- Home
- Cinema
- TMS-ஐ விட SPB சூப்பர்... ஜாம்பவான் குரலை தூக்கியெறிந்து இளையராஜா தந்த சூப்பர் ஹிட் பாடல்..!
TMS-ஐ விட SPB சூப்பர்... ஜாம்பவான் குரலை தூக்கியெறிந்து இளையராஜா தந்த சூப்பர் ஹிட் பாடல்..!
இசைஞானி இளையராஜா இசையில் டி.எம்.செளந்திரராஜன் பாடிய பாடல் அவருக்கு திருப்தி அளிக்காததால், அவருக்கு பதில் எஸ்பிபியை பாட வைத்து அதை படத்தில் சேர்த்துள்ளார். அதைப்பற்றி பார்க்கலாம்.
Ilaiyaraaja Rejected TMS and Chose SPB
தமிழ் திரையிசை உலகில் தன்னிகரற்ற குரலுக்கு அதிபதியாக இருந்து வந்தவர் தான் டி.எம்.சௌந்திரராஜன். எம்.ஜி.ஆர். மற்றும் சிவாஜி போன்ற திரை மேதைகளுக்கு தமது குரலால் உயிரூட்டிய பாடகர் என்ற பெருமையும் இவருக்கு உண்டு. ஆனால் இந்த தெய்வீக குரலே ஒரு சூழலில் திரும்ப அனுப்பப்பட்டது என்றால் நம்புவீர்களா? ஆனால் அது தான் நிஜம். ஒரு முறை இளையராஜா இசையில் பாட வந்த டி.எம்.செளந்திரராஜன், ரெக்கார்ட் செய்த பாடல் படத்தில் இடம்பெறாமல் போன கதையைப் பற்றி தான் இந்த தொகுப்பில் பார்க்க உள்ளோம்.
அது எந்த பாடல்?
1979-ல் வெளியான "நான் வாழவைப்பேன்" படத்தில் நிகழ்ந்த ஒரு சம்பவம் இன்றும் ரசிகர்கள் மனதில் கேள்விக்குறியாக நிற்கிறது. சிவாஜி கணேசன், ரஜினிகாந்த், கே.ஆர்.விஜயா நடித்த "நான் வாழவைப்பேன்" படத்தை யோகானந்த் இயக்கி இருந்தார், நோயுற்ற கணவன் தன் மனைவியின் பிறந்தநாளில் ஏக்கத்தோடும் அன்போடும் பாடுவதாக அமைந்த காட்சிக்காக வாலி லிரிக்ஸ் எழுதிய "என்னோடு பாடுங்கள், நல்வாழ்த்து பாடுங்கள்" என்ற பாடல் இளையராஜாவால் இசையமைக்கப்பட்டது.
டி.எம்.எஸ் குரலில் திருப்தி இல்லை
முதல் கட்டத்தில் இந்தப் பாடலை டி.எம்.எஸ். அவர்களே பாடி ஒலிப்பதிவு செய்தார். அவரது குரல் வழக்கம்போல் கம்பீரமாகவும் ஆழமாகவும் ஒலித்தது. ஆனால் அதை கேட்ட இளையராஜா அந்தப் பாடல் தாம் எதிர்பார்த்த உணர்வை வெளிப்படுத்தவில்லை என்று கூறி அதை நிராகரித்தார். பின்னர் எஸ்.பி.பாலசுப்பிரமணியம் அதே பாடலை மென்மையான தொனியில் பாட வைத்த இளையராஜா, தான் எதிர்பார்த்தது இது தான் எனக்கூறி, டி.எம்.எஸ் பாடிய வெர்ஷனை தூக்கிப்போட்டுவிட்டு, எஸ்பிபி பாடிய அந்த வெர்ஷனை படத்தில் வைத்தார்.
ஒப்பிட்டு பார்த்த இளையராஜா
இரண்டு குரல்களையும் ஒப்பிட்டால், டி.எம்.எஸ். குரலில் ஒரு தடிமனான அதிர்வும் எஸ்.பி.பி. குரலில் இனிய மென்மையும் உணரலாம். படத்தின் காட்சியமைப்புக்கு இளையராஜா எஸ்.பி.பி.யின் குரலை பொருத்தமானதாக கருதினாராம். இருப்பினும் இந்த முடிவு அன்றும் சரி, இன்றும் சரி, விவாதங்களை கிளறிக்கொண்டே இருக்கிறது. டி.எம்.எஸ்-ஐ வேண்டுமென்றே ஒதுக்கினார்களா அல்லது தொழில்நுட்ப ரீதியான இசை அழகுணர்வு மட்டுமே காரணமா என்ற கேள்விக்கு இன்றுவரை தெளிவான பதில் இல்லை.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
