Jana Nayagan: கருப்பு சாதனையை ஊதித்தள்ளிய ஜன நாயகன்'! டாப் 10 அட்வான்ஸ் புக்கிங் லிஸ்ட்டில் விஜய் படம்!

Jana Nayagan: தளபதி விஜய்யின் கடைசி படமான 'ஜன நாயகன்' ரிலீசுக்கு முன்பே டிக்கெட் விற்பனையில் சாதனை படைத்து வருகிறது. சூர்யாவின் கருப்பு சாதனையை அசால்ட்டாக முறியடித்துள்ளது.

Image Credit : X

'ஜனநாயகன்' திரைப்படம்

நடிகரும், முதல்வருமான விஜய் நடித்த 'ஜனநாயகன்' திரைப்படம் பல மாதங்கள் தாமதத்துக்கு பிறகு வரும் ஜூலை 23 ஆம் தேதி ரீலிசாக உள்ளது. இந்த படத்துக்கு பல மாத தாமதத்துக்குப் பிறகு சில நாட்களுக்கு முன்பு தான் சென்சார் போர்டு 'A' சான்றிதழ் வழங்கியது. விஜய்யின் கடைசி படம் இது என்பதால் தமிழகம் மட்டுமின்றி இந்தியா முழுவதும் பெரும் எதிர்பார்ப்பு எழுந்துள்ளது.

Image Credit : X

டிக்கெட்டுகளுக்கு கடும் தட்டுப்பாடு

ரிலீசுக்கு சில மாதங்களுக்கு முன்பே, 'ஜன நாயகன்' படத்தின் சில காட்சிகள் ஆன்லைனில் கசிந்து பெரும் பின்னடைவை சந்தித்தது. இது படத்தின் வசூலை பாதிக்கும் என பலர் நினைத்தனர். ஆனால், ரசிகர்கள் இதை ஒரு பிரம்மாண்டமான பிரியாவிடை விழாவாக மாற்றிவிட்டனர். தமிழ்நாடு, கர்நாடகா, மற்றும் கேரளாவில் டிக்கெட்டுகளுக்கு கடும் தட்டுப்பாடு நிலவுகிறது. தமிழ் பதிப்பிற்கு அமோக ஆதரவு கிடைத்துள்ளது. தெலுங்கு பதிப்பிற்கு வரவேற்பு சற்று குறைவாகவும், ஹிந்தி பதிப்பிற்கு குறைவான காட்சிகளே ஒதுக்கப்பட்டுள்ளதால் புக்கிங் மந்தமாகவும் உள்ளது.

Image Credit : SSR Entertainments

அட்வான்ஸ் புக்கிங்கில் சாதனை

'ஜன நாயகன்' படம் முதல் நாள் அட்வான்ஸ் புக்கிங்கில் மட்டுமே இந்தியாவில் சுமார் 9.58 கோடி ரூபாய் வசூலித்துள்ளது. ரிலீசுக்கு இன்னும் மூன்று நாட்கள் இருப்பதால், இந்த எண்ணிக்கை 15 கோடி ரூபாயைத் தாண்டும் என வர்த்தக ஆய்வாளர்கள் எதிர்பார்க்கின்றனர். 2026-ல் வெளியான தமிழ்ப் படங்களில், 'கருப்பு' படத்தின் முதல் நாள் அட்வான்ஸ் புக்கிங் சாதனையை 'ஜன நாயகன்' ஏற்கனவே முறியடித்துள்ளது. இந்த வேகம், இந்த ஆண்டின் மிகப்பெரிய ஓப்பனர்களில் ஒன்றாக இப்படம் இருக்கும் என்ற நம்பிக்கையை வர்த்தக வட்டாரங்களில் ஏற்படுத்தியுள்ளது.

Image Credit : X

டாப் 10 அட்வான்ஸ் புக்கிங் லிஸ்ட்டில் விஜய் படம்!

தற்போது, 2026-ம் ஆண்டின் முதல் நாள் அட்வான்ஸ் புக்கிங்கில் 'ஜன நாயகன்' 8-வது இடத்தில் உள்ளது. 'தி ஒடிஸி' (ரூ. 10.3 கோடி) மற்றும் 'உஸ்தாத் பகத் சிங்' (ரூ. 10.49 கோடி) படங்களின் வசூலை நெருங்கி வருகிறது. ரிலீசுக்கு முன் இந்த பட்டியலில் இன்னும் முன்னேறும் என எதிர்பார்க்கப்படுகிறது. 

2026-ம் ஆண்டின் டாப் முதல் நாள் அட்வான்ஸ் புக்கிங் வசூல் (Gross): துரந்தர் 2 – ரூ. 53 கோடி பெட்டி – ரூ. 20.66 கோடி ராஜாசாப் – ரூ. 15.31 கோடி மன் ஷங்கர் வர பிரசாத் காரு – ரூ. 14 கோடி+ பார்டர் 2 – ரூ. 12.5 கோடி உஸ்தாத் பகத் சிங் – ரூ. 10.49 கோடி தி ஒடிஸி – ரூ. 10.3 கோடி ஜன நாயகன் – ரூ. 9.58 கோடி அட்வான்ஸ் புக்கிங் சீராக அதிகரித்து வருவதால், 'ஜன நாயகன்' 2026 தரவரிசையில் இன்னும் உயர வாய்ப்புள்ளது. 

விஜய்யின் கடைசிப் படம் என்பதால் ஏற்பட்டுள்ள இந்த எதிர்பார்ப்பு, இந்த ஆண்டின் மிகவும் எதிர்பார்க்கப்படும் படங்களில் ஒன்றாக இதை மாற்றியுள்ளது.