அட்வான்ஸ் புக்கிங்கில் தெறிக்கவிடும் ஜனநாயகன்... அடேங்கப்பா இத்தனை கோடி வசூலா? லீக் ஆன படத்துக்கு இம்புட்டு டிமாண்டா?

Jananayagan Advance Booking Box Office : பல மாத காத்திருப்பு, சென்சார் பஞ்சாயத்து எல்லாம் முடிந்து, 'ஜனநாயகன்' படம் நாளை தியேட்டருக்கு வருது. அப்படத்தின் அட்வான்ஸ் புக்கிங் ரிப்போர்ட் எப்படி இருக்குன்னு பார்க்கலாம்.

Image Credit : X

Jananayagan Advance Booking Box Office

கோலிவுட்டில் மிகப்பெரிய ரசிகர் பட்டாளம் கொண்ட நடிகர்களில் விஜய்யும் ஒருவர். அவரின் கடைசி படம் ஜனநாயகன். இதனாலேயே, அறிவிப்பு வர்றதுக்கு முன்னாடியே படத்துக்கு பயங்கர ஹைப்ப்பு ஏறிடுச்சு. அப்போதிலிருந்து படம் ரிலீஸ் ஆகும் இந்த நாள் வரை, ஒரு பெரிய ஸ்டார் படத்துக்குரிய எல்லா பரபரப்பும் இந்த புராஜெக்ட்டை சுத்தி இருந்துட்டே இருந்துச்சு. தமிழ்நாட்டின் மிகப்பெரிய பண்டிகையான பொங்கலுக்கு ரிலீஸ் ஆக வேண்டிய இப்படம், சென்சார் பிரச்சினைகளால் ஆறு மாசத்துக்கும் மேல தள்ளிப்போச்சு. இப்போ எல்லா தடைகளையும் தாண்டி, படம் நாளைக்கு தியேட்டர்களுக்கு வருது. இவ்வளவு தாமதம் ரசிகர்களின் ஆர்வத்தை குறைச்சிருக்கா? இல்லவே இல்லைன்னு அட்வான்ஸ் புக்கிங் ரிப்போர்ட் சொல்லுது.

Image Credit : Asianet News

ஜனநாயகன் அட்வான்ஸ் புக்கிங் வசூல்

சினிமா டிராக்கர்கள் சொல்ற கணக்குப்படி, தமிழ்நாட்டில் மட்டும் முதல் நாளுக்காக படம் 12 கோடி ரூபாய் அட்வான்ஸ் புக்கிங் ஆகியிருக்கு. இதன்படி, சுமார் ஏழு லட்சம் டிக்கெட்டுகள் விற்றுத் தீர்ந்துள்ளன. 70 சதவீதத்துக்கும் அதிகமான தியேட்டர் ஆக்குபென்சியும் பதிவாகியுள்ளது. பல தியேட்டர்களில் புதிய ஷோக்கள் சேர்க்கப்பட்டு வருகின்றன. பிரபல டிராக்கர் நிறுவனமான சாக்னில்க் (Sacnilk) கணக்குப்படி, இந்தியா முழுவதும் படம் இதுவரை 15.48 கோடி ரூபாய் கிராஸ் வசூல் செய்துள்ளது. இது தமிழ், தெலுங்கு, இந்தி பதிப்புகளின் முதல் நாள் புக்கிங் மட்டும். இந்தியா முழுவதும் இதுவரை 7.46 லட்சம் டிக்கெட்டுகளை படம் விற்றுள்ளதாக சாக்னில்க் அறிக்கை சொல்லுது.

Image Credit : KVN Productions

உலகளாவிய வசூல்

அதே சமயம், சாக்னில்க் நேற்று வெளியிட்ட உலகளாவிய கணக்கின்படி, படம் 30 கோடி ரூபாய் கிராஸ் வசூலித்திருந்தது. ஒரு கட்டத்தில், புக் மை ஷோவில் (BookMyShow) ஒரு மணி நேரத்திற்கு 15,000-க்கும் மேற்பட்ட டிக்கெட்டுகள் விற்பனையாகி சாதனை படைத்தது. பெங்களூருவில் 'ஜனநாயகன்' முதல் ஷோ டிக்கெட்டுகள் 100 ரூபாயில் இருந்து 2500 ரூபாய் வரை விற்கப்படுது. பல மல்டிபிளெக்ஸ்களில் உள்ள ரெக்லைனர் சீட்களுக்கு 2500 ரூபாய் வரை விலை நிர்ணயிக்கப்பட்டுள்ளது.

Image Credit : instagram

100 கோடி வசூலிக்குமா?

சென்சார் பிரச்சினைகளால் ரிலீஸ் தள்ளிப்போன இடைவெளியில், படம் திருட்டுத்தனமாக ஆன்லைனில் லீக் ஆகி பரவலா பரவியது. இதன் தாக்கம் அட்வான்ஸ் புக்கிங்கில் தெரிவதாக டிராக்கர்கள் கருதுகிறார்கள். ஆனாலும், இது விஜய்யின் கடைசி படம் என்பதால் ரசிகர்கள் தியேட்டரில் வந்து பார்ப்பார்கள் என தயாரிப்பாளர்கள் நம்புகிறார்கள். படம் முதல் நாளில் 100 கோடி வசூல் செய்யுமா என்ற கேள்விக்கு விடை தேடி ஒட்டுமொத்த திரையுலகமும் காத்திருக்கிறது. எச். வினோத் இயக்கி உள்ள இந்தப் படத்தை கேவிஎன் புரொடக்‌ஷன்ஸ் (KVN Productions) தயாரித்துள்ளது.

Image Credit : KVN Productions

ஜனநாயகன் டீம்

ஜனநாயகன் திரைப்படத்துல விஜய்க்கு ஜோடியா நடிகை பூஜா ஹெக்டே நடிச்சிருக்காங்க. மேலும் மமிதா பைஜு, பாபி தியோல், பிரியாமணி, பிரகாஷ் ராஜ், மதன் கெளரி என மிகப்பெரிய நட்சத்திர படையே நடிச்சிருக்கு. இப்படத்துக்கு ராக் ஸ்டார் அனிருத் தான் இசையமைத்து இருக்கிறார். அவரின் இசையில் வெளிவந்த பாடல்கள் அனைத்தும் சூப்பர் டூப்பர் ஹிட் அடிச்சிருக்கு. அதிலும் இராவணன் மவண்டா, தளபதி கச்சேரி போன்ற பாடல்கள் தற்போது வரை யூடியூப் டிரெண்டிங்கில் ஆதிக்கம் செலுத்தி வருகின்றன.