குடும்பத்தோடு விபத்தில் சிக்கிய இமான் அண்ணாச்சி! அவரே வெளியிட்ட பரபரப்பு தகவல்!

சினிமாவில் கதாநாயகன் ஆகவேண்டும் என்கிற எண்ணத்தில் சொந்த ஊரில் இருந்து சென்னைக்கு வருபவர்கள் ஏராளம், அந்த வகையில்... 'விஜயகாந்த் போல் இருக்கிறாய் என சொந்த பந்தங்கள் சொல்லியதால், நானும் நடிகன் ஆகியே தீருவேன் என சொந்த ஊறியில் இருந்து சென்னை வந்த இமான் அண்ணாச்சிக்கு, ஹீரோ வாய்ப்பு கிடைக்கவில்லை என்றாலும் ஒரு சில படங்களில் சிறு சிறு வேடத்தில் நடிக்கும் வாய்ப்பு கிடைத்தது.

தன்னுடைய வாழ்வாதாரத்துக்காக அதிகம் கஷ்டப்பட்ட இவர் தள்ளுவண்டியில் காய் கறிகள் விற்று கொண்டே, சினிமாவிலும் முயற்சி செய்தார். 2006-ஆம் ஆண்டு வெளியான சென்னை காதல் மற்றும் வேட்டைக்காரன் ஆகிய படங்களில் தலைகாட்டிய இமான் அண்ணாச்சி, அதன் பின்னர் கோலங்கள் சீரியலில் அன்வர் என்கிற கதாபாத்திரத்தில் நடித்தார். இந்த சீரியல் வாய்ப்பு இவருக்கு அடுத்தடுத்த படங்களின் நடிக்க காரணமாக அமைந்தது.

மௌனம் பேசியதே; சீரியலை விட்டு விலக இது தான் காரணம் - லிவிங்ஸ்டன் மகள் ஜோவிதா!

அங்காடி தெரு, பானா காத்தாடி, கோ, பாகன், மிரட்டல், மரியான் என பல படங்களில் காமெடி வேடங்களை ஏற்று நடித்தார். அதே போல் சின்னத்திரையில்...  'சொல்லுங்க அண்ணே சொல்லுங்க' மற்றும் 'குட்டீஸ் சுட்டீஸ்' நிகழ்ச்சியில் குழந்தைகளுடன் இவர் சேர்ந்து செய்யும் அற்றாசிட்டி இவருக்கென தனி ரசிகர்கள் கூட்டத்தையும் பெற்று தந்தது. தற்போது ஒரு படத்தில் நடிக 20 முதல் 25 லட்சம் வரை சம்பளம் பெரும் காமெடி நடிகராக இருக்கும் இமான் அண்ணாச்சி விபத்தில் சிக்கியுள்ள சம்பவம் பரபரப்பை ஏற்படுத்தியுள்ளது.

சென்னையில் இருந்து நெல்லைக்கு செல்லும் புறவழி சாலையில்,இமான் அண்ணாச்சி குடும்பத்துடன் காரில் சென்றபோது ஒரு மாடு சாலையில் குறுக்கே வந்திருக்கிறது. அப்போது கார் நிலை தடுமாறி அந்த மாடு மீது மோதி விபத்தில் சிக்கி இருக்கிறது. இதில் அதிஷ்டவசமாக இமான் அண்ணாச்சி மற்றும் அவருடைய குடும்பத்தினர் பெரிதாக எந்த ஒரு பாதிப்பு இன்றி உயிர் தப்பி இருக்கிறார்கள். இந்த தகவலை இமான் அண்ணாச்சியே தனது இன்ஸ்டா பக்கத்தில் பகிர்ந்துள்ளார். அதே போல் மாடுகளால் நடக்கும் விபத்தை தடுக்க அரசு நடவடிக்கை எடுக்க வேண்டும் என கேட்டுக்கொண்டுள்ளார்.

பிக்பாஸ் ஹிந்தியில் கலக்கிய ஸ்ருதிகா வெளியிட்ட திருமண போட்டோஸ்!