'பாக்கிய லட்சுமி' சீரியலில் இருந்து ரித்திகா விலக விஜய் டிவி தான் காரணமா? என்ன ஆச்சு.. தீயாக பரவும் தகவல்!

'பாக்கியலட்சுமி'  சீரியல் நடிகை ரித்திகா இந்த தொடரில் இருந்து விலக காரணம், விஜய் டிவி தான் என்கிற புதிய தகவல் தற்போது சமூக வலைதளத்தில் தீயாக பரவி வருகிறது. 

விஜய் டிவியில் ஒளிபரப்பாகி வரும் சீரியல்களில், அதிகப்படியான ரசிகர்களால் பார்த்து ரசிக்கப்பட்டு வரும் சீரியல்களில் ஒன்று  'பாக்கியலட்சுமி '. ஒவ்வொரு வாரமும் TRP டாப் 10 பட்டியலில் இடம்பிடித்து கெத்து காட்டி வரும் இந்த சீரியலில், பாக்யலட்சுமியின் இரண்டாவது மருமகள், அமிர்தா என்கிற கதாபாத்திரத்தில் நடித்து வருபவர் ரித்திகா.

இவரின் கதாபாத்திரத்திற்கு என ஒரு தனி ரசிகர்கள் கூட்டமே உள்ள நிலையில், திடீர் என ரித்திகா பாக்கியலட்சுமி தொடரில் இருந்து அதிரடியாக விலக உள்ளதாக வெளியான தகவல் இவரின் ரசிகர்களை உச்சகட்ட அதிர்ச்சியில் ஆழ்த்தியது. மேலும் அமிர்தா கதாபாத்திரத்தில், இவருக்கு பதிலாக 'காற்றுக்கென்ன வேலி' சீரியலில் நடித்து வரும் அன்ஷிகா தான் உள்ளதாக கூறப்பட்டது.

இதனை உறுதி செய்யும் விதமாக, சமீபத்தில் பாக்கியலட்சுமி பட குழுவினர் எடுத்து கொண்ட குரூப் போட்டோவில், அமிர்தாவுக்கு பதில் அன்ஷிகா இடம்பெற்றிருந்தனர். கோபியும், தன்னுடைய சமூக வலைதள பக்கத்தில், ரித்திகாவுடன் எடுத்த புகைப்படத்தை வெளியிட்டு ,எங்கிருந்தாலும் வாழ்க என போஸ்ட் ஒன்றை போட்டிருந்தார்.

இந்நிலையில், ரித்திகாவுக்கு கடந்தாண்டு திருமணமான நிலையில், இவர் கர்ப்பமாக இருப்பதால் தான் இந்த சீரியலை விட்டு விலகுவதாக சிலர் தெரிவித்து வந்தனர். ஆனால் தற்போது ரித்விகா இந்த சீரியலில் இருந்து விலக காரணம் விஜய் டிவி தான் என கூறப்படுகிறது.

அதாவது விஜய் டிவி தொலைக்காட்சியில் விரைவில் துவங்க உள்ள பிக்பாஸ் சீசன் 7 நிகழ்ச்சியில் ரித்திகா கலந்து கொள்ள உள்ளதாகவும், இதன் இதன் காரணமாகவே தற்போது இந்த சீரியலில் இருந்து விலகி உள்ளதாக ஒரு தகவல் சமூக வலைதளத்தில் தீயாக பரவி வருகிறது. ஆனால் உண்மையான காரணம் இந்த இரண்டில் ஒன்றா? அல்லது வேறு ஏதாவதா? என்பது தெரியவில்லை.