நீண்ட நாள் காதலியை கரம்பிடித்து குக் வித் கோமாளி புகழ்..! வைரலாகும் திருமண போட்டோஸ்..!
'குக் வித் கோமாளி' நிகழ்ச்சி மூலம் பட்டி தொட்டி எங்கும் பிரபலமான ஸ்டண்ட் அப் காமெடியன் புகழ், இன்று தன்னுடைய நீண்ட நாள் காதலியான பென்சியை திருமணம் செய்துகொண்டுள்ளார். இவர்களது திருமண புகைப்படங்கள் தற்போது சமூக வலைத்தளத்தில் வைரலாகி வருகிறது.
விஜய் டிவி-யில் ஸ்டாண்ட் அப் காமெடி மூலம் பிரபலமானவர் புகழ். இதை தொடர்ந்து விஜய் டிவியில் கடந்த 2019 ஆம் ஆண்டு துவங்கப்பட்ட, குக் வித் கோமாளி நிகழ்ச்சியில் கோமாளிகளில் ஒருவராக கலந்து கொண்டார். இந்த நிகழ்ச்சி மூலம் இவருக்கென தனி ரசிகர்கள் கூட்டமே சேர்ந்தது. குறிப்பாக இவர் ரம்யா பாண்டியன், தர்ஷா குப்தா என ஓடி ஓடி சென்று காதலிப்பதாக கூறி காமெடி செய்ததை எல்லாம் அவ்வளவு எளிதில் யாராலும் மறந்து விட முடியாது.
முதல் சீசனை விட இரண்டாவது சீசன் தான், ரசிகர்கள் மத்தியில் அதிகம் பிரபலமானது. இதற்க்கு முக்கிய காரணம், கொரோனா பெருத்தொற்று உலகம் முழுவதும் பரவி, மக்களை வீட்டில் உள்ளேயே கட்டி போட்ட நேரத்தில், இந்த நிகழ்ச்சியை பார்ப்பவர்கள் அதிகரித்தனர். மன உளைச்சலில் இருந்த பலருக்கு இது மிகப்பெரிய ஸ்டிரெஸ் பஸ்டராக இருந்தது என்றால் அது மிகையல்ல.
மேலும் செய்திகள்: தளபதி விஜயுடன் விமானத்தில் விதவிதமாக செல்ஃபி... வரலட்சுமி சரத்குமார் புகைப்படத்துடன் பகிர்ந்த தகவல்..!
இதுவரை குக் வித் கோமாளி நிகழ்ச்சியின் மூன்று சீசன் முடிவடைந்துள்ள நிலையில், முதல் சீசனில் வனிதா விஜயகுமார் டைட்டில் வின்னராக இருந்தார். இதை தொடர்ந்து இரண்டாவது சீசனில் கனி டைட்டில் பட்டத்தை தட்டி சென்றார். சமீபத்தில் நடந்து முடிந்த மூன்றாவது சீசனில், பிரபல நடிகையும், பழம்பெரும் நடிகர் தேங்காய் சீனிவாசனின் பேதியுமான ஸ்ருதிகா டைல்ட் பட்டத்தை வென்றார்.
இந்த நிகழ்ச்சியில் குக்குகள் டைட்டில் பட்டத்தை வென்றாலும், நிகழ்ச்சி மிகவும் சுவாரஸ்யமாக செல்வதற்கு முக்கிய காரணம் கோமாளிகள் தான். அதிலும், புகழ், ஷிவாங்கி, பாலா, மணிமேகலை போன்றவர்களின் அட்ராசிட்டிக்கு அளவே இல்லை. இந்த நிகழ்ச்சியில் மூலம் இவர்கள் அனைவரும் அடுத்தடுத்து பட வாய்ப்புகளையும் பெற்று நடித்து வருகிறார்கள்.
மேலும் செய்திகள்: நயன் - விக்கி தயாரிப்பில் 'வாக்கிங்/டாக்கிங் ஸ்ட்ராபெரி ஐஸ்கிரீம்' படத்தில் நடிக்கும் 5 நடிகைகள் யார் யார்?
அந்த வகையில் தற்போது புகழின் கைவசம் சுமார் அரை டஜனுக்கும் அதிகமான படங்கள் உள்ளது. மேலும் புகழ் சமீபத்தில் தான் தன்னுடைய காதலி பென்சியை பற்றி அறிவித்து ரசிகர்களுக்கு இன்ப அதிர்ச்சி கொடுத்த நிலையில், கடந்த மாதம் தன்னுடைய திருமணம் குறித்த தகவலையும் வெளியிட்டிருந்தார்.
இந்நிலையில் புகழ் - பென்சி திருமணம் இன்று மிகவும் பிரமாண்டமாக குடும்பத்தினர் மற்றும் நண்பர்கள் முன்னிலையில் நடந்து முடித்துள்ளது. இவர்களது திருமண வரவேற்பு செப்டம்பர் 5 ஆம் தேதி நடைபெற உள்ள நிலையில், இதில் குக் வித் கோமாளி நிகழ்ச்சி பிரபலங்கள், விஜய் டிவி தரப்பை சேர்ந்தவர்கள் மற்றும் பிரபலங்கள் சிலரும் கலந்து கொள்ள உள்ளதாக கூறப்படுகிறது.
மேலும் செய்திகள்: மகன் சிம்புவுக்கு பெண் கேட்டு போய்.. அசிங்கப்பட்டாரா டி.ராஜேந்தர்? என்ன ஆச்சு.. வெளியான அதிர்ச்சி தகவல்!
தற்போது புகழ் பென்சியை தன்னுடைய குடும்ப வழக்கப்படி திருமணம் செய்து கொண்ட புகைப்படம் வெளியாக, ரசிகிர் பலர் தங்களுடைய வாழ்த்துக்களை தெரிவித்து வருகிறார்கள்.