மீண்டும் கர்ப்பமா? சினிமாவில் இருந்து விலக முடிவெடுத்த காஜல் அகர்வால்..! - காரணம் என்ன?

தென்னிந்திய திரையுலகில் முன்னணி நடிகையாக வலம் வருபவர் காஜல் அகர்வால். இவர் பேரரசு இயக்கத்தில் கடந்த 2008-ம் ஆண்டு வெளியான பழனி திரைப்படத்தின் மூலம் தமிழ் திரையுலகில் காலடி எடுத்து வைத்தார். இதையடுத்து தெலுங்கில் ராஜமவுலி இயக்கத்தில் வெளியான மகதீரா திரைப்படத்தில் ராம்சரணுக்கு ஜோடியாக நடித்ததன் மூலம் முன்னணி நடிகையாக உயர்ந்தார் காஜல். இதன்பின்னர் அவருக்கு தமிழ், தெலுங்கில் பட வாய்ப்புகள் குவிந்தன.

குறிப்பாக தமிழில் விஜய், அஜித், சூர்யா, தனுஷ் போன்ற முன்னணி நடிகர்களுடன் அடுத்தடுத்து ஜோடி போட்டு நடித்த காஜல் அகர்வால், கடந்த 2020-ம் ஆண்டு கவுதம் கிச்சலு என்பவரை காதலித்து திருமணம் செய்துகொண்டார். திருமணத்துக்கு பின்னரும் தொடர்ந்து படங்களில் நடித்து வந்த காஜல் அகர்வால், கடந்த 2021-ம் ஆண்டு கர்ப்பமானதால், சில மாதங்கள் சினிமாவை விட்டு விலகியே இருந்தார்.

இதையடுத்து நடிகை காஜல் அகர்வாலுக்கு கடந்தாண்டு ஏப்ரல் மாதம் அழகான ஆண் குழந்தை பிறந்தது. அந்த குழந்தைக்கு நீல் கிச்சலு என பெயரிட்டுள்ளனர். குழந்தை பிறந்த பின்னர் நடிகை காஜல் அகர்வால் சினிமாவில் நடிக்க மாட்டார் என கூறப்பட்டு வந்தது. ஆனால் அதனை திட்டவட்டமாக மறுத்த காஜல், குழந்தை பிறந்த சில மாதங்களிலேயே கமல்ஹாசனின் இந்தியன் 2 படத்தின் படப்பிடிப்பில் கலந்துகொண்டார்.

இதையும் படியுங்கள்... ‘மாவீரன்’ சிவகார்த்திகேயனுடன் ஷங்கர் மகள் அதிதி பாடிய ‘வண்ணாரப்பேட்டையில’ பாடல் ரிலீஸ் ஆனது - வீடியோ இதோ

தற்போது இந்தியன் 2 பட ஷூட்டிங் முடிவடைய உள்ளது. இதற்கு அடுத்தபடியாக தெலுங்கில் பாலகிருஷ்ணா ஜோடியாக பகவந்த் கேசரி என்கிற திரைப்படத்தில் நடித்து வருகிறார் காஜல். இந்த இரு படங்களிலும் நடித்து முடித்த பின்னர் நடிகை காஜல் அகர்வால் சினிமாவில் இருந்து விலக முடிவெடுத்துள்ளதாக தகவல் பரவி வருகிறது.

அவர் மீண்டும் கர்ப்பமாக இருப்பதால் இந்த முடிவை எடுத்துள்ளார் என தகவல் பரவி வந்த நிலையில், அதெல்லாம் வதந்தி என திட்டவட்டமாக மறுத்துள்ள டோலிவுட் வட்டாரத்தினர், உண்மையில், அவர் விலக முடிவெடுத்துள்ளது அவரின் மகனை கவனித்துக்கொள்வதற்காக தான் என கூறி வருகின்றனர். நடிகை காஜல் அகர்வால் தரப்பு சொன்னால் தான் இது எந்த அளவுக்கு உண்மை என்பது தெரியவரும்.

இதையும் படியுங்கள்... சண்டியர் முதல் காவல்காரன் வரை... டைட்டில் பிரச்சனையில் சிக்கி படாதபாடு பட்ட தமிழ் படங்களின் லிஸ்ட் இதோ