அடுத்த முதல்வர் இவர் தான்..சூசகமாக ட்வீட் போட்ட பார்த்திபன்!

இரவின் நிழல் குழுவுக்கு வாழ்த்து கூறிய உதயநிதி ஸ்டாலினுக்கு பதில் ட்வீட் செய்துள்ள நடிகர் பார்த்திபன் "நன்றி சின்னவரே" என பதிவு செய்துள்ளார்.

iravin nizhal

மாறுபட்ட கதைகளத்தையும் இயக்கத்தையும் தமிழ் சினிமாவிற்கு அறிமுகப்படுத்தியவர் பார்த்திபன் என்றே சொல்லலாம். இவரது படைப்புகள் எப்பொழுதும் தனித்துவம் வாய்ந்ததாகவே இருந்துள்ளது. முன்னதாக இவர் இயக்கிய ஒத்த செருப்பு மாபெரும் வெற்றி பெற்றது. இதில் இவர் ஒருவர் மட்டுமே நடித்திருந்தார். உலக அளவில் கலைஞர்களின் பாராட்டைப் பெற்ற இப்படம் தேசிய விருதையும் வென்றது.

அதோடு இந்தியிலும் இந்த படம் ரீமேக் செய்யப்பட்டு வருகிறது. இதில் பார்த்திபனுக்கு பதிலாக அபிஷேக் பச்சன் நாயகனாக நடித்து வருகிறார். இளையராஜா இசையமைப்பில் ஹாலிவுட்டில்  ஒத்த செருப்பு படம் ரீமேக் ஆகிறது.

மேலும் செய்திகளுக்கு...சிறுமிகள் முன் நிர்வாண காட்சி...போக்சோவில் கைதான கும்கி பட நடிகர் !

இந்த படத்தின் வெற்றியை தொடர்ந்து தற்போது பார்த்திபன் "இரவின் நிழல்" என்னும் படத்தை இயக்கியுள்ளார். இப்படத்தின்  சிறப்பம்சம் என்ன தெரியுமா?   இந்திய சினிமாவில் முதல் முறையாக ஒரே ஷாட்டில் உருவாக்கப்பட்ட படம் என்னும் புகழை இது பெற்றுள்ளது தான்.

படம் வெளியாகும் முன்னரே பல எதிர்பார்ப்புகளை பெற்றுள்ள இந்த படம் 90 நாட்கள் ஒத்திகைக்குப் பிறகு ஒரே ஷாட்டில் உருவாக்கப்பட்டுள்ளது. வரும் ஜூலை 15ஆம் தேதி திரைக்கு வரும் இந்த படத்தின் ப்ரோமோஷன் பணிகள் விறுவிறுப்பாக நடைபெற்று வருகிறது. சமீபத்தில் "பாவம் செய்யாதிரு" என்ற பாடலை பிரபல இயக்குனர் லோகேஷ் கனகராஜ் ட்வீட்டர் பக்கத்தில் வெளியிட்டார். நிரஞ்சனா ரமணன் மற்றும் கீர்த்தனா வைத்தியநாதன் ஆகியோர் இந்த பாடலை பாடியுள்ளனர்.

மேலும் செய்திகளுக்கு...வித்தியாசமான தோற்றத்தில்... கிஷோர் கதையின் நாயகனாக நடிக்கும் 'மஞ்ச குருவி' படத்தின் ஷூட்டிங் ஸ்பார்ட் போட்டோஸ்

பார்த்திபன் முக்கிய வேடத்தில் நடிக்கும் இந்த படத்தில் வரலட்சுமி சரத்குமார், பிரகதா ஆகியோர் முக்கிய கதாபாத்திரங்களில் நடித்துள்ளனர். முன்னதாக வெளியான முதல் பார்வையின் படி  போலிச் சாமியார்களுக்கு எதிரான கதைக்களமாக இருக்கலாம் என யூகிக்கப்பட்டுள்ளது.

மேலும் செய்திகளுக்கு...கவர்ச்சியாக பார்க்க ஆசைப்படுபவர்களுக்கு ஆப்பு வைக்கும் கிரண்... போன் போட்டா என்ன நடக்குது தெரியுமா?

இதற்கு இடையே சமீபத்தில் நடைபெற்ற ப்ரமோஷன் விழாவில் பேசிய இயக்குனரும் நடிகருமான பார்த்திபன், "நடிகர்கள் அதிக சம்பளம் வாங்குவது குறித்து ஆதங்கமாக பேசி இருந்தார். படத்தின் மொத்த பட்ஜெட்டில் பெரும்பாலான தொகை நடிகர்களின் சம்பளமாக போய் விடுவதாகவும் இதனால் மேக்கிங் செய்ய குறைந்த தொகை மட்டுமே கையிருப்பில் மிஞ்சுகிறது. அதனால் தான் நல்ல படம் எடுத்தாலும் அதற்கு போதிய அங்கீகாரம் கிடைத்ததில்லை என கூறியிருந்தார்.

இந்நிலைகள் இரவின் நிழல் படத்திற்கு நடிகரும் எம்.எல்.ஏவுமான உதயநிதி ஸ்டாலின் ட்விட்டர் பக்கத்தில் வாழ்த்து தெரிவித்திருந்தார். இதற்கு பதில் அளித்து இருந்த பார்த்திபன், "சாதல் சாதாரணம். சாதித்தல் அசாதாரணம்.  அதற்கான முயற்சியும் உழைப்பும் சதா ரணம். கண்டுணர்ந்து பாராட்டுதல் பெருங்குணம்.உயர்த்திப் பிடிக்க உதவுதல் உயர்குணம். இந்நிமிட கடைசி முதல், அடுத்த முதல் வரை அங்கீகாரமே ஆக்ஸிஜன். நன்றி சின்னவரே!  என கூறியுள்ளார்.