மிருணாள் தாக்கூருக்கு முன் தனுஷ் உடன் காதல் கிசுகிசுவில் சிக்கிய நடிகைகள் இத்தனை பேரா?
நடிகர் தனுஷ் மற்றும் நடிகை மிருணாள் தாக்கூர் இருவரும் காதலித்து வருவதாகவும், விரைவில் திருமணம் செய்து கொள்ளப் போவதாகவும் இணையத்தில் செய்திகள் பரவி வருகின்றன.
Dhanush Past Relationships
நடிகர் தனுஷ், தனது நடிப்பால் தேசிய அளவில் கவனம் பெற்றுள்ளார். தொடர்ந்து சூப்பர் ஹிட் படங்களை கொடுத்து வருகிறார். அவரது கேரியர் வெற்றிகரமாக இருப்பது போலவே, அவரது தனிப்பட்ட வாழ்க்கை குறித்த வதந்திகளும் அதிகம். குறிப்பாக, சூப்பர் ஸ்டார் ரஜினிகாந்தின் மகள் ஐஸ்வர்யாவுடனான 18 வருட திருமண வாழ்க்கையை கடந்த 2022-ம் ஆண்டு முறித்துக் கொண்டார். விவாகரத்துக்குப் பிறகு, மிருணாளுடன் ஏற்பட்ட பழக்கம், திருமணத்தில் முடியப்போவதாக சமூக வலைதளங்களில் செய்திகள் பரவி வருகின்றன.
இந்த வதந்திகளுக்கு தனுஷோ, மிருணாளோ இதுவரை பதிலளிக்கவில்லை. ஆனால், வதந்திகள் ஓயவில்லை. தனுஷ் பற்றி இதுபோன்ற வதந்திகள் வருவது இது முதல்முறை அல்ல. இதற்கு முன்பு சில நடிகைகளுடன் தனுஷ் காதல் கிசுகிசுவில் சிக்கி இருக்கிறார். அந்த நடிகைகள் யார் என்று பார்ப்போம்.
தனுஷ் - ஸ்ருதி ஹாசன்
தனுஷின் சினிமா கேரியரில் ஒரு மைல்கல்லாக அமைந்த படம் '3'. இந்தப் படத்தில் தனுஷ், ஸ்ருதி கெமிஸ்ட்ரி நன்றாக ஒர்க் அவுட் ஆனது. இதனால், இருவரும் ரிலேஷன்ஷிப்பில் இருப்பதாக அப்போது செய்திகள் பரவின. இவர்களின் உறவால்தான் தனுஷின் குடும்ப வாழ்க்கையில் விரிசல் ஏற்பட்டதாகவும் கூறப்பட்டது. ஆனால், இந்த செய்திகளை ஸ்ருதி ஹாசன் அப்போதே மறுத்தது குறிப்பிடத்தக்கது.
தனுஷ் - அமலா பால்
வேலையில்லா பட்டதாரி (விஐபி) படத்தில் தனுஷ், அமலா பால் கெமிஸ்ட்ரியும் நன்றாக ஒர்க் அவுட் ஆனது. இந்தப் படத்திற்குப் பிறகு இருவரும் காதலிப்பதாக செய்திகள் வந்தன. அமலா பாலின் விவாகரத்துக்கும் இந்தப் படமே காரணம் என வதந்திகள் பரவின. ஆனால், அமலா பால் பின்னர் வேறொருவரை திருமணம் செய்து கொண்டு செட்டிலாகிவிட்டார்.
தனுஷ் - திரிஷா
பல வருடங்களுக்கு முன்பு தனுஷ் மற்றும் த்ரிஷா இடையே நல்ல நட்பு இருந்தது. சில பார்ட்டிகளில் இருவரும் ஒன்றாக காணப்பட்டதால், அவர்களுக்குள் காதல் இருப்பதாகவும் செய்திகள் வந்தன. ஆனால், தாங்கள் நல்ல நண்பர்கள் மட்டுமே என இருவரும் பலமுறை தெளிவுபடுத்தினர்.
தற்போது தனுஷ் மற்றும் மிருணாள் தாக்கூர் திருமணம் செய்து கொள்ளப் போகிறார்கள் என்ற செய்தி காட்டுத்தீ போல் பரவி வருகிறது. இருவரும் ஒரு புதிய படத்தில் இணைய உள்ளதாகவும், அதற்காகவே இவர்களின் பெயர்கள் இணைத்து பேசப்படுவதாகவும் சினிமா வட்டாரத்தில் கூறுகின்றனர். தனுஷ் தற்போது நடிப்பில் பிஸியாக இருக்க, மிருணாள் தனது பான்-இந்தியா ப்ராஜெக்ட்களில் பிஸியாக உள்ளார்.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
