குக் வித் கோமாளியில் இருந்து வெளியேறி அதிர்ச்சி கொடுத்த மணிமேகலை... வெங்கடேஷ் பத் போட்ட நெகிழ்ச்சி பதிவு!

குக் வித் கோமாளி நிகழ்ச்சியில் இருந்து மணிமேகலை விலகியதாக கூறியதை தொடர்ந்து, இந்த நிகழ்ச்சியின் நடுவராக வெங்கடேஷ் பத் மிகவும் உருக்கமான பதிவு ஒன்றை போட்டுள்ளார்.  

விஜய் டிவி தொலைக்காட்சியில் 'பிக்பாஸ்' நிகழ்ச்சிக்கு நிகராக டி.ஆர்.பி-யில் கெத்து காட்டி வரும் ரியாலிட்டி ஷோ என்றால் அது குக் வித் கோமாளி எனலாம். வாரம்  இரண்டு நாட்கள் ஒளிபரப்பாகும் இந்த நிகழ்ச்சிக்கு என ஏகப்பட்ட ரசிகர்கள் உள்ளனர். இந்தியாவை தாண்டி வெளிநாட்டிலும் இந்த நிகழ்ச்சிக்கான ரசிகர்கள் உள்ளனர்.

ஒரு சமையல் நிகழ்ச்சியை கூட இந்த அளவிற்கு ஜாலியாக நடத்த முடியுமா என? என ரசிகர்களை ஆச்சர்யப்படுத்தி வரும் இந்த நிகழ்ச்சியின் பலமே கோமாளிகள் தான்.

குக் வித் கோமாளி நிகழ்ச்சியின் மூலம் குக்காக அறிமுகம் கொடுக்கும் பிரபலங்களுக்கு திரையுலகில் கிடைக்கும் வரவேற்பை விட, கோமாளிகளாக இந்த நிகழ்ச்சியை கலகலப்பாக்கும் பிரபலங்களுக்கு தான் அதிக வாய்ப்புகள் குவிந்து வருகிறது.

அந்த வகையில்... குக் வித் கோமாளி நிகழ்ச்சி மூலம் பிரபலமான புகழ், பாலா, ஷிவாங்கி, தங்கதுரை ஆகியோர் அடுத்தடுத்த படங்களில் கம்மி ஆகி நடித்து வருகிறார்கள். குறிப்பாக இந்த முறை, பழைய கோமாளிகள் சிலர் பங்கேற்கவில்லை என்றாலும், புது கோமளிகளாக ஜிபி முத்து, ஓட்டேரி சிவா, உள்ளிட்ட சில போட்டியாளர்கள் என்ட்ரி கொடுத்தனர்.

இந்த நிகழ்ச்சி விறுவிறுப்பாக சென்றுகொண்டிருக்கும் நிலையில், கடந்த மூன்று சீசன்களிலும் காமெடியில் கலக்கி வரும், மணிமேகலை திடீர் என "இன்று தான் குக் வித் கோமாளி நிகழ்ச்சியில் தன்னுடைய கடைசி நாள், 2019 முதல் சீசன் முதல் CWC இல் எனது அனைத்து நிகழ்ச்சிகளுக்கும் உங்கள் அனைவருமே அபரிமிதமான அன்பைப் பொழிந்திருக்கிறீர்கள். எனக்கு வழங்கப்பட்ட. எனக்கு கொடுக்கப்பட்ட வாய்ப்பை எப்போதுமே சிறந்ததாக மாற்ற என் உழைப்பை போட்டிருக்கிறேன். குக் வித் கோமாளியின் உங்களை சந்தோசப்படுத்த உண்மையாக இருந்திருக்கிறேன். உங்களிடம் இருந்து எதிர்பாராத அளவு அன்பு கிடைத்தது. அது நான் செய்த செய்யும் மற்ற விஷயங்களிலும் இருக்கும் என நம்புகிறேன் என பதிவிட்டுள்ளார்.

இவரின் இந்த அதிர்ச்சிகரமான பதிவுக்கு ரசிகர்கள் என்ன ஆச்சு?  என ஒரு பக்கம் கேள்வி எழுப்பி வரும் நிலையில்,'கோக் வித் கோமாளி' நிகழ்ச்சியின் நடுவரான வெங்கடேஷ் பத் மிகவும் நெகிழ்ச்சியான பதிவு ஒன்றை போட்டுள்ளார். மணி நீ ஒரு சிறந்த பெண் கோமாளி. நான் கண்ட மனிதர்களில் சிறந்தவர். பிறவியிலேயே மிகச் சிறந்த நடிகராகவும் பொழுது போக்காளராகவும் இருக்கிறாய். உன் மூலம் அழகான நினைவை என் வாழ்வில் நான் பெற்றுள்ளேன். கண்டிப்பாக நீ உன் திறமையால் பெரிய அளவில் வருவாய். இப்போது போல அதே பணிவுடன் இருக்க மறக்காதே என்று நெகிழ்ச்சியுடன் பதிவிட்டுள்ளார்.