தேர்தல் நேரத்தில் துரந்தர் 2 வெளியீடு சர்ச்சை – உயர்நீதிமன்றத்தில் அவசர மனு
தமிழகத்தில் தேர்தல் நடத்தை விதிகள் அமலில் உள்ள முக்கியமான நேரத்தில், ‘துரந்தர் 2’ திரைப்படத்தைச் சுற்றி புதிய சர்ச்சை உருவாகியுள்ளது.
ரன்வீர் சிங் துரந்தர் 2
தமிழகத்தில் தேர்தல் நடத்தை விதிகள் அமலில் உள்ள முக்கியமான நேரத்தில், ‘துரந்தர் 2’ திரைப்படத்தைச் சுற்றி புதிய சர்ச்சை உருவாகியுள்ளது. அரசியல் சார்பு கருத்துகள் இடம்பெற்றுள்ளதாகக் கூறி, இந்தப் படத்தின் வெளியீட்டை தற்காலிகமாகத் தடுக்க வேண்டும் என்ற கோரிக்கையுடன் சென்னை உயர்நீதி மன்றத்தில் அவசர முறையீடு தாக்கல் செய்யப்பட்டுள்ளது.
துரந்தர் 2 சர்ச்சை
இந்த மனுவை வழக்கறிஞர் ஷீலா தாக்கல் செய்து உள்ளார். தேர்தல் நேரத்தில் இப்படம் வெளியாகுவது வாக்காளர்களின் மனநிலையை பாதிக்கக்கூடும் என்றும், ஒரு குறிப்பிட்ட அரசியல் நோக்கத்தை முன்னிறுத்தும் வகையில் உள்ளடக்கம் அமைந்திருக்கலாம் என்றும் அவர் தனது மனுவில் தெரிவித்துள்ளார். இந்த அவசர முறையீட்டை பரிசீலித்த தலைமை நீதிபதி அமர்வு, முறையான மனுவாக தாக்கல் செய்ய அறிவுறுத்தியுள்ளது. அதன்பிறகு வழக்கு விசாரணைக்கு வரலாம் என்றும் நீதிமன்றம் குறிப்பிட்டுள்ளது.
துரந்தர் 2
‘துரந்தர் 2’ ஒரு அரசியல் த்ரில்லர் படமாக உருவாகி வருகிறது. முதல் பாகம் சமூக மற்றும் அரசியல் குற்றச்செயல்கள் குறித்து பேசப்பட்டதாகக் கூறப்படும் நிலையில், இரண்டாம் பாகம் இன்னும் கூர்மையான அரசியல் விமர்சனங்களையும், அதிகாரத்தின் பின்னணியில் நடக்கும் சதிகளையும் மையமாகக் கொண்டதாக தகவல்கள் வெளியாகியுள்ளன.
Dhurandhar 2 Collections
படத்தில் முக்கியமான அரசியல் கதாபாத்திரங்கள், தேர்தல் சூழ்நிலைகள், அதிகாரப் போட்டிகள் போன்றவை வலுவாக சித்தரிக்கப்பட்டுள்ளன. இதனால் படம் வெறும் பொழுதுபோக்கு அல்லாமல், அரசியல் கருத்துக்களையும் வெளிப்படுத்தும் முயற்சியாக பார்க்கப்படுகிறது.
தேர்தல் காலத்தில் அரசியல் கருத்துகள் உள்ள படங்கள் வெளியாவதைத் தவிர்க்க வேண்டும் என்பது பொதுவான கோரிக்கை. குறிப்பாக வாக்காளர்களின் எண்ணங்களை பாதிக்கும் வகையில் உள்ளடக்கம் இருந்தால், அது தேர்தல் விதிமுறைகளுக்கு எதிரானதாக கருதப்படும்.
Dhurandhar 2 Controversy:
இந்த நிலையில், ‘துரந்தர் 2’ திரைப்படம் மீது எழுந்துள்ள குற்றச்சாட்டு, படம் வெளியீட்டில் தாமதத்தை ஏற்படுத்துமா என்ற கேள்வி எழுந்துள்ளது. மொத்தத்தில், இந்த வழக்கு அடுத்த கட்டத்தில் எப்படி நகர்கிறது என்பதையும், படம் திட்டமிட்டபடி வெளியாகுமா என்பதையும் திரையுலகமும், அரசியல் வட்டாரமும் கவனித்து வருகிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
