ஸ்பிரிட் படத்தில் இருந்து தூக்கி எறியப்பட்ட தீபிகா படுகோன் - காரணம் என்ன?
'ஸ்பிரிட்' படத்திலிருந்து தீபிகா படுகோன் நீக்கப்பட்டுள்ளதாக தகவல் வெளியாகி உள்ளது. இந்த அதிரடி முடிவுக்கு அவர் வைத்த நிபந்தனைகள் தான் காரணம் என கூறப்படுகிறது.
Deepika Padukone Opted Out From Spirit Movie
தென்னிந்திய சூப்பர் ஸ்டார் பிரபாஸின் 'ஸ்பிரிட்' படம் மிகவும் எதிர்பார்க்கப்பட்ட படங்களில் ஒன்றாகும். இப்படத்தின் வெளியீட்டை ரசிகர்கள் ஆவலுடன் எதிர்நோக்கி உள்ளனர். இப்படத்தை இயக்குனர் சந்தீப் வாங்கா ரெட்டி இயக்குகிறார். சமீபத்தில், இந்த பான்-இந்தியா படத்தின் முன்னணி நடிகையாக தீபிகா படுகோன் நடிப்பதாக செய்திகள் வெளியாகின. மேலும், தீபிகா படத்திற்காக ரூ.15 கோடி சம்பளம் கேட்டதாகவும், அதை தயாரிப்பாளர்கள் ஏற்றுக்கொண்டதாகவும் தகவல்கள் வெளியாகின.
ஸ்பிரிட் படத்தில் இருந்து வெளியேறிய தீபிகா படுகோன்
இருப்பினும், தற்போது வெளியாகியுள்ள புதிய தகவல் அனைவருக்கும் அதிர்ச்சியை ஏற்படுத்தியுள்ளது. தீபிகா படத்திலிருந்து வெளியேற்றப்பட்டுள்ளதாக கூறப்படுகிறது. இதற்கான காரணமும் வெளியாகியுள்ளது. 'ஸ்பிரிட்' படக்குழுவினர் தீபிகா படுகோன் அதிக சம்பளத்துடன் ஒப்பந்தம் செய்தனர். ஆனால் தற்போது அதில் திடீர் ட்விஸ்ட் ஏற்பட்டுள்ளது. அதன்படி நடிகை தீபிகா படுகோன் ஸ்பிரிட் படத்திலிருந்து வெளியேற்றப்பட்டுள்ளதாக தகவல் வெளியாகி உள்ளது.
தீபிகா படுகோன் வைத்த 3 நிபந்தனைகள்
தீபிகா 3 நிபந்தனைகளை வைத்ததாகவும், அவை தயாரிப்பாளர்களுக்கு பிடிக்காததால் அவரை படத்திலிருந்து நீக்கியதாகவும் செய்திகள் தெரிவிக்கின்றன. தீபிகா தனது நிபந்தனைகளில், லாபத்தில் பங்கு, தெலுங்கில் வசனம் பேச மறுப்பு மற்றும் வேலை நேர வரம்பு ஆகியவற்றை வைத்ததாக கூறப்படுகிறது. ஆனால் சந்தீப் வாங்கா ரெட்டிக்கு இந்த நிபந்தனைகள் பிடிக்கவில்லை. இதனால், தீபிகாவுடன் தொடர்ந்து பணியாற்ற வேண்டாம் என்று அவர் முடிவு செய்தார். இருப்பினும், இதுகுறித்து இதுவரை எந்த அதிகாரப்பூர்வ அறிவிப்பும் வெளியாகவில்லை.
தீபிகா படுகோன் கைவசம் உள்ள படங்கள்
தீபிகா படுகோன் பாலிவுட் திரையுலகின் முன்னணி நடிகைகளில் ஒருவர். அவர் தொடர்ந்து பாக்ஸ் ஆபிஸில் வெற்றி பெற்று வருகிறார். அவர் கடைசியாக 2024 இல் வெளியான 'கல்கி 2898 AD' படத்தில் நடித்திருந்தார். இந்த படம் வெளியானவுடன் பாக்ஸ் ஆபிஸில் சாதனை படைத்து ரூ.1200 கோடி வசூல் செய்தது. இதற்கு முன்பு, தீபிகா 'ஜவான்' மற்றும் 'பதான்' போன்ற பிளாக்பஸ்டர் படங்களில் நடித்திருந்தார். இந்த இரண்டு படங்களும் பாக்ஸ் ஆபிஸில் ரூ.1000 கோடிக்கு மேல் வசூல் செய்தன. தற்போது தீபிகா, ஷாருக்கானின் 'கிங்' படத்தில் நடிப்பதாக கூறப்படுகிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
