விராட் கோலி - அனுஷ்கா சர்மா தம்பதிக்கு குழந்தை பிறந்தாச்சு... குவியும் வாழ்த்துக்கள்...!

நிறைமாத வயிறுடன் பிரபல மேக்ஸினுக்காக அனுஷ்கா சர்மா நடத்திய போட்டோ ஷூட் உலக அளவில் பிரபலமானது. மார்டன் உடையில் சிரித்த முகத்துடன் போஸ் கொடுத்திருந்தார் அனுஷ்கா சர்மா. 

அதன் பின்னர் நிறைமாத வயிறுடன் ட்ரெட்மில்லில் நடைப்பயிற்சி செய்யும் அனுஷ்கா சர்மாவின் வீடியோவும் சோசியல் மீடியாவில் வெளியாகி தாறுமாறு வைரலானது. 

இந்த நட்சத்திர தம்பதி விரைவில் குழந்தையை எதிர்பார்த்து காத்திருந்த நிலையில், இன்று நடிகையும் கிரிக்கெட் வீரர் விராட் கோலியின் மனைவியுமான அனுஷ்கா சர்மா இன்று பிரசவத்திற்காக மருத்துவமனையில் அனுமதிக்கப்பட்டார். 

உலகம் முழுவதும் ஏராளமான ரசிகர்கள் ஆவலுடன் காத்திருந்த நிலையில் விராட் கோலி, அனுஷ்கா சர்மா தம்பதிக்கு சற்று நேரத்திற்கு முன்பு பெண் குழந்தை பிறந்துள்ளது. 

இதுகுறித்து விராட் கோலி தன்னுடைய ட்விட்டர் பக்கத்தில், “இன்று நண்பகல் எங்களுக்கு பெண் குழந்தை பிறந்துள்ளது என்பதை உங்களில் மகிழ்ச்சியுடன் தெரிவித்துக் கொள்கிறோம். உங்களின் பிரார்த்தனை மற்றும் வாழ்த்துக்களுக்கு நன்றி சொல்லிக் கொள்கிறோம். அனுஷ்கா ஷர்மா மற்றும் குழந்தையும் ஆரோக்கியமாக இருக்கிறார்கள். எங்கள் வாழ்க்கையில் புதிய அத்தியாயத்தை தொடங்கி விட்டோம். இந்த சமயத்தில் எங்களின் தனிப்பட்ட நேரத்திற்கு நீங்கள் மதிப்பு கொடுப்பீர்கள் என நம்புகிறோம்” என பதிவிட்டுள்ளார்.