ரஜினியின் 'தர்பார்' பட வில்லன் சுனில் ஷெட்டி மகள் அதியா ஷெட்டி - கே.எல்.ராகுல் திருமண புகைப்படங்கள் வெளியானது!

தமிழில், நடிகர் ரஜினிகாந்த் நடித்த 'தர்பார்' உள்ளிட்ட சில படங்களில் நடித்துள்ள பாலிவுட் நடிகர் சுனில் ஷெட்டியின் மகள் பாலிவுட் நடிகை அதியா ஷெட்டி மற்றும் இந்திய கிரிக்கெட் வீரர் கே.எல் ராகுல் ஆகியோருக்கு மகாராஷ்டிரா மாநிலம் கண்டாலாவில் உள்ள சுனில் ஷெட்டியின் விருந்தினர் மாளிகையில் மிக பிரமாண்டமாக இன்று மாலை 4 மணிக்கு திருமணம் நடந்து முடிந்துள்ளது.

கடந்த 2018 ஆம் ஆண்டில் இருந்தே கே.எல்.ராகுல் மற்றும் அதியா  ஷெட்டி இருவரும் காதலித்து வந்த நிலையில், கடந்த இரண்டு வருடங்களாக இவர்கள் இருவரும் லிவிங் டூ கெதர் வாழ்க்கை வாழ்ந்து வந்தனர். முதலில் இவர்களின் திருமணத்திற்கு அதியா  ஷெட்டி தரப்பில் சம்மதம் தெரிவிக்கவில்லை என்றாலும், தற்போது, இருதரப்பு பெற்றோர் சம்மதத்துடன் இவர்களின் திருமணம் இன்று மாலை நடந்து முடிந்துள்ளது.

Thalapathy 67: 'விக்ரம்' வெற்றிக்கு கைமாறு செய்யும் கமல்ஹாசன்! தளபதி 67 படத்தில் இணைகிறாரா உலக நாயகன்?

காதலித்து திருமணம் செய்து கொண்ட, பாலிவுட் நடிகை அதியா  ஷெட்டி திருமணத்தின் போது எடுக்கப்பட்ட புகைப்படங்களை தற்போது சமூக வலைத்தளத்தில் வெளியிடவே, ரசிகர்கள் மற்றும் பிரபலங்கள் பலர் தங்களின் வாழ்த்துக்களை தெரிவித்து வருகிறார்கள்.

நடிகை அதியா ஷெட்டி,  தன்னுடைய இன்ஸ்டாகிராம் பக்கத்தில் கூறியுள்ளதாவது, 'உங்கள் வெளிச்சத்தில், நான் எப்படி காதலிப்பது என்று கற்றுக்கொள்கிறேன்' இன்று, எங்களுக்கு மிகவும் பிடித்தவர்களுடன், எங்களுக்கு மிகுந்த மகிழ்ச்சியையும், அமைதியையும் கொடுத்த வீட்டில் நாங்கள் திருமணம் செய்துகொண்டோம். இந்த ஒற்றுமை பயணத்தில் உங்கள் ஆசீர்வாதங்களை நாங்கள் வேண்டுகிறோம். என பதிவிட்டுள்ளார்.

யார் இந்த விக்ரமன்? வெற்றிவாய்ப்பை கடைசி நேரத்தில் நழுவ விட என்ன காரணம்..! ஆச்சரியப்படுத்தும் தகவல்கள்!

இவர்களின் திருமணத்தில் முக்கிய குடும்பத்தினர், நண்பர்கள், மற்றும் பிரபலங்கள் என சுமார் 100 பேர் மட்டுமே திருமண விழாவில் கலந்து கொண்டதாக கூறப்படுகிறது. கத்ரீனா கைஃப் மற்றும் விக்கி கௌஷலைப் போலவே இந்த ஜோடியும், தொலைபேசி போன்றவற்றை கொண்டு வர வேண்டாம் என வேண்டுகோள் வைத்தததாக தகவல் வெளியாகியுள்ளது. மேலும் பாரம்பரிய முறைகளை பின் பற்றி இவர்க்ளின் திருமணம் நடந்துள்ளது குறிப்பிடத்தக்கது.