“சார்பட்டா பரம்பரை” வேம்புலி வேடத்தில் நடித்தவரின் மனைவி யார் தெரியுமா?... வைரலாகும் க்யூட் போட்டோ!

ஜான் கொக்கன் தன்னுடைய மனைவியுடன் இருக்கும் போட்டோ தற்போது சோசியல் மீடியாவில் வைரலாகி வருகிறது.

Sarpatta Parambarai

பா.ரஞ்சித் இயக்கத்தில் ஆர்யா நடித்த சார்பட்டா பரம்பரை திரைப்படம் அமேசான் ப்ரைம் ஓடிடி தளத்தில் வெளியாகி நல்ல வரவேற்பை பெற்று வருகிறது. இந்த படத்தில் நடித்த முதல் நிலை கதாபாத்திரங்கள் மட்டுமின்றி துணைக் கதாபாத்திரங்களும் மனதில் நீங்காத இடம் பிடித்துள்ளது. 

சார்பட்டா பரம்பரைக்கு எதிரியான இடியாப்ப பரம்பரையைச் சேர்ந்த வேம்புலி என்ற கதாபாத்திரத்தில் நடித்த ஜான் கொக்கனின் நடிப்பு பெரும் கவனம் ஈர்த்துள்ளது. 

‘என்னை எப்பொழுதும் ஊக்குவிப்பதற்கும் மற்றும் எனக்கு தன்னம்பிக்கை கொடுத்ததற்கும் நன்றி அஜித் சார். நான் கடினமாக உழைப்பதற்கும் ஒரு நல்ல மனிதனாக இருப்பதற்கும் நீங்கள் தான் இன்ஸ்பிரேஷன். நான் இந்த வேம்புலி கதாபாத்திரத்தை உங்களுக்கு அர்ப்பணிக்கிறேன். லவ் யூ சார்’ என ஜான் தன்னுடைய ட்விட்டர் பக்கத்தில் பதிவிட்டது வைரலாகி வந்தது.

இந்நிலையில் ஜான் கொக்கன் தன்னுடைய மனைவியுடன் இருக்கும் போட்டோ தற்போது சோசியல் மீடியாவில் வைரலாகி வருகிறது. தமிழில் சில படங்களில் நடித்தவரும், பிரபல தொகுப்பாளினியான பூஜா ராமச்சந்திரன் தான் ஜானின் மனைவி. இவர் ஜானை 2019ம் ஆண்டு திருமணம் செய்து கொண்டார். 

கணவர் ஜானுடன் இருக்கும் புகைப்படத்தை தன்னுடைய இன்ஸ்டாகிராமில் பகிர்ந்துள்ள பூஜா, அவருடைய வேம்புலி என்ற அவரது பயணத்தின் ஆரம்பம் முதல் இறுதி வரை நான் ஜானின் வாழ்க்கையை கிட்டத்தட்ட வாழ்ந்திருக்கிறேன். அவரது கடுமையான வொர்க்அவுட் அதன் மூலம் அவர் தாங்கிய உடல் வலியைத் தவிர, மீதமுள்ள பகுதிகளில் நான் இருந்தேன். அவர் இந்த படத்தில் கையெழுத்திட்டபோது நான் மிகவும் மகிழ்ச்சியாக இருந்தேன், ஏனெனில் பா.ரஞ்சித் போன்ற இயக்குனருடன் பணிபுரிவது நிச்சயமாக ஒரு நடிகரின் வாழ்க்கையில் ஒரு மைல்கல் என மிக நீளமான பதிவு ஒன்றை போட்டு கணவரை பாராட்டித் தள்ளியுள்ளார்.