இந்த காதலும் கசந்துவிட்டதா... காதலனுடன் பிரேக்-அப் ஆனதால் பாதியில் நின்றுபோன பிக்பாஸ் ஆயிஷாவின் திருமணம்?

பிக்பாஸ் நிகழ்ச்சி மூலம் பிரபலமான நடிகை ஆயிஷா, தனது காதலனை பிரேக் அப் செய்து பிரிந்துவிட்டதாக தகவல் வெளியாகி சின்னத்திரை வட்டாரத்தில் பரபரப்பை ஏற்படுத்தி உள்ளது.

ayesha

சின்னத்திரை சீரியல்களில் நடித்து மக்கள் மத்தியில் பிரபலமானவர் ஆயிஷா. குறிப்பாக இவர் நடித்த சத்யா சீரியல் மிகவும் பேமஸ் ஆனதால், அதன்மூலம் ஆயிஷாவுக்கு புகழ் வெளிச்சமும் கிடைத்தது. இதையடுத்து அந்த சீரியலில் இருந்து விலகி பிக்பாஸ் நிகழ்ச்சியில் போட்டியாளராக களமிறங்கினார் ஆயிஷா. கமல்ஹாசன் தொகுத்து வழங்கிய பிக்பாஸ் சீசன் 6 நிகழ்ச்சியில், ஆரம்பத்தில் சண்டக்கோழியாக இருந்த ஆயிஷா, பின்னர் மக்களின் மனம் கவர்ந்த போட்டியாளராக மாறினார்.

பிக்பாஸ் நிகழ்ச்சி முடிந்ததும் காதலர் தினத்தன்று தனது காதலனை அறிமுகப்படுத்தினார் ஆயிஷா. அப்போது தனது காதலனுடன் ஜோடியாக எடுத்த நிச்சயதார்த்த புகைப்படங்களையும் பகிர்ந்து தாங்கள் இருவரும் விரைவில் திருமணம் செய்துகொள்ள உள்ளதாகவும் கூறி இருந்தார் ஆயிஷா. ஆனால் அந்த அறிவிப்புக்கு பின் 4 மாதங்கள் ஆகியும் திருமணம் குறித்து வாய்த்திறக்காமல் இருந்து வந்த ஆயிஷா, தற்போது அனைவருக்கும் அதிர்ச்சி கொடுத்துள்ளார்.

இதையும் படியுங்கள்.... எளிமையாக நடந்த மெரினா ஆடியோ லான்ச் vs மாவீரன் Pre Release Event - சிவகார்த்திகேயனின் விஸ்வரூப வளர்ச்சி!

காதலனை அறிமுகப்படுத்தி 4 மாதங்களே ஆகும் நிலையில், தற்போது திடீரென தனது காதலனுடன் எடுத்த புகைப்படங்கள் அனைத்தையும் தனது இன்ஸ்டாகிராம் பக்கத்தில் இருந்து நீக்கி உள்ளார் ஆயிஷா. அவர்கள் இருவரும் பிரேக்-அப் செய்து பிரிந்துவிட்டதன் காரணமாக தான் ஆயிஷா தனது நிச்சயதார்த்த புகைப்படங்கள் அனைத்தையும் நீக்கிவிட்டதாக கூறப்படுகிறது. இதனால் அவர்களது திருமணமும் நின்றுவிட்டதாக தகவல்கள் தெரிவிக்கின்றன.

நடிகை ஆயிஷா, இதற்கு முன் ஏராளமான காதல் சர்ச்சைகளில் சிக்கி இருக்கிறார். அவர் சீரியல் நடிகர் விஷ்ணுவை காதலிப்பதாக தகவல் பரவியது. பின்னர் அவர் பிக்பாஸ் வீட்டில் இருக்கும்போது அவரது முன்னாள் காதலன் தேவ் என்பவர் ஆயிஷாவுக்கு ஏற்கனவே இரண்டு முறை திருமணம் ஆகிவிட்டதாக கூறி அதிர்ச்சி அளித்தார். அந்த வரிசையில் தற்போது யோகேஷ் உடனான காதலும் கசந்துவிட்டதால் தான் ஆயிஷா அவரை பிரேக்-அப் செய்துவிட்டதாக கூறப்படுகிறது. இருப்பினும் இதுகுறித்து ஆயிஷா தரப்பில் எந்தவித விளக்கமும் அளிக்கப்படவில்லை என்பது குறிப்பிடத்தக்கது.

இதையும் படியுங்கள்.... இன்னும் 10 நாள் தான் பாக்கி.. ஆஸ்கர் வரை செல்லும் தங்கலான் - தயாரிப்பாளர் தந்த Surprise!