#DnAisBack... 5 வருஷத்திற்கு அப்புறம் அனிருத்திற்கு கிடைத்த ஸ்பெஷல் பர்த்டே கிப்ட்...!
இதனால் கடந்த 5 வருடங்களாக அனிருத் - தனுஷ் கூட்டணி ஒன்று சேரவே இல்லை.
குறும்படங்களுக்கு இசையமைத்துக் கொண்டிருந்த அனிருத்தை தனுஷ் தனது 3 படம் மூலமாக இசையமைப்பாளராக திரையுலகிற்கு அறிமுகப்படுத்தி வைத்தார். அந்த படத்தில் அனிருத் இசையில் தனுஷ் பாடிய “ஒய் திஸ் கொலவெறி” பாடல் உலக அளவில் பிரபலமானது.
அதன் பின்னர் தனுஷின் பிரியமான இசையமைப்பாளராக மாறினார் அனிருத். இடையில் இருவருக்குள்ளும் ஏற்பட்ட கருத்து வேறுபாடு காரணமாக தங்கமகன் படத்திற்கு பிறகு தனுஷிற்கு அனிருத் இசையமைக்கவில்லை.
தனுஷ் - சிவகார்த்திகேயன் இருவரும் கருத்து வேறுபாடு காரணமாக பிரிந்தது திரையுலகமே அறிந்த செய்தி. அப்போது அனிருத் சிவகார்த்திகேயனின் ஆஸ்தான இசையமைப்பாளராக மாறியது தனுஷுக்கு பிடிக்கவில்லை. அதனால் மூவர் கூட்டணி பிரிந்தது.
இதனால் கடந்த 5 வருடங்களாக அனிருத் - தனுஷ் கூட்டணி ஒன்று சேரவே இல்லை. ரசிகர்கள் செல்லமாக டி.என்.ஏ. என அழைத்து வந்த அசத்தல் ஜோடி பிரிந்துவிட்டதே என வருத்தப்பட்டனர்.
மித்ரன் ஜவஹர் இயக்கத்தில் தனுஷ் நடிக்கும் படத்திற்கு டி 44 என்று தற்போதைக்கு பெயர் வைத்துள்ளனர். அந்த படத்தை சன் பிக்சர்ஸ் நிறுவனம் தயாரிக்கிறது.
இந்நிலையில் அனிருத் பிறந்தநாள் ஸ்பெஷலாக டி 44 குறித்து அதிகாரப்பூர்வ அறிவிப்பு வெளியாகியுள்ளது. இந்த அதிகாரப்பூர்வ அறிவிப்பு குறித்து அசத்தலான வீடியோ ஒன்றையும் சன்பிக்சர்ஸ் நிறுவனம் வெளியிட்டுள்ளது.