சீசன் 6-லும் விஜய் டிவி பிரபலங்களை அதிகளவில் களமிறக்கும் பிக்பாஸ்... 10 பெண் போட்டியாளர்கள் லிஸ்ட் இதோ

BiggBoss 6 : தமிழ் பிக்பாஸ் நிகழ்ச்சியில் கடந்த ஆண்டைப் போல் இந்த ஆண்டும் விஜய் டிவி பிரபலங்கள் தான் அதிகளவில் கலந்துகொள்ள உள்ளதாக தகவல்கள் தெரிவிக்கின்றன.

ரியாலிட்டி ஷோக்களில் பிக்பாஸ் நிகழ்ச்சிக்கென்று தனி மவுசு உண்டு. தமிழில் இந்நிகழ்ச்சி இதுவரை 5 சீசன்கள் முடிந்துள்ளது. விரைவில் 6-வது சீசன் தொடங்க உள்ளது. வருகிற அக்டோபர் 2-ந் தேதி தமிழ் பிக்பாஸ் நிகழ்ச்சியின் 6-வது சீசன் தொடங்கும் என எதிர்பார்க்கப்படுகிறது. இந்நிகழ்ச்சியில் கலந்துகொள்ள உள்ள போட்டியாளர்கள் குறித்து அவ்வப்போது தகவல்கள் கசிந்த வண்ணம் இருக்கும்.

தற்போது நிகழ்ச்சி தொடங்குவதற்கு இன்னும் ஒரு மாதமே உள்ள நிலையில், அதில் கலந்துகொள்ள உள்ள போட்டியாளர்கள் விவரம் கிட்டத்தட்ட உறுதியாகிவிட்டது. அதன்படி பிக்பாஸ் சீசன் 6 நிகழ்ச்சியில் கலந்துகொள்ள உள்ள 10 பெண் போட்டியாளர்கள் குறித்த தகவல் வெளியாகி சமூக வலைதளங்களில் வைரலாகி வருகிறது.

ராஜலட்சுமி, டிடி

கடந்த ஆண்டைப் போல் இந்த ஆண்டும் விஜய் டிவி பிரபலங்கள் தான் அதிகளவில் இந்த ஷோவில் கலந்துகொள்ள உள்ளார். அதன்படி விஜய் டிவியின் பேமஸ் தொகுப்பாளினி டிடி, சூப்பர் சிங்கர் நிகழ்ச்சி மூலம் பிரபலமான ராஜலட்சுமி ஆகியோர் கலந்துகொள்ள உள்ளது கிட்டத்தட்ட உறுதியாகிவிட்டதாம்.

இதையும் படியுங்கள்... ரீ-ரிலீசாகி ஹவுஸ்புல் ஆன 3... தமிழில் பிளாப் ஆன தனுஷின் படத்துக்கு தெலுங்கில் இப்படி ஒரு வரவேற்பா?

அர்ச்சனா, ரோஷினி

அதேபோல் விஜய் டிவியில் ஒளிபரப்பான பாரதி கண்ணம்மா சீரியலில் நடித்து பிரபலமான ரோஷினியும் பிக்பாஸ் வீட்டுக்குள் செல்ல உள்ளாராம். இவர் சமீபத்தில் நடந்து முடிந்த குக் வித் கோமாளி நிகழ்ச்சியில் கலந்துகொண்டார். விஜய் டிவி-யில் ஒளிபரப்பாகும் ராஜா ராணி சீரியலில் வில்லியாக நடித்து பிரபலமான அர்ச்சனாவும் போட்டியாளராக பங்கேற்க உள்ளாராம்.

ஸ்ரீநிதி, தர்ஷா குப்தா

இதுதவிர மேலும் இரண்டு விஜய் டிவி பிரபலங்களும் பிக்பாஸ் 6-ல் கலந்துகொள்ள உள்ளார்களாம். அவர்கள் யார் என்றால் செந்தூரப்பூவே சீரியலில் நடித்த தர்ஷா குப்தா மற்றும் 7சி சீரியலில் நடித்து பிரபலமான ஸ்ரீநிதி ஆகிய இருவர் தான்.

ஷில்பா மஞ்சுநாத், மனிஷா யாதவ்

இவர்களைத் தவிர இஸ்பேட் ராஜாவும் இதய ராணியும், காளி போன்ற படங்களில் ஹீரோயினாக நடித்த நடிகை ஷில்பா மஞ்சுநாத் மற்றும் ஆதலால் காதல் செய்வீர், த்ரிஷா இல்லேனா நயன்தாரா போன்ற படங்களில் ஹீரோயினாக நடித்த மனிஷா யாதவ் ஆகியோரும் இதில் பங்கேற்க உள்ளது கிட்டத்தட்ட உறுதியாவிட்டதாம்.

அஞ்சனா, மோனிகா

இறுதியாக நடிகர் இமானின் முன்னாள் மனைவி மோனிகா மற்றும் தமிழ் சினிமா நிகழ்ச்சிகளை தொகுத்து வழங்கி பேமஸ் ஆன விஜே-வாக வலம் வரும் அஞ்சனா ஆகியோரும் பிக்பாஸில் பங்கேற்க உள்ளதாக தகவல்கள் தெரிவிக்கின்றன.

இதையும் படியுங்கள்... வெற்றிமாறன் படத்துக்காக மாஜி மாமனார் ரஜினியுடன் கூட்டணி அமைத்த தனுஷ்..! வெளியான சர்ப்ரைஸ் அப்டேட்