தலைவிக்கு செம்ம தில்லு.. திருப்பதிக்கு மொட்டை போட்டு... நாமத்தோடு புகைப்படம் வெளியிட்ட காயத்திரி ரகுராம்!

பிரபல நடன இயக்குனர் ரகுராமின் மகளான காயத்திரி, தெலுங்கு திரைப்படத்தின் மூலம் ஹீரோயினாக அறிமுகமானவர். இதை தொடர்ந்து தமிழில் நடிகர் பிரபு தேவாவுக்கு ஜோடியாக.. 'சார்லி சாப்ளின்' படத்தில் நடித்தார் முதல் படமே இவருக்கு வெற்றிப்படமாக அமைந்ததால், அடுத்தடுத்து, ஸ்டைல், பரசுராம், விசில், விகடன, வானம் போன்ற பல படங்களில் நடிக்கும் வாய்ப்பு கிடைத்தது.

தமிழ், தெலுங்கு மட்டும் இன்றி கன்னடம், மலையாளம் ஆகிய மொழிகளிலும் சில படங்களில் நடித்துள்ளார். திரையுலகில் முன்னணி நடிகையாக இருக்கும் போதே... தீபக் சந்திரசேகர் என்பவரை திருமணம் செய்துகொண்டு அமெரிக்காவில் செட்டில் ஆன காயத்திரி, நான்கு வருடத்தில் கணவரிடம் இருந்து விவாகரத்து பெற்று பிருந்தார்.

பான் இந்தியா படம் இயக்கும் ஆக்ஷன்கிங் அர்ஜுன்..! படப்பிடிப்பு துவங்கியது..!

விவாகரத்துக்கு பின்னர் ஒரு சில படங்களில் மட்டுமே காயத்திற்கு நடிக்க வாய்ப்பு கிடைத்த நிலையில், ஜெயம் கொண்டான் படத்தின் மூலம் நடன இயக்குனராக அவதாரம் எடுத்தார். இதை தொடர்ந்து,கந்தசாமி, மதராசபட்டினம், உள்ளிட்ட 50க்கும் மேற்பட்ட படங்களுக்கு நடன இயக்குனராக பணியாற்றினார். சமீபத்தில் வெளியான தலைவி படத்திலும் இவர் நடன இயக்குனராக பணியாற்றியது குறிப்பிடத்தக்கது.

திரையுலகை தாண்டி, பாஜக கட்சியில் இணைந்த காயத்ரி ரகுராம்.... வெளிநாடு மற்றும் அண்டை மாநில தமிழ் வளர்ச்சி பிரிவின் மாநில தலைவராக நியமிக்கப்பட்டார். சமீபத்தில், காயத்ரி பாஜக கட்சியின் கட்டுப்பாடுகளை மீறி கட்சிக்கு களங்கம் விளைவிக்கும் செயல்களில் ஈடுபட்டதாக கூறி 6 மாதத்துக்கு இடைநீக்கம் செய்யப்படுவதாக அக்கட்சியின் தமிழக தலைவர் அண்ணாமலை அறிவித்திருந்தார்.

Biggboss Season 7: 'பிக்பாஸ்' சீசன் 7 நிகழ்ச்சியில் கலந்து கொள்ளும் கயல் சீரியல் நடிகை! யார் தெரியுமா..?

இதையடுத்து பாஜகவில் இருந்து தான் விலகுவதாக நடிகை காயத்ரி ரகுராம் தெரிவித்தது மட்டும் இன்றி, திடீர் என விசிக கட்சி தலைவர் தொல் திருமாவளவனை சந்தித்து பரபரப்பை ஏற்படுத்தினார். அவ்வப்போது சர்ச்சைக்கு பஞ்சம் இல்லாத வகையில், சமூக வலைத்தளத்தில் சில பதிவுகளை போட்டு வரும் இவர், திருப்பத்திற்கு சென்று மொட்டை அடித்து கொண்டு, நெற்றியில் நாமத்தோடு இருக்கும் புகைப்படம் ஒன்றை வெளியிட, அது வைரலாக பார்க்கப்பட்டு வருகிறது.