சிக்கலில் ஷில்பா ஷெட்டி ரெஸ்டாரண்ட்; "80 லட்சத்தால்" வந்த தலைவலி - அப்படி என்ன ஆச்சு?

Actress Shilpa Shetty : பல திரை நட்சத்திரங்களை போலவே பிரபல நடிகை ஷில்பா ஷெட்டியும் மும்பை நகரில் ஒரு ரெஸ்டாரண்ட் ஒன்றை நடத்தி வருகின்றார்.

Shilpa Shetty

மும்பை நகரின் தாதரில் தான் பிரபல பாலிவுட் நடிகை ஷில்பா ஷெட்டியின் "ஃபைன் டைனிங் ரெஸ்டாரன்ட்" உள்ளது. அந்த உணவகத்தின் பெய "பாஸ்டியன்". பல பணக்காரர்கள் வந்து உணவு உண்டு செல்லும் அந்த பிரபல ஹோட்டலில் அதிர்ச்சி தரும் வகையில் ஒரு கொள்ளை சம்பவம் நடந்துள்ளது. பிரபல நாளிதழ் ஒன்றில் வெளியிடப்பட்ட அறிக்கையின்படி, அந்த உணவகத்தின் வாகன நிறுத்துமிடத்தில் இருந்த சுமார் 80 லட்சம் ரூபாய் மதிப்புள்ள கார் இன்று திருடப்பட்டுள்ளது. காணாமல் போன அந்த காரின் உரிமையாளர் பாந்த்ராவைச் சேர்ந்த தொழிலதிபர் ருஹான் கான் ஆவார்.

Bastian

அவர் ஷில்பா ஷெட்டி உணவகத்தில் உணவை அருந்திவிட்டு உணவகத்தை விட்டு வெளியே வந்தபோது தான் தன்னுடைய 80 லட்சம் மதிப்பில்லா கார் திருபோனதை அவர் அறிந்துள்ளார். உடனடியாக அந்த தொழிலதிபர் சிவாஜி பார்க் காவல் நிலையத்தில் தனது வண்டி குறித்து எஃப்ஐஆர் பதிவு செய்துள்ளார். தொழிலதிபர் ருஹான், தனது நண்பர்களுடன் உணவகத்திற்கு வந்ததாக போலீசார் அளித்த அறிக்கை மேலும் தெரிவிக்கிறது. காரை ஹோட்டலின் அடித்தளத்தில் நிறுத்திவிட்டு, ஹோட்டலில் வேலை செய்யும் வாலிபரிடம் கார் சாவியை கொடுத்துள்ளார் அவர். இந்த சம்பவம் குறித்து போலீசார் சிசிடிவி காட்சிகளையும் ஆய்வு செய்தனர்.

Bastian Mumbai

காரை அந்த நபர் பார்க் செய்துவிட்டு சென்றதும், ஜீப் காம்பஸ் காரில் வந்த இரண்டு நபர்கள், அடித்தளத்திற்குள் நுழைவதை கேமரா பதிவில் காணமுடிந்துள்ளது. அதன் பிறகு மேம்பட்ட ஹேக்கிங் நுட்பங்களைப் பயன்படுத்தி அதிகாலை 2 மணியளவில் அந்த காரை அவர்கள் களவாடி  சென்றுள்ளனர். போலீசார் அறிக்கையின்படி, கொள்ளையர்கள் காரை கள்ளத்தனமாக திறந்து, பின்னர் ஒரு சந்தேக நபர் கானின் காரை வெளியே ஓட்டி சென்றுள்ளார். அதிகாலை 4 மணியளவில் உணவகம் மூடப்பட்டபோது, ​​​​கான் "வாலட்டை" (ஹோட்டலில் உள்ள கார் ஓட்டும் நபர்) தனது காரைக் கொண்டுவருமாறு கூறியுள்ளார். ஆனால் அதற்கு கார் ஓட்டும் நபரிடம் இருந்து கிடைத்த பதில், காரை காணவில்லை என்பது தான். 

Shilpa Shetty Hotel

இதற்கிடையில், ஷில்பா ஷெட்டிக்கு சொந்தமான அந்த உணவகத்தில் பாதுகாப்பு நடவடிக்கைகள் குறித்து கேள்வி எழுப்பியதன் மூலம் கான் தனது வருத்தத்தை வெளியிட்டுள்ளார். திருடப்பட்ட காரைக் கண்டுபிடித்து, காரணமானவர்களைக் கைது செய்ய, சுற்றியுள்ள பகுதிகளில் இருந்து கூடுதல் CCTV காட்சிகளை போலீஸார் தொடர்ந்து விசாரிக்கும் அதே வேளையில், மேம்பட்ட பாதுகாப்புகளை செய்யவேண்டும் என்று ஹோட்டல் நிர்வாகத்திடம் அறிவுறுத்தப்பட்டுள்ளது.

ஷில்பாவின் இந்த உணவகம் பாஸ்டியனின் தாதரில் உள்ள கோஹினூர் சதுக்கத்தின் 48வது மாடியில் அமைந்துள்ளது என்பது குறிப்பிடத்தக்கது.