இயக்குனர் ஷங்கர் மற்றும் கிரிக்கெட் வீரர் ரெய்னாவுக்கு டாக்டர் பட்டம்!
இயக்குனர் ஷங்கர் 2-வது முறையாக டாக்டர் பட்டம் பெற்றுள்ளார். தற்போது இதுகுறித்த புகைப்படங்கள் வெளியாக பலரும் இவருக்கு தங்களின் வாழ்த்துக்களை தெரிவித்து வருகிறார்கள்.
இன்று டாப் நடிகராக இருக்கும், விஜய்யின் தந்தையும், இயக்குனருமான எஸ்.ஏ.சந்திரசேகரிடம் உதவி இயக்குனராக பணியாற்றி பின் இயக்குனராக மாறியவர் ஷங்கர். இவர் இயக்கத்தில் கடந்த 1993-ம் ஆண்டு வெளியான ஜென்டில்மேன் படம் இவருக்கு சிறந்த அறிமுக இயக்குனர் என்கிற அந்தஸ்தை பெற்று தந்ததோடு, பிளாக் பஸ்டர் ஹிட் படமாக அமைந்தது.
இந்த படத்தை தொடர்ந்து, தொடர்ந்து வித்தியாசமான கதைகளை இயக்கி ரசிகர்களை கவர்ந்தார். அந்த வகையில் இவர் இயக்கத்தில் வெளியான ஜீன்ஸ், முதல்வன், பாய்ஸ், அந்நியன், எந்திரன், நண்பன், ஐ, 2.0 போன்ற படங்கள் வேற லெவலுக்கு ரசிகர்களால் ரசிக்கப்பட்டது.
மேலும் செய்திகள்: திடீர் என திருமண கோலத்தில் மணமகளாக மாறிய சமந்தா! இதை யாரும் எதிர்பார்த்திருக்க மாட்டாங்க.. வைரல் போட்டோஸ்..!
இன்று பிரமாண்ட இயக்குனர் என்று பெயெரெடுத்துள்ள இவர், அடுத்ததாக இந்தியன் 2 மற்றும் தெலுங்கு திரையுலகில் முன்னணி நடிகராக இருக்கும் ராம் சரணின் 15 ஆவது படம் ஆகியவற்றை இயக்க உள்ளதாக கூறப்படுகிறது. இந்த படத்தின் பணிகளும் விறுவிறுப்பாக நடந்து வருவது குறிப்பிடத்தக்கது.
இந்நிலையில் கடந்த இரண்டு நாட்களாக, தன்னுடைய மகள் அதிதியின் முதல் படமான... 'விருமன்' பட இசைவெளியீட்டு விழாவிலும், இதை தொடர்ந்து அடுத்ததாக அதிதி கமிட் ஆகியுள்ள மாவீரன் பட பூஜையிலும் கலந்து கொண்டு சிறப்பித்த ஷங்கர் தற்போது இரண்டாவது முறையாக டாக்டர் பட்டம் பெற்றுள்ளார். இந்த தகவல் தற்போது வெளியாக அவருக்கு வாழ்த்துக்கள் குவிந்து வருகிறது.
மேலும் செய்திகள்: காதலுக்கு ஓகே சொன்ன பெற்றோர்... விரைவில் மஞ்சிமா மோகனுடன் நடிகர் கெளதம் கார்த்திக்கு திருமணமா?
ஒவ்வொரு ஆண்டும் துறை ரீதியாக சாதனை படைத்து வரும் நபர்களுக்கு வேல்ஸ் பல்கலைக்கழகம் கௌரவ டாக்டர் பட்டம் வழங்கி வருகிறது. அந்த வகையில் இந்த ஆண்டு இயக்குநர் சங்கர், கிரிக்கெட் வீரர் ரெய்னாவுக்கு டாக்டர் பட்டம் வழங்கப்பட்டது.
இதன் மூலம் இயக்குநர் சங்கர் 2வது டாக்டர் பட்டத்தைப் பெறுகிறார். 2007ம் ஆண்டு எம்.ஜி.ஆர் பல்கலைக்கழகம் அவருக்கு டாக்டர் பட்டம் வழங்கியது. இதுகுறித்த புகைப்படங்களும் தற்போது சமூக வலைத்தளத்தில் வைரலாகி வருகிறது.
மேலும் செய்திகள்: மறைந்த நடிகர் புனீத் ராஜ்குமாருக்கு கர்நாடக ரத்னா விருது அறிவிப்பு!