Draupathi 2: விறுவிறுப்பான திரைக்கதை.. அதிரடி வசூல்! இரண்டு நாட்களில் திரௌபதி 2 செய்த தரமான சம்பவம்!

மோகன் ஜி இயக்கத்தில் வெளியான 'திரௌபதி 2' திரைப்படம், சர்ச்சைகள் மற்றும் போட்டிகளுக்கு மத்தியில் முதல் இரண்டு நாட்களில் உலகளவில் சுமார் ₹1.6 கோடி வசூல் செய்துள்ளது. இந்த ஆரம்பகட்ட வசூல் படக்குழுவினரை உற்சாகப்படுத்தியுள்ளது.

Image Credit : X

கல்லா கட்டும் நம்ம ஊரு சினிமா!

இயக்குநர் மோகன் ஜி - ரிச்சர்ட் ரிஷி கூட்டணியில் உருவான சர்ச்சைகளுக்கும் எதிர்பார்ப்புகளுக்கும் பஞ்சமில்லாத 'திரௌபதி 2' திரைப்படம் கடந்த ஜனவரி 23-ம் தேதி திரையரங்குகளில் பிரம்மாண்டமாக வெளியானது. 14-ம் நூற்றாண்டின் வரலாற்றுப் பின்னணியையும், தற்கால அரசியலையும் இணைத்துப் பேசியுள்ள இந்தப் படம், தற்போது பாக்ஸ் ஆபீஸில் தனது கணக்கைத் தொடங்கியுள்ளது.

Image Credit : X

வசூல் வேட்டை: ஆரம்பமே அதிரடியா?

படம் வெளியான முதல் நாளிலிருந்தே ரசிகர்கள் மத்தியில் பெரும் விவாதத்தை ஏற்படுத்திய 'திரௌபதி 2', வசூல் ரீதியாகவும் கவனத்தை ஈர்த்து வருகிறது. முதல் நாளில் கிடைத்த வரவேற்பைத் தொடர்ந்து, இரண்டாம் நாளிலும் கணிசமான வசூலை இப்படம் ஈட்டியுள்ளது. கிடைத்துள்ள நம்பகமான தகவல்களின்படி, உலகளவில் திரௌபதி 2 திரைப்படம் கடந்த இரண்டு நாட்களில் மட்டும் சுமார் ₹1.6 கோடி வசூல் செய்து சாதனை படைத்துள்ளது.

Image Credit : X

களத்தில் இறங்கிய மோகன் ஜி டீம்!

கடந்த முறை 'திரௌபதி' முதல் பாகம் கொடுத்த மிகப்பெரிய வசூல் வெற்றியை மனதில் வைத்து, இந்த இரண்டாம் பாகத்திற்கும் ரசிகர்கள் திரையரங்குகளுக்குப் படையெடுத்து வருகின்றனர். ரிச்சர்ட் ரிஷியின் அதிரடி நடிப்பு மற்றும் மோகன் ஜியின் திரைக்கதை பாணி ஆகியவை இப்படத்தின் பலமாகப் பார்க்கப்படுகிறது. இருப்பினும், மற்ற பெரிய படங்களின் போட்டி மற்றும் ரீ-ரிலீஸ் படங்களின் ஆதிக்கம் இருந்தபோதிலும், ₹1.6 கோடி வசூலித்திருப்பது சினிமா வட்டாரத்தில் ஆச்சரியமாகப் பார்க்கப்படுகிறது.

Image Credit : X

அடுத்து நடக்கப்போவது என்ன?

முதல் இரண்டு நாட்களில் சுமார் 1.6 கோடியை எட்டியுள்ள நிலையில், வார இறுதி நாட்களான சனி மற்றும் ஞாயிற்றுக்கிழமைகளில் வசூல் இன்னும் பல மடங்கு உயரும் என எதிர்பார்க்கப்படுகிறது. குடும்பங்கள் மற்றும் இளைஞர்கள் திரையரங்குகளுக்கு வருவதைப் பொறுத்தே, இப்படம் 'ஹிட்' வரிசையில் இணையுமா என்பது உறுதியாகும். 

Image Credit : X

படக்குழுவினரை உற்சாகம்.!

வரலாற்று ரீதியான சர்ச்சைகளும், அரசியல் வசனங்களும் ஒருபுறம் பேசுபொருளாக இருந்தாலும், வசூல் ரீதியாக இப்படம் கல்லா கட்டி வருவது படக்குழுவினரை உற்சாகத்தில் ஆழ்த்தியுள்ளது.