சான்ஸ் கிடைச்சா போதும் நடிகைகளுக்கு கிஸ் அடிச்சிடுவாரு... கமல் குறித்து பிரபலம் வெளியிட்ட ஷாக் தகவல்

நடிகர் கமல்ஹாசன் சான்ஸ் கிடைத்தால் நடிகைகளுக்கு கிஸ் அடித்துவிடுவார் என்றும், இதற்கு பயந்தே அவருடன் சில நடிகைகள் ஜோடி சேர மறுத்ததாகவும் பயில்வான் கூறி உள்ளார்.

தமிழ் சினிமாவில் பன்முகத்திறமை கொண்ட வித்தகனாக திகழ்ந்து வருபவர் கமல்ஹாசன். சினிமாவில் இவருக்கு தெரியாத விஷயங்களே இல்லை என சொல்லும் அளவுக்கு நடிப்பு, இசை, இயக்கம், நடனம் என எல்லா ஏரியாவிலும் சிறந்து விளங்கியவர் கமல். சினிமாவில் புதுப்புது தொழில்நுட்பங்களை புகுத்துவதிலும் கமல் வல்லவர். சிறுவயது முதலே சினிமாவில் நடித்து வரும் கமல்ஹாசன் இன்றளவும் பிசியான நடிகராக வலம் வருகிறார் என்றால் அது சினிமாவின் மீது அவர் வைத்திருக்கும் காதலுக்கு எடுத்துக்காட்டு.

இப்படி கமல் பற்றி பல்வேறு நல்ல விஷயங்கள் இருந்தாலும், அவரைப்பற்றிய சில அந்தரங்க விஷயங்களை சர்ச்சைக்குரிய சினிமா பத்திரிகையாளரான பயில்வான் ரங்கநாதன் யூடியூப் சேனலுக்கு அளித்த பேட்டி ஒன்றில் பகிர்ந்துள்ளார். அதில் கமல்ஹாசன் முத்தத்தால் மார்க்கெட்டை இழந்ததாகவும் பயில்வான் தெரிவித்துள்ளார். மேலும் அவருடன் நடிக்க பயந்த நடிகைகள் பற்றியும் கூறி இருக்கிறார் பயில்வான்.

மேலும் அவர் கூறியுள்ளதாவது, ஹீரோயின்களுடன் நெருக்கமாக பழகுவதில் காதல் மன்னன் ஜெமினி கணேசனையே ஓவர்டேக் செய்தவர் கமல்ஹாசன். கெமிஸ்ட்ரி ஒர்க் அவுட் ஆக வேண்டும் எனக் கூறி எல்லா நடிகைகளுடன் நெருங்கிப் பழகுவார். சான்ஸ் கிடைச்சா போதும் கிஸ் அடிச்சிடுவார். அந்த காலத்தில் கமல்ஹாசன் நடிக்கும் படங்களில் கட்டாயம் முத்தக் காட்சி இடம்பெற்று இருக்கும். அதுவும் உதட்டோடு உதடு வைத்து நடிக்கும் லிப்கிஸ் காட்சிகளுக்கு பஞ்சமிருக்காது.

இதையும் படியுங்கள்... லியோ-வில் லோகேஷ் கனகராஜ் சஸ்பென்ஸாக வச்சிருந்த விஷயம் லீக் ஆகிடுச்சு... நிஜமாவே இது வேறலெவல் மேட்டரா இருக்கே!

ஆரம்பகாலத்தில் இது கமல்ஹாசனின் ரசிகர்களிடையே வரவேற்பை பெற்றது. ஆனால் போகப்போக அதுவே அவருக்கு ஒரு தலைவலியாகவும் மாறியது. இப்படி அதிகளவில் முத்தக் காட்சியில் நடித்ததால் பெண்கள் கமல்ஹாசன் படத்துக்கு வர மறுத்தார்கள். அதேநேரம் ரஜினி இதுபோன்ற எந்தவித சர்ச்சை காட்சிகளிலும் நடிக்காததால் அவர் படத்துக்கு பெண்கள் கூட்டம் அதிகமாக சென்றது. இதனால் தான் ரஜினிக்கு மார்க்கெட் அதிகரித்தது. முத்தக் காட்சிகளால் தான் கமல்ஹாசன் மார்க்கெட்டை இழந்தார்.

அப்போ இருந்த நடிகைகள் எல்லாம் கமல்ஹாசனுக்கு ஜோடியாக நடிக்க விரும்பினார்கள். ஆனால் நதியா மட்டும் எத்தனை லட்சம் கொடுத்தாலும் கமலுக்கு ஜோடியாக நடிக்க மாட்டேன் என சொல்லிவிட்டார். தமிழ் நடிகைகளில் நதியா மட்டும் தான் நீச்சல் உடை அணிந்து ஆபாசமாக நடிக்காதவர். எல்லைமீறிய காதல் காட்சிகள் இருந்தால் டிரைக்டரிடமே ஓப்பனாக சொல்லிடுவார். அந்த அளவுக்கு கவனமாக நடித்து வந்ததன் காரணமாக தான் அவர் கடைசி வரை கமல்ஹாசன் உடன் ஜோடி சேர மறுத்துவிட்டதாக பயில்வான் தெரிவித்துள்ளார். 

இதையும் படியுங்கள்... ஆதித்த கரிகாலனை கொன்றது யார்? விடை கொடுத்தாரா மணிரத்னம்? - பொன்னியின் செல்வன் 2 விமர்சனம் இதோ