்டி வைத்து மிகவும் பிரமாண்டமாக கொண்டாடியுள்ளார். இது குறித்த புகைப்படங்கள் தற்போது சமூக வலைத்தளத்தில், படு வைரலாக பார்க்கப்பட்டு வருகிறது. 

சினிமா பின்புலம் கொண்ட குடும்பத்தில் இருந்து ஜெயம் ரவி நடிக்க வந்ததால்... இவர் தன்னுடைய ஆக்ட்டிங் கேரியரை குழந்தை நட்சத்திரமாகவே துவங்கி விட்டார். 

தெலுங்கில் இரண்டு படங்களில் குழந்தை நட்சத்திரமாக நடித்த இவர், பின்னர் தமிழில் ஜெயம் படத்தின் மூலம் கதாநாயகனாக அறிமுகமானார். இந்த படத்தை அவரின் அண்ணன் மோகன் ராஜா இயக்கி இருந்தார்.

இவரின் முதல் படமான ஜெயம், அமோக வெற்றி பெற்றதால்... இந்த படத்தின் பெயரே அவரின் புனை பெயராக மாறியது....

இந்த படத்தை தொடர்ந்து, ஏம்.குமரன் சன் ஆப் மஹாலட்சுமி, தாஸ், மழை, உனக்கும் எனக்கும் என அடுத்தடுத்து இவர் நடித்த படங்கள் ஹிட் லிஸ்டில் இணைந்ததோடு, இவருக்கென தனி ரசிகர்கள் பட்டாளத்தையும் உருவாக்கியது.

இந்நிலையில் ஜெயம் ரவி கடந்த 2009 ஆம் ஆண்டு தன்னுடைய நீண்ட நாள் காதலியான, ஆர்த்தி என்பவரை பெற்றோர் சம்மதத்துடன் திருமணம் செய்து கொண்டார். இந்த தம்பதிகளுக்கு தற்போது இரண்டு மகன்களும் உள்ளனர்.

ஜெயம் ரவியின் மூத்த மகன் ஆரவ் 'டிக் டிக் டிக்' படத்தில் குழந்தை நட்சத்திரமாக அறிமுகமானார். அதே போல் ஜெயம் ரவியின், மனைவி ஆர்த்தி பிரபலம் இல்லை என்றாலும், மோடல்களை மிஞ்சும் விதத்தில் போட்டோ ஷூட் செய்து வெளியிடுவதை வழக்கமாக வைத்துள்ளார்.

இந்நிலையில் ஜெயம் ரவியின் மனைவி ஆர்த்தியின் பிறந்தநாள் கடந்த ஓரிரு நாட்களுக்கு முன்பு கொண்டாடப்பட்ட நிலையில், இதில் பல பிரபலங்கள் கலந்து கொண்டு அவருக்கு வாழ்த்து தெரிவித்துள்ளனர். குறிப்பாக, கீர்த்தி சுரேஷ், குஷ்பு, பிருந்தா மாஸ்டர், வைபவ் மற்றும் அவரின் மனைவி, துல்கர் சல்மான் உள்ளிட்ட பலர் இவரது பிறந்தநாள் பார்ட்டியில் கலந்து கொண்ட புகைப்படங்கள் இதோ...