Music: கரிசல் மணம் வீசும் ஹாட் மெட்டுகள்! ஏ.ஆர்.ரஹ்மானின் மறக்க முடியாத கிராமத்து ஹிட்ஸ்! கேட்டா அசந்துடுவீங்க.!

Music: ஏ.ஆர்.ரஹ்மான் மேற்கத்திய இசைக்கு மட்டுமே பொருத்தமானவர் என்ற தொடக்க கால கருத்தை உடைத்து, கிராமத்து இசையிலும் தனது முத்திரையை பதித்தார். மண் வாசனையோடு நவீன இசையை கலந்து, கிராமத்து இசைக்கு புதிய பரிமாணத்தை அளித்த அவரது 5 அதிரடி படைப்புகள் இதோ.

Image Credit : X

நாட்டு குத்து கேட்டு இருக்கீங்களா?

ஏ.ஆர்.ரஹ்மான் என்றாலே இன்று உலக இசை மேடைகள், ஆஸ்கார், கிராமி, நவீன தொழில்நுட்பம் என்று பெருமையாக பேசப்படுகிறார். ஆனால் 90-களின் தொடக்கத்தில், “இவர் நகரத்து கதைகளுக்கும், மேற்கத்திய இசைக்கும் மட்டுமே பொருத்தமானவர்” என்ற ஒரு பொதுவான கருத்து தமிழ் சினிமாவில் நிலவியது. கிராமத்து உணர்வு, மண் வாசனை, நாட்டுப்புற தாளங்கள்—இவையெல்லாம் இளையராஜாவுக்கே உரியது என்ற எண்ணம் அப்போது வேரூன்றியிருந்தது. 

அந்த எண்ணங்களை ஒன்றன் பின் ஒன்றாக உடைத்து, கிராமத்து இசையையும் உலகத் தரத்திற்கு உயர்த்த முடியும் என்பதை நிரூபித்தவர் ஏ.ஆர்.ரஹ்மான். ஏ.ஆர்.ரஹ்மான் என்ற பெயர் கேட்டாலே, ஆரம்ப காலத்தில் பலருக்கு நினைவில் வந்தது நவீன இசை, மேற்கத்திய கருவிகள், கணினி சவுண்ட் என்ற ஒரு குறிப்பிட்ட பிம்பம்தான். “இவர் கிராமத்து இசைக்கு செட் ஆக மாட்டார்” என்ற விமர்சனங்களும் இருந்தன. 

ஆனால் அந்த விமர்சனங்களை எல்லாம், மண்ணின் வாசனையோடு கலந்த மெட்டுகளால் அடித்து தகர்த்தவர் ரஹ்மான். தமிழ் மண்ணின் பூர்வகுடி இசையை நவீன உலகத்துடன் இணைத்த அவரது 5 அதிரடி கிராமத்து படைப்புகள் இதோ.

Image Credit : Getty

மாரி மழை பெய்யாதோ – உழவன்

விவசாயத்தை மையமாகக் கொண்ட திரைப்படங்களுக்கு, பின்னணியில் வரும் இசை தான் உயிர். அந்த உயிரை முழுமையாக கொடுத்த பாடல் இது. விவசாயம், மண், மனிதன்—இந்த மூன்றையும் கொண்டாடும் பாடல். சாகுல் ஹமீது, ஜி.வி. பிரகாஷ், சுஜாதா ஆகியோரின் குரல்கள் சேர்ந்து, வயல்வெளியின் பசுமையை கண்முன் நிறுத்துகின்றன. மழைக்காக வானத்தைப் பார்த்துக் காத்திருக்கும் விவசாயியின் மனநிலையை, எந்தப் பெரிய விளக்கமும் இல்லாமல் இசை மட்டும் சொல்லிவிடும் ரஹ்மானின் மேஜிக் இங்கே தெரிகிறது.

Image Credit : X

தென் கிழக்கு சீமையிலே – கிழக்கு சீமையிலே

“கிராமம் என்றால் இது தான்” என்று சொல்லும் பாடல். அண்ணன்–தங்கை உறவை எந்த மிகைப்படுத்தலும் இல்லாமல், மிக இயல்பாகப் பதிவு செய்த பாடல் இது.பாரதிராஜாவின் கிராமத்து உலகத்துக்குள் ரஹ்மான் காலடி எடுத்துவைத்த முதல் பெரிய மைல்கல் இந்தப் பாடல். மலேசியா வாசுதேவன் – சித்ரா இணைந்த குரல்களும், அண்ணன்–தங்கை பாசத்தை உயிர்ப்பிக்கும் வைரமுத்துவின் வரிகளும், பாடலை நேரடியாக கிராமத்து தெருவுக்கே கொண்டு போய்விடும். “அணில் வால் மீசை கொண்ட அண்ணன்…” என்ற வரிகள், இன்று கேட்டாலும் அதே உணர்ச்சியை ஏற்படுத்தும் மந்திரம்.

Image Credit : Instagram

உசிலம்பட்டி பெண்குட்டி – ஜென்டில்மேன்

நகரத்து அரசியல் கதைக்குள், கிராமத்து ரத்தத்தை ஊற்றிய பாடல். முழுக்க முழுக்க நவீன கருவிகள் பயன்படுத்தப்பட்டிருந்தாலும், அந்த தாளத்தின் ஆதாரம் நாட்டுப்புற இசையில்தான் இருந்தது. முழுக்க முழுக்க நவீன படமாக இருந்தாலும், இந்தப் பாடலின் உள்ளார்ந்த துடிப்பு கிராமத்தில்தான். சாகுல் ஹமீது – ஸ்வர்ணலதா கூட்டணியின் உச்சரிப்பும், நாட்டுப்புற ரிதமும், பாடலை காலத்தால் அழியாத டான்ஸ் நம்பராக மாற்றியது. மேற்கத்திய கருவிகளுடன் நாட்டுப்புற தாளத்தை கலக்கும் ரஹ்மானின் இசை அறிவு இங்கே வெளிப்படையாக தெரியும்.

Image Credit : Getty

போறாளே பொன்னுத்தாயி – கருத்தம்மா

“ரஹ்மானுக்கு கிராமத்து இசை வராது” என்ற குற்றச்சாட்டுக்கு முற்றுப்புள்ளி வைத்த பாடல் இதுதான். ஸ்வர்ணலதாவின் ஆத்மாவை உருக்கும் குரல், தாய்மையின் வலி, பெண்ணின் வாழ்வியல் போராட்டம்—அனைத்தையும் ஒரே மெட்டில் சொல்லிவிடும் அபூர்வமான படைப்பு. இந்தப் பாடலுக்காக ஸ்வர்ணலதா தேசிய விருது வென்றது, ரஹ்மானின் இசை சாதனையை அதிகாரப்பூர்வமாக உறுதி செய்த தருணம். ஒரு வாட்டி கருத்தம்மா பாடத்தில் இடம்பெற்றுள்ள  போறாளே பொன்னுத்தாயி பாடலை கேட்டு பாருங்க. அப்படியே சொக்கி போய்டுவீங்க.!

Image Credit : Getty

உப்புக்கருவாடு – முதல்வன்

நகர அரசியல் கதையிலும், கிராமத்து கொண்டாட்டத்தை புகுத்த முடியும் என்பதற்கான சிறந்த உதாரணம். திருமணங்கள், ஊர் விழாக்கள், அரசியல் மேடைகள்—எங்கு ஒலித்தாலும் உடனே சூழ்நிலை சூடுபிடிக்கும் பாடல். நகர அரசியல் கதைக்குள் கூட கிராமத்து சுவையை நுழைக்க முடியும் என்பதை நிரூபித்த பாடல். சங்கர் மகாதேவன் – கவிதா கிருஷ்ணமூர்த்தியின் குரல்களில், வைரமுத்துவின் சுவையான வரிகள் இணைந்து, கொண்டாட்ட மனநிலையை உருவாக்குகின்றன. திருமண விழா முதல் ஊர் திருவிழா வரை, இந்தப் பாடல் இன்று வரை தவிர்க்க முடியாத ஒன்றாகவே உள்ளது.

Image Credit : Getty

ரஹ்மான் கிராமத்து இசையின் மெல்லிசை மன்னன்

ஏ.ஆர்.ரஹ்மான் என்பது மேற்கத்திய இசைக்கு மட்டுமானவர் அல்ல. தமிழ் மண்ணின் வாசனையையும், கிராமத்து மனிதர்களின் உணர்வுகளையும், உலகத் தர இசையுடன் இணைக்கத் தெரிந்த ஒரு மாஸ்டர். இந்த 5 பாடல்கள், “ரஹ்மான் கிராமத்து இசையின் மெல்லிசை மன்னன்” என்பதற்கான அழுத்தமான சான்றுகள்.

Image Credit : Getty

மகா இசைக் கலைஞன் ஏ.ஆர்.ரஹ்மான்

ஏ.ஆர்.ரஹ்மான், கிராமத்து இசையை “பழமையானது” என்ற சுவருக்குள் அடைக்கவில்லை. அதை உலகத் தர இசை மேடைக்கு உயர்த்தினார். கரிசல் மண்ணின் வாசனையையும், விவசாயியின் வியர்வையையும், உலக இசை இலக்கணத்துடன் கலந்த ஒரு மகா இசைக் கலைஞன் என்பதையே இந்தப் பாடல்கள் நிரூபிக்கின்றன.