அச்சு அசல் இளம் வயது ரஜினிகாந்த் போலவே இருக்கும் தனுஷ் மகன்! பேரன்களுடன் தலைவர்... லேட்டஸ்ட் புகைப்படம் வைரல்!

சூப்பர் ஸ்டார் ரஜினிகாந்த், அவருடைய பேரன்களுடன் இருக்கும் லேட்டஸ்ட் புகைப்படங்கள் தற்போது சமூக வலைத்தளத்தில் வைரலாகி வருகிறது.  

சூப்பர் ஸ்டார் ரஜினிகாந்தின், மூத்த மகள் ஐஸ்வர்யா மற்றும் தனுஷின் மகனான லிங்கா பார்ப்பதற்கு அப்படியே சூப்பர் ஸ்டார் ரஜினிகாந்தின், இளம் வயது தோற்றத்தில் இருக்கும் புகைப்படம் சமூக வலைதளத்தில் தற்போது வைரலாகி வருகிறது.

தமிழ் சினிமாவில் 80 மற்றும் 90களை தொடர்ந்து ட 2 கே கிட்ஸையும் அதிகம் கவர்ந்த நடிகராக இருப்பவர் சூப்பர் ஸ்டார் ரஜினிகாந்த். இவருடைய ஒவ்வொரு படங்களுக்கும் ரசிகர்கள் மிகப்பெரிய ஆதரவு தெரிவித்து வரும் நிலையில், இவர் தன்னுடைய பேரன்களுடன் இருக்கும் லேட்டஸ்ட் புகைப்படம் ஒன்றை ஐஸ்வர்யா ரஜினிகாந்த் வெளியிட அது சமூக வலைத்தளத்தில் தாறுமாறாக வைரலாகி வருகிறது.

எந்த ஒரு சினிமா பின்னணியும் இல்லாமல், திரையுலகில் காலடி எடுத்து வைத்து... சாதித்து காட்டியவர் சூப்பர் ஸ்டார் ரஜினிகாந்த். ஒரு கண்டெக்டராக இருந்து சினிமாவிற்குள் நுழைந்து, பல்வேறு சவால்களைக் கடந்து, இவரை ரசிகர்கள் மத்தியில் மிகவும் பிரபலமாகவும், தனித்தன்மையுடனும் காட்டியது என்றால் அது அவருடைய ஸ்டைல் தான்.

குறிப்பாக சூப்பர் ஸ்டார் ரஜினிகாந்த் நடிப்பில் வெளியான அண்ணாமலை படையப்பா, அருணாச்சலம், பாட்ஷா, முத்து, பாபா, வீரா போன்ற படங்கள் தற்போது வரை பல ரசிகர்களின் ஃபேவரட் திரைப்படங்களாக உள்ளது.

அதிலும் ஏதேனும் பண்டிகை நாட்களில், சூப்பர் ஸ்டார் ரஜினிகாந்தின் பாட்ஷா திரைப்படம் ஒளிபரப்ப பட்டால், புது படங்களையே டிஆர்பியில் பின்னுக்கு தள்ளிவிடும் பாட்ஷா திரைப்படம்.

இந்நிலையில் நேற்று தன்னுடைய 73 வது பிறந்தநாளை, ரஜினிகாந்த் கொண்டாடிய நிலையில்... அவருக்கு பல அரசியல் தலைவர்கள், பிரபலங்கள்  உள்ளிட்ட பலர் தங்களுடைய வாழ்த்துக்களை தெரிவித்தனர். மேலும் ரஜினிகாந்தின் வீட்டின் முன் குவிந்து, அவருடைய ரசிகர்கள் கேக் வெட்டி தங்களுடைய வாழ்த்துக்களை அவருக்கு தெரிவித்தனர்.

இந்நிலையில் ரஜினிகாந்தின்  பிறந்தநாளில் எடுக்கப்பட்ட லேட்டஸ்ட் புகைப்படம் ஒன்றை அவருடைய மகள் ஐஸ்வர்யா ரஜினிகாந்த் வெளியிட்டுள்ளார். இதில் ஐஸ்வர்யாவின் மகன்களான லிங்கா மற்றும் யாத்ரா இருவரும் சூப்பர் ஸ்டார் ரஜினிகாந்த் உடன் உள்ளனர். குறிப்பாக லிங்காவை பார்ப்பதற்கு அப்படியே இளம் வயது ரஜினிகாந்த் போலவே இருப்பதாக பல ரசிகர்கள் கூறி வருகின்றனர். இந்த புகைப்படமும் படு வைரலாகி வருகிறது.

கடைசியாக ரஜினிகாந்த் நடிப்பில், அண்ணாத்த திரைப்படம் வெளியான நிலையில்... இதைத்தொடர்ந்து ஜெயிலர் படம் தற்போது இயக்குனர் நெல்சன் திலீப் குமார் இயக்கத்தில் விறுவிறுப்பாக தயாராகி வருகிறது. மேலும் இந்த படத்தில் முத்து வேல் பாண்டியனாக ரஜினிகாந்த் நடித்து வரும் நிலையில், ரஜினிகாந்தின் பிறந்தநாளை முன்னிட்டு கிலிம்ஸி வீடியோ ஒன்றை வெளியிட்டு தலைவரின் ரசிகர்களுக்கு படக்குழு இன்ப அதிர்ச்சி கொடுத்தது குறிப்பிடத்தக்கது.