அசுரன் படத்தின் வசூல் சாதனையை நான்கே நாட்களில் அடிச்சு தூக்கிய திருச்சிற்றம்பலம்... தனுஷ் ஹாப்பியோ ஹாப்பி

நடிகர் தனுஷ் நடித்த யாரடி நீ மோகினி, குட்டி, உத்தம புத்திரன் போன்ற வெற்றிப் படங்களை இயக்கியவர் மித்ரன் ஆர் ஜவகர். கடந்த சில ஆண்டுகளாக படம் எதுவும் இயக்காமல் இருந்த இவர், நீண்ட இடைவெளிக்கு பின்னர் தனுஷுடன் இணைந்த படம் தான் திருச்சிற்றம்பலம். இப்படத்தின் கதையை தனுஷ் எழுத, மித்ரன் ஆர் ஜவகர் இயக்கி இருந்தார்.

இதில் தனுஷுக்கு ஜோடியாக ராஷி கண்ணா, நித்யா மேனன், பிரியா பவானி சங்கர் ஆகியோர் நடித்திருந்தனர். இதுதவிர தனுஷின் தந்தையாக பிரகாஷ் ராஜும், தாத்தாவாக பாரதிராஜாவும் நடித்திருந்த இப்படத்திற்கு அனிருத் இசையமைத்து இருந்தார். வரிசையாக தொடர்ந்து 3 படங்கள் பிளாப் ஆனதால் கவலையில் இருந்த தனுஷுக்கு இப்படத்தின் வெற்றி உற்சாகத்தை கொடுத்துள்ளது.

இதையும் படியுங்கள்... விவாகரத்துக்கு பின் மகனுக்காக இணைந்த ஐஸ்வர்யா - தனுஷ்! மேட்சிங் - மேட்சிங் உடையில் வைரலாகும் புகைப்படம்!

திருச்சிற்றம்பலம் திரைப்படம் பாக்ஸ் ஆபிஸிலும் நல்ல வசூல் பார்த்து வருகிறது. அதன்படி இப்படம் வெளியாகி 4 நாட்கள் முடிவில் ரூ.50 கோடிக்கு மேல் வசூலித்து சாதனை படைத்துள்ளது. நடிகர் தனுஷின் கெரியரில் அதிவேகமாக 50 கோடி வசூல் செய்த படம் என்கிற சாதனையையும் இப்படத்திற்கு கிடைத்துள்ளது.

இதற்கு முன் தனுஷ் - வெற்றிமாறன் கூட்டணியில் வெளியான அசுரன் திரைப்படம் ரூ.50 கோடி வசூலை 10 நாட்களில் கடந்ததே சாதனையாக இருந்த நிலையில், தற்போது திருச்சிற்றம்பலம் திரைப்படம் நான்கே நாட்களில் ரூ.50 கோடிக்கு மேல் வசூல் செய்து சாதனை படைத்துள்ளது. விரைவில் இப்படம் ரூ.100 கோடி வசூல் செய்யும் எனவும் எதிர்பார்க்கப்படுகிறது.

இதையும் படியுங்கள்... நியூயார்க் நகர மேயரை ‘புஷ்பா’வாக மாற்றிய அல்லு அர்ஜுன் - வேற லெவல் இன்ஸ்டா போஸ்ட் இதோ