- Home
- Cinema
- முதல் நாளை விட 2-ம் நாளில் 4 மடங்கு அதிக வசூல்... பாக்ஸ் ஆபிஸில் பட்டைய கிளப்பும் துல்கர் சல்மானின் சீதா ராமம்
முதல் நாளை விட 2-ம் நாளில் 4 மடங்கு அதிக வசூல்... பாக்ஸ் ஆபிஸில் பட்டைய கிளப்பும் துல்கர் சல்மானின் சீதா ராமம்
Sita Ramam Box office collection : ஹனு ராகவபுடி இயக்கத்தில் துல்கர் சல்மான் நடிப்பில் வெளியாகி இருக்கும் சீதா ராமம் படத்தின் 2-ம் நாள் பாக்ஸ் ஆபிஸ் நிலவரம் வெளியாகி உள்ளது.
தமிழ் சினிமாவில் கடந்த சில வாரங்களில் வெளியான படங்கள் எதுவும் எதிர்பார்த்த வெற்றியை பெறவில்லை. இந்த நிலையில், இந்த வாரம் 10 திரைப்படங்கள் வெளியாகின. அதில் அதர்வாவின் குறுதி ஆட்டம், துல்கர் சல்மானின் சீதா ராமம், வைபவ் நடித்த காட்டேரி போன்ற படங்களுக்கு அதிக எதிர்பார்ப்புகள் இருந்தன.
குறிப்பாக அதர்வாவின் குறுதி ஆட்டம் திரைப்படத்திற்கு அதிகளவில் எதிர்பார்ப்புகள் இருந்தன. ஆனால் அப்படம் ரசிகர்களின் எதிர்பார்ப்பை பூர்த்தி செய்யும் வகையில் இல்லாமல் கலவையான விமர்சனங்களையே பெற்றது. இதற்கு போட்டியாக வெளிவந்த சீதா ராமம் படம் தான் இந்த வாரம் வெளியான படங்களிலேயே பாசிடிவ் விமர்சனங்களை பெற்று வருகிறது.
இப்படத்துக்கு முதல்நாளில் பெரிய அளவில் வரவேற்பு கிடைக்காமல் இருந்தாலும், பாசிடிவ் விமர்சனங்கள் வருவதைப் பார்த்து இரண்டாம் நாளில் அமோக வரவேற்பை பெற்றுள்ளது. இப்படம் முதல் நாளில் உலகளவில் 5 கோடிக்கு மேல் வசூலித்திருந்த நிலையில், இரண்டாம் நாளில் இதன் வசூல் டபுள் மடங்காக இருந்தது. இரண்டாம் நாளில் இப்படம் 10 கோடிக்கு மேல் வசூலித்ததாக கூறப்படுகிறது.
இதையும் படியுங்கள்... அதிதியுடன் ஜோடியாக கப்பலில் சென்ற கார்த்தி... மலேசியாவில் மாஸ் காட்டும் ‘விருமன்’ ஜோடி - வைரலாகும் போட்டோஸ்
அதேபோல் தமிழ் நாட்டிலும் இப்படத்திற்கான வரவேற்பு அதிகரித்துள்ளது. முதல் நாளில் தமிழ்நாட்டில் 20 லட்சம் மட்டுமே வசூலித்திருந்த இப்படம் இரண்டாம் நாளில் 80 லட்சத்திற்கும் மேல் வசூலித்து 4 மடங்கு அதிக வசூல் ஈட்டி உள்ளது. இன்று விடுமுறை நாள் என்பதால் இப்படத்தின் வசூல் மேலும் அதிகரிக்க வாய்ப்புள்ளதாக கூறப்படுகிறது.
சீதா ராமம் படத்தை ஹனு ராகவபுடி இயக்கி உள்ளார். இப்படத்தில் துல்கர் சல்மான் நாயகனாக நடித்துள்ளார். அவருக்கு ஜோடியாக மிருணாள் தாக்கூரும், ராஷ்மிகா மந்தனாவும் நடித்துள்ளனர். விஷால் சந்திரசேகர் இப்படத்திற்கு இசையமைத்து உள்ளார். இப்படம் தமிழ், தெலுங்கு மலையாளம் ஆகிய மூன்று மொழிகளில் வெளியிடப்பட்டது குறிப்பிடத்தக்கது.
இதையும் படியுங்கள்... அஜய் தேவ்கனுடன் குஷ்பு..என்ன விஷயம் தெரியுமா?
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.