ரூ.150 கோடி செலவில் கட்டப்பட்ட... புது வீட்டில் குடியேறியதும் தனுஷுக்கு அடித்த யோகம்... குஷியில் வாத்தி

நடிகர் தனுஷ், முதன்முறையாக தெலுங்கில் நடித்த திரைப்படம் சார். வெங்கி அட்லூரி இயக்கிய இப்படம் தமிழில் வாத்தி என்கிற பெயரில் ரிலீஸ் ஆனது. இப்படத்தில் தனுஷுடன் சம்யுக்தா, சமுத்திரக்கனி, கென் கருணாஸ் என மிகப்பெரிய நட்சத்திர பட்டாளமே நடித்திருந்த இப்படம் கடந்த மாதம் ரிலீஸ் ஆனது. ஜிவி பிரகாஷ் இசையமைத்திருந்த இப்படத்தை தமிழ் மற்றும் தெலுங்கு ஆகிய இரு மொழிகளிலும் பிரம்மாண்டமாக ரிலீஸ் செய்திருந்தனர்.

கல்வியின் முக்கியத்துவத்தை உணர்த்தும் வகையில் எடுக்கப்பட்டிருந்த இப்படத்தில் நடிகர் தனுஷ் வாத்தியாராக நடித்திருந்தார். மிகுந்த எதிர்பார்ப்புக்கு மத்தியில் ரிலீஸ் ஆன இப்படம் கலவையான விமர்சனங்களை பெற்றாலும், வசூலை வாரிக்குவித்து வந்தது. அதிலும் குறிப்பாக ஆந்திரா மற்றும் தெலங்கானாவில் வாத்தி படத்திற்கு வேறலெவல் வரவேற்பு கிடைத்தது. தெலுங்கில் மிகப்பெரிய ரசிகர் பட்டாளத்தை கொண்டிருக்கும் விஜய்யின் வாரிசு பட வசூலையே முறியடித்து சாதனை படைத்தது வாத்தி.

இதையும் படியுங்கள்... ரஜினி நோ சொன்ன டைரக்டருடன் கூட்டணி... சிம்புவின் அடுத்த பட இயக்குனர் இவரா? இது நம்ம லிஸ்ட்லயே இல்லையே..!

வாரிசு படம் தெலுங்கில் வாரசுடு என்கிற பெயரில் ரிலீஸ் ஆனது. அப்படம் தெலுங்கு மாநிலங்களில் ரூ.25 கோடி வரை வசூலித்து இருந்தது. ஆனால் வாத்தி படம் பத்தே நாட்களில் இந்த வசூலை முறியடித்தது. அதுமட்டுமின்றி ஆந்திரா மற்றும் தெலங்கானாவில் இப்படத்தை வெளியிட்ட விநியோகஸ்தர்களுக்கும் நல்ல லாபத்தை இப்படம் கொடுத்திருந்தது.

ஆனால் தமிழ் நாட்டில் ஆரம்பத்தில் சுமாராகவே தொடங்கிய இப்படம் தற்போது பேமிலி ஆடியன்ஸ் கொடுத்த வரவேற்பால் இங்கும் வசூலை வாரிக்குவித்து விநியோகஸ்தர்களுக்கு லாபத்தை அளித்த படமாக மாறி உள்ளது. சமீபத்தில் ரூ.150 கோடி செலவில் போயஸ் கார்டனில் கட்டப்பட்ட புதிய வீட்டிற்கு தனுஷ் குடியேறிய நிலையில், அவரது படம் மாபெரும் வெற்றி பெற்றுள்ளதால், அவர் புதுவீட்டில் குயேறிய நேரம் தான் அவருக்கு இப்படி ஒரு வெற்றியை கொடுத்துள்ளதாக கூறி வருகின்றனர். இதனால் தனுஷும் குஷியாக உள்ளாராம்.

இதையும் படியுங்கள்... ரஜினிக்கு தங்கையாக 25 ஆண்டுகளுக்கு பின் ரீ-என்ட்ரி கொடுக்கும் பிரபல நடிகரின் மனைவி!