Pushpa 2 : புஷ்பா 2-விலும் ஐட்டம் சாங்... சமந்தா நோ சொன்னதால் பிரபல கவர்ச்சி நடிகையை களமிறக்கும் அல்லு அர்ஜுன்
Pushpa 2 : புஷ்பா படத்தின் முதல் பாகத்தில் இடம்பெற்ற ஐட்டம் சாங் வைரல் ஹிட் அடித்ததால், இரண்டாம் பாகத்திலும் அதேபோல் ஒரு பாடலை வைக்க உள்ளார்களாம்.
அல்லு அர்ஜுனின் புஷ்பா
தெலுங்கு திரையுலகில் முன்னணி நடிகராக இருப்பவர் அல்லு அர்ஜுன். இவர் நடிப்பில் கடந்தாண்டு இறுதியில் வெளியான திரைப்படம் புஷ்பா. சுகுமார் இயக்கியிருந்த இப்படத்தில் அல்லு அர்ஜுனுக்கு ஜோடியாக ராஷ்மிகா மந்தனா நடித்திருந்தார். செம்மரக்கடத்தலை மையமாக வைத்து உருவாக்கப்பட்டிருந்த இப்படத்தில் பிரபல மலையாள நடிகர் பகத் பாசில் வில்லனாக நடித்திருந்தார்.
ரூ.350 கோடிக்கு மேல் வசூல்
பான் இந்தியா படமாக கடந்த ஆண்டு டிசம்பர் மாதம் வெளியான இப்படத்திற்கு அமோக வரவேற்பு கிடைத்தது. இப்படம் தமிழ், தெலுங்கு, மலையாளம், கன்னடம், இந்தி என வெளியான அனைத்து மொழிகளிலும் வசூல் வேட்டை நடத்தியது. மொத்தமாக உலகளவில் இப்படம் ரூ.350 கோடிக்கு மேல் வசூலித்து சாதனை படைத்தது.
வைரல் ஹிட் அடித்த ஐட்டம் சாங்
புஷ்பா படத்தின் வெற்றிக்கு முக்கிய காரணமாக இருந்தது அப்படத்தின் பாடல்கள் தான். குறிப்பாக அதில் இடம்பெற்ற ஓ சொல்றியா மாமா என்கிற ஐட்டம் சாங் அப்படத்தை மேலும் பிரபலமாக்கியது. அதற்கு நடிகை சமந்தா ஆடிய கவர்ச்சி நடனம் வேறலெவலில் ஹிட் அடித்தது. இப்பாடலுக்காக படத்தை பார்க்க வந்தவர்கள் ஏராளம்.
தயாராகிறது புஷ்பா 2
இந்நிலையில் அடுத்ததாக புஷ்பா படத்தின் இரண்டாம் பாகமும் தயாராக உள்ளது. முதல் பாகத்தை விட இப்படத்தை மேலும் பிரம்மாண்டமாக எடுக்க படக்குழு திட்டமிட்டுள்ளது. அதேபோல் முதல் பாகத்தில் இடம்பெற்ற ஐட்டம் சாங் வைரல் ஹிட் அடித்ததால், இரண்டாம் பாகத்திலும் அதேபோல் ஒரு பாடலை வைக்க உள்ளார்களாம்.
சமந்தாவுக்கு பதில் யார்?
ஆனால் இதில் சமந்தா நடனமாட மறுத்துவிட்டதாக கூறப்படுகிறது. அதனால் அவருக்கு பதில் பாலிவுட்டில் பிரபல கவர்ச்சி நடிகையாக வலம் வரும் திஷா பதானியை குத்தாட்டம் போட வைக்க படக்குழு திட்டமிட்டுள்ளதாம். முதல் பாகத்திலும் இவர் தான் நடனமாடுவதாக இருந்தது, பின்னர் சில காரணங்களால் இவரால் ஆட முடியாமல் போனதால் சமந்தாவை ஆட வைத்தனர். சமந்தாவின் கவர்ச்சி நடனத்திற்கு கிடைத்த வரவேற்பை அடுத்து இரண்டாம பாகத்தில் ஆட ஓகே சொல்லிவிட்டாராம் திஷா பதானி.
இதையும் படியுங்கள்... vijay sethupathi :1 லட்சம் பேருக்கு வேலைவாய்ப்பு! சைலன்டாக சாதித்து காட்டிய விஜய்சேதுபதிக்கு குவியும் பாராட்டு